Genesis 1:1 - Ti Baro a Naimbag a Damag Biblia

¹ Idi punganay, pinarsua ti Dios ti lubong.

Ti Biblia (1973)

¹ Idi punganay ti Dios pinarsuana dagiti langlangit ken ti daga.

Genesis 1:1 Iomraidhean Croise

2 Ar-ari 19:15

ket inkararagna: “O Apo a Dios ti Israel, sika a nakatugaw iti tronom iti ngatoen dagiti kerubim, sika laeng ti Dios nga agturay kadagiti pagarian ti lubong. Pinarsuam ti daga ken ti langit.

1 Cronicas 16:26

Kinitikitan laeng nga imahen ti didiosen dagiti sabali a pagilian, ngem ti Apo ti namarsua kadagiti langit.

2 Cronicas 2:11

Kastoy ti insungbat ni Hiram nga ari ti Tiro iti suratna ken ni Solomon: “Gapu ta ay-ayaten ti Apo dagiti tattaona, insaadnaka nga arida.

Nehemias 9:6

Daytoy ti inkararagda: “O Apo, siksika laeng ti Apo; sika ti namarsua kadagiti langit ken kadagiti bituen iti tangatang. Pinarsuam ti daga ken ti baybay ken ti amin nga adda sadiay. Sika ti nangted iti biag ti amin, agtamed ken agdaydayaw kenka dagiti nailangitan a pannakabalin.

Ti Libro ni Job 26:13

Pinaglawagna ti langit babaen iti angesna, ket ti imana ti nangpatay iti agliblibas a dragon.

Ti Libro ni Job 38:4

Addaka kadin idi aramidek ti lubong? Ala, agsaoka man no adda ammom.

Ti Libro ni Job 9:8

Awan timmulong kenkuana idi inyukradna ti tangatang wenno idi nagtalaytay kadagiti dalluyon ti taaw.

Dagiti Salmo 102:25

Idi un-unana pinarsuam ti daga. Inaramidmo dagiti langit babaen iti bukodmo nga ima.

Dagiti Salmo 104:24

O Apo, di mabilang dagiti gapuanam, ket pinarnuaymo amin babaen iti siribmo; pinunnom ti daga kadagiti pinarsuam.

Dagiti Salmo 104:30

Ngem no ikkam ida iti anges, makaungarda, baro a biag ti itedmo iti daga.

Dagiti Salmo 115:15

Bendisionannakayo koma ti Apo a nangaramid iti langit ken daga.

Dagiti Salmo 121:2

Ti tulong nga umay kaniak aggapu iti Apo a nangaramid iti langit ken daga.

Dagiti Salmo 124:8

Ti Apo ti tumulong kadatayo, isu a namarsua iti langit ken daga.

Dagiti Salmo 134:3

Sapay koma ta manipud Sion bendisionannakayo ti Apo a nangparsua iti langit ken daga.

Dagiti Salmo 136:5

Inaramidna dagiti langit babaen iti kinasiribna; agnanayon ti di agbaliw nga ayatna.

Dagiti Salmo 146:6

a namarsua iti langit ken daga, iti taaw ken amin a linaonda. Salimetmetanna ti kinapudno iti agnanayon.

Dagiti Salmo 33:6

Babaen iti bilin ti Apo, naparsua dagiti langit; babaen iti saona, naparsua ti init, ti bulan, ken dagiti bituen.

Dagiti Salmo 33:9

Naaramid ti lubong babaen iti panagsaona; timmaud ti amin babaen iti panagbilinna.

Dagiti Salmo 8:3

No tangadek ti langit nga inaramidmo, ti bulan ken dagiti bituen nga insaadmo—

Dagiti Salmo 8:4

ania ti tao tapno isut' panunotem? Tao laeng ngem isut' asikasoem.

Dagiti Salmo 90:2

Sakbay a pinarsuam dagiti bantay, wenno ti panangpaaddam iti lubong, agnanayonkan a Dios, wen, Dios iti awan inggana.

Dagiti Salmo 96:5

Imahen laeng dagiti didiosen dagiti pagilian; ngem pinarsua ti Apo dagiti langit.

Exodo 20:11

Iti las-ud ti innem nga aldaw, siak, ni Yahweh, inaramidko ti langit, daga, dagiti baybay agraman dagiti amin a linaonda, ngem naginanaak iti maikapito nga aldaw. Isut' gapuna a siak, ni Yahweh, binendisionak ti Aldaw a Panaginana ket intuyangko nga aldaw a nasantoan.

Exodo 31:18

Idi nalpasen ti pannakisao ni Yahweh ken ni Moises iti Bantay Sinai, intedna kenkuana dagiti dua a tapi a bato a nangisuratan a mismo ti Dios kadagiti bilbilin.

