Genesis 1:22 - Ti Baro a Naimbag a Damag Biblia

²² Binendisionanna amin ida, ket imbagana kadagiti parsua nga agnaed iti danum nga umaduda, ket punnoenda ti taaw. Binilinna met dagiti tumatayab nga umaduda.

Ti Biblia (1973)

²² Ket ti Dios binendicionanna ida a cunana, Agbungacayo coma ket agaducayo, ket punnoenyo dagiti danum dagiti taaw, ket dagiti tumatayab agaduda coma iti daga.

Genesis 1:22 Iomraidhean Croise

Genesis 1:21

Pinarsua ti Dios dagiti dadakkel a parsua iti taaw, ken amin a kita ti parsua iti danum ken amin a kita ti tumatayab. Naragsakan ti Dios idi makitana dagiti inaramidna.

Genesis 1:23

Limmabas ti rabii, ket dimteng ti bigat. Daytoy ti maikalima nga aldaw.

Genesis 1:28

Binendisionanna ida a kunana, “Aganakkayo iti adu tapno agnaedto dagiti kaputotanyo iti amin a paset ti daga ket iturayandanto ti daga. Iturayanyo dagiti ikan, dagiti tumatayab, ken amin nga atap nga animal.

Genesis 30:27

Kinuna ni Laban, “Palubosannak koma a mangibaga iti daytoy: Kas maibatay iti nasursurok maipapan iti panagpadles, ammok a binendisionannak ti Apo gapu kenka.

Genesis 30:30

Bassit pay la ti sanikuam sakbay a simmangpetak ngem nakarangrang-aykan ta binendisionannaka ti Apo gapu kaniak. Ita, tiempona metten a tamingek ti pagimbagak.”

Genesis 35:11

Ket kinuna ti Dios, “Siak ti Dios a Mannakabalin-amin. Maaddaanka iti adu nga annak. Naindaklanto a nasion ti agtaud kenka ket sikanto ti kapuonan dagiti adu nga ari.

Genesis 8:17

Paruarem met dagiti amin a tumatayab ken animal; bay-am nga umaduda tapno agwarasda iti rabaw ti daga.”

Genesis 9:1

Binendisionan ti Dios ni Noe ken dagiti annakna. Kinunana, “Aganakkayo iti adu tapno agwaras dagiti kaputotanyo iti amin a paset ti daga.

Ti Libro ni Job 40:15

Kitaem ti Behemot; pinarsuakayo a dua. Mangan iti ruot a kas iti baka,

Ti Libro ni Job 42:12

Kadagiti maudi a tawen ti panagbiag ni Job, ad-adu ti bendision nga inted ni Yahweh kenkuana ngem idi damo. Naaddaan iti 14,000 a karnero, 6,000 a kamelio, 2,000 a baka ken 1,000 nga asno.

Dagiti Salmo 107:31

Rumbeng ngarud nga agyamanda iti Apo gapu iti di agbalbaliw nga ayatna, gapu kadagiti nakaskasdaaw nga impaayna kadakuada.

Dagiti Salmo 107:38

Binendisionanna ida ket adu nga annak ti naiparabur kadakuada; dina impalubos a bumassit ti bilang dagiti bakada.

Dagiti Salmo 128:3

Agbalinto ti asawam a kas nabunga nga ubas iti balaymo. Agbalinto met dagiti annakmo a kas kadagiti narukbos nga olibo iti likmut ti lamisaanmo.

Dagiti Proverbio 10:22

Ti bendision ti Apo pabaknangenna ti maysa a tao. Mabalin a saan a manayonan ti kinabaknangna iti kinagagetna unay.

Levitico 26:9

Bendisionankayto ket paraburankayto iti adu nga annak; tungpalekto ti karik iti tulagantayo.