Genesis 1:14 - Ti Baro a Naimbag a Damag Biblia

¹⁴ Imbilin ti Dios, “Agparang dagiti silaw iti tangatang tapno paglasinenda ti aldaw ken ti rabii, ken tapno ipakitada ti pangrugian dagiti tiempo, aldaw ken tawen.

Ti Biblia (1973)

¹⁴ Ket ti Dios kinunana, Adda coma dagiti silsilaw iti tangatang dagiti langit tapno aglasin ti aldaw ken ti rabii: ket maipaayda coma a cas pagilaslasinan, ken panpanawen, al-aldaw, ken tawtawen:

Genesis 1:14 Iomraidhean Croise

Genesis 1:13

Limmabas ti rabii, ket dimteng ti bigat. Daytoy ti maikatlo nga aldaw.

Genesis 1:15

Agpaaydanto a silaw iti tangatang tapno lawaganda ti daga.” Ket naaramid a kasta.

Genesis 8:22

No la ket adda ti lubong, addanto latta tiempo ti panagmula ken tiempo ti panagapit; addanto latta panawen ti lam-ek ken panawen ti pudot, panawen ti kalgaw ken panawen ti tudtudo. Addanto latta aldaw ken rabii.”

Genesis 9:13

ikabilko ti bullalayawko iti ulep. Daytoy ti tanda ti pannakitulagko iti lubong.

Ti Libro ni Job 25:3

Adda kadi makabilang kadagiti angheles nga agserserbi kenkuana? Adda kadi lugar a saan a malawagan ti silawna?

Ti Libro ni Job 25:5

Uray ti bulan, saan a naraniag iti sangoananna. Kasta met dagiti bituen, saanda a nadalus iti imatangna.

Ti Libro ni Job 3:9

Dimo koma pagraniagen ti baggak; dina koma makita ti bannawag.

Dagiti Salmo 119:91

Agingga ita, agtalinaed ti amin gapu iti bilinmo, agsipud ta agserbida amin kenka.

Dagiti Salmo 148:3

Idaydayawyo, init ken bulan; idaydayawyo, dakay a rumimatrimat a bituen!

Dagiti Salmo 148:6

Babaen iti bilinna, impasdekna ida iti ayanda nga agnanayon awan inggana, ket dida mabalin ti agsalungasing.

Dagiti Salmo 150:1

Madaydayaw ti Apo! Idaydayawyo ti Dios iti Templona! Wen, idaydayawyo ti nailangitan a bilegna.

Dagiti Salmo 81:3

Pagunienyo ti trumpeta no agfiestatayo, tunggal dumteng ti lutuad, kasta met ti kabus.

Isaias 40:26

Tumangadkayo iti tangatang! Siasino ti nangparsua kadagiti bituen a makitayo? Ti mangidalan kadakuada a kasla armada, ammona no mano ti bilangda, ket awaganna ti nagan ti tunggal maysa! Dakkel unay ti bileg ken pannakabalinna, awan ti mapukaw uray maysa kadakuada!

Jeremias 10:2

Kunana: “Diyo tuladen ti aramid dagiti dadduma a nasion; diyo pagdanagan dagiti pagilasinan iti tangatang, uray no madanagan dagiti nasion.

Jeremias 31:35

Ited ni Yahweh ti init a silaw iti aldaw, iti rabii, pagraniagenna ti bulan ken dagiti bituen. Kiburenna ti baybay ket agdaranudor dagiti dalluyon; ni Yahweh a Mannakabalin-amin ti naganna.

Jeremias 33:20

“Nakitulagak iti aldaw ken rabii tapno agparangda a kanayon iti naikeddeng a tiempoda. Saan a masalungasing dayta a katulagan.

Jeremias 33:25

Ngem siak, ni Yahweh, kas iti panangituyangko ti aldaw ken rabii, dagiti annuroten ti daga ken ti tangatang,

Ezekiel 46:1

Kuna ti Apo a Dios, “Bayat ti innem nga aldaw a panagtrabaho, agtalinaed a siririkep ti akindaya a ruangan nga agturong iti akin-uneg a paraangan, ngem maluktan iti Aldaw a Panaginana ken iti Fiesta ti Lutuad.

Ezekiel 46:6

Iti Fiesta ti Lutuad, mangidatag iti bumaro a baka, innem nga urbon ti karnero ken maysa a kalakian a karnero a pasig nga awan ti pakapilawanda.

Joel 2:10

Agkintayeg ti daga iti isusungadda; agpigerger ti tangatang. Agsipnget ti init ken ti bulan; saanen nga agraniag dagiti bituen.

Joel 3:15

Agsipnget ti init ken ti bulan; saanen nga agraniag dagiti bituen.

Amos 5:8

Inaramid ti Apo dagiti bituen, ti Pleiades ken ti Orion. Pagbalinenna ti sipnget a bigat ken ti aldaw a rabii. Ayabanna ti danum ti taaw ket ibuyatna iti daga. Apo ti naganna.

Amos 8:9

Iti dayta nga aldaw, palnekekto ti init iti agmatuon, ket agsipngetto ti daga iti aldaw. Siak, ti Apo a Dios, ti nangibaga iti daytoy.

San Mateo 2:2

“Sadino ti ayan ti ubing a nayanak nga ari dagiti Judio?” sinaludsodda. “Nakitami ti bituenna a nagparang idiay daya ket immaykami agdaydayaw kenkuana.”

San Mateo 24:29

“Apaman a malpas dagita a rigrigat, agsipngetto ti init, dinto agraniag ti bulan, agtinnagto dagiti bituen, ket mawarawaranto dagiti pannakabalin iti tangatang.

San Marcos 13:24

“Kadagita nga aldaw, kalpasan ti panawen ti rigat, agsipngetto ti init, dinto agraniag ti bulan,

San Lucas 23:45

Napigis a naggudua ti kurtina a naibengbeng iti Templo.

Deuteronomio 4:19

Dikay masulisog nga agrukbab ken agserbi iti makitayo iti tangatang—ti init, ti bulan ken dagiti bituen. Intuding ti Apo a Diosyo a pagdaydayawan dagitoy dagiti sabali a tattao.

Paltiing 6:12

Inikkat ti Kordero ti maikanem a timbre. Nagginggined iti napigsa. Ngimmisit ti init a kasla iti nakersang a nangisit a lupot idinto a limmabbaga ti bulan a kas iti dara.

Paltiing 8:12

Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.

Paltiing 9:2

Idi luktanna ti yuyeng, rimmuar ti asuk a kasla iti asuk a naggapu iti dakkel nga urno. Nagsipnget ti init ken ti tangatang gapu iti asuk.