Genesis 1:16 - Ti Baro a Naimbag a Damag Biblia

¹⁶ Inaramid ti Dios dagiti dua a dadakkel a silaw: ti init nga agraniag iti aldaw ken ti bulan nga agraniag iti rabii. Inaramidna pay dagiti bituen.

Ti Biblia (1973)

¹⁶ Ket ti Dios inaramidna dagiti dua a silsilaw a dadackel: ti silaw a dacdackel tapno aggundaway iti aldaw, ket ti silaw a basbassit tapno aggundaway iti rabii: inaramidna met dagiti bitbitwen.

Genesis 1:16 Iomraidhean Croise

Genesis 1:15

Agpaaydanto a silaw iti tangatang tapno lawaganda ti daga.” Ket naaramid a kasta.

Ti Libro ni Job 31:26

Diak nagdaydayaw iti naraniag nga init wenno iti napintas a bulan.

Ti Libro ni Job 38:7

Iti parbangon dayta nga aldaw, sangsangkamaysa a nagkanta dagiti bituen ket nagdir-i iti rag-o dagiti nailangitan a parsua.

Dagiti Salmo 148:3

Idaydayawyo, init ken bulan; idaydayawyo, dakay a rumimatrimat a bituen!

Dagiti Salmo 148:5

Agdaydayawda koma amin iti nagan ti Apo, ta idi nagsao, naparsuada.

Dagiti Salmo 19:6

Iti maysa a pungto ti langit ti taudanna, ket agrikos agingga iti sabali a pungtona. Awan ti makalisi iti pudotna.

Dagiti Salmo 74:16

Pinarsuam ti aldaw ken rabii, ti init ken bulan.

Dagiti Salmo 8:3

No tangadek ti langit nga inaramidmo, ti bulan ken dagiti bituen nga insaadmo—

Isaias 13:10

Saanto nga agraniag dagiti bituen ken dadduma pay a grupo dagiti bituen iti tangatang. Nasipngetto ti init no sumingising ket dinto agsilnag ti bulan.

Isaias 24:23

Agsipngetto ti bulan ket saanton nga aglawag ti init, agsipud ta agarinton ti Apo a Mannakabalin-amin. Agturayto idiay Jerusalem, iti Bantay Sion, ket makitanto dagiti pangulo dagiti tattao ti dayagna.

Isaias 40:26

Tumangadkayo iti tangatang! Siasino ti nangparsua kadagiti bituen a makitayo? Ti mangidalan kadakuada a kasla armada, ammona no mano ti bilangda, ket awaganna ti nagan ti tunggal maysa! Dakkel unay ti bileg ken pannakabalinna, awan ti mapukaw uray maysa kadakuada!

Isaias 45:7

Paaddaek ti lawag ken ti sipnget; yegko ti bendision ket idissuorko ti didigra. Siak, ni Yahweh, ti agaramid amin kadagitoy.

Jeremias 31:35

Ited ni Yahweh ti init a silaw iti aldaw, iti rabii, pagraniagenna ti bulan ken dagiti bituen. Kiburenna ti baybay ket agdaranudor dagiti dalluyon; ni Yahweh a Mannakabalin-amin ti naganna.

Habakuk 3:11

Iti gilap ti bumanesbes a panam ken ti rimat ti sumilsilap a gayangmo, nagintek ti init ken ti bulan.

San Mateo 24:29

“Apaman a malpas dagita a rigrigat, agsipngetto ti init, dinto agraniag ti bulan, agtinnagto dagiti bituen, ket mawarawaranto dagiti pannakabalin iti tangatang.

San Mateo 27:45

Iti tengnga ti aldaw, nagsipnget iti entero a daga ket nagpaut iti tallo nga oras.

1 Taga-Corinto 15:41

Adda kabukbukodan a dayag ti init; sabali met ti bulan. Naigiddiat met ti dayag dagiti bituen, ket uray kadakuada, agduduma ti dayagda.

Deuteronomio 4:19

Dikay masulisog nga agrukbab ken agserbi iti makitayo iti tangatang—ti init, ti bulan ken dagiti bituen. Intuding ti Apo a Diosyo a pagdaydayawan dagitoy dagiti sabali a tattao.

Paltiing 21:23

Saanen a masapul ti init ken ti bulan a manglawag iti siudad agsipud ta ti dayag ti Dios ti mangranraniag ket ti Kordero ti pagsilawan.