Dagiti Proverbio 16:4

Adda panungpalan ti amin a pinarsua ti Apo. Ket pannakadadael ti panungpalan dagiti managdakdakes.

Dagiti Proverbio 3:19

Pinarsua ti Apo ti daga babaen iti kinasiribna; insaadna dagiti langit babaen iti pannakaawatna.

Eclesiastes 12:1

Laglagipem ti Namarsua kenka ita ta agtutuboka pay sakbay a dumteng dagiti dakes nga aldaw ken tawen a panagkunam, “Awan ragsakko iti biag.”

Isaias 37:16

“O Apo a Mannakabalin-amin a Dios ti Israel, sika a nakatugaw iti ngatoen dagiti kerubim, sika laeng ti Dios a mangituray iti amin a pagarian ditoy lubong. Pinarsuam ti langit ken ti daga.

Isaias 40:21

Diyo kadi ammo? Diyo aya nadamag? Awan kadi nangibaga kadakayo idi un-unana? Diyo kadi nangngeg no kasano a nangrugi ti lubong?

Isaias 40:26

Tumangadkayo iti tangatang! Siasino ti nangparsua kadagiti bituen a makitayo? Ti mangidalan kadakuada a kasla armada, ammona no mano ti bilangda, ket awaganna ti nagan ti tunggal maysa! Dakkel unay ti bileg ken pannakabalinna, awan ti mapukaw uray maysa kadakuada!

Isaias 40:28

Diyo kadi ammo? Diyo aya nadamag? Ti Apo ti agnanayon a Dios; pinarsuana ti entero a lubong. Pulos a di mabannog wenno kumapsut; awan makatukod iti pampanunotenna.

Isaias 42:5

Pinarsua ti Dios dagiti langit, inukradna ida; sinukogna ti daga ken amin a parsua iti rabawna; inikkanna iti biag ken anges dagiti agnaed iti daga. Ita, kuna ti Apo a Dios iti adipenna:

Isaias 44:24

“Siak ni Yahweh a namarsua ken mangisalakan kenka; siak ni Yahweh a namarsua iti isu amin a banag. Sisiak ti nangyukrad kadagiti langit; idi aramidek ti daga, awan timmulong kaniak.

Isaias 45:18

Pinarsua ni Yahweh dagiti langit— isu laeng ti pudno a Dios! sinukog ken inaramidna ti daga— inaramidna a natibker ken mataginayon awan inggana. Saanna nga inaramid nga awan serserbina, no di ket pagnaedan dagiti tattao. Isu ti agkuna, “Siak ni Yahweh, ket awanen ti sabali a Dios.

Isaias 51:13

Nalipatanyo kadin ti Apo? Isu ti nangparsua kadakayo, isu ti nangyukrad iti langit ken nangipasdek iti fondasion ti daga. Apay a kanayon nga agbutengkayo iti pungtot dagiti mangidadanes, ken sisasagana a mangdadael kadakayo? Didakay an-anoen ti pungtotda!

Isaias 51:16

Inyukradko ti langit, ket impasdekko ti fondasion ti daga. Kunak iti Jerusalem, ‘Dakayo ti tattaok! Intedko kadakayo ti pannursurok, ket siak a mismo ti mangsalaknib kadakayo.’”

Isaias 65:17

Kuna ti Apo, “Mangaramidak iti baro a langit ken baro a daga. Malipatanton a mamimpinsan dagiti napasamak iti napalabas.

Jeremias 10:12

Pinarsua ni Yahweh ti daga babaen iti pannakabalinna; babaen iti siribna, inaramidna ti lubong ken inyukradna dagiti langit.

Jeremias 32:17

“Apo Dios, pinarsuam ti daga ken ti langit babaen iti dakkel a pannakabalin ken bilegmo. Kabaelam nga aramiden dagiti amin a banag.

Jeremias 51:15

Pinarsua ni Yahweh ti daga babaen iti bilegna; babaen iti siribna, inaramidna ti lubong ken inyukradna dagiti langit.

Zacarias 12:1

Daytoy ti sao ti Apo maipapan iti Israel, ti Apo a nangyukrad iti langit ken nangipasdek iti daga ken nangted iti biag ti tao. Kunana:

San Mateo 11:25

Iti dayta a tiempo, kinuna ni Jesus, “Agyamanak kenka, Ama nga Apo ti langit ken daga, ta impakitam kadagiti awan adalna ti inlemmengmo kadagiti mamasirib ken kadagiti nasaririt.

San Marcos 13:19

Ta ti rigat kadagita nga aldaw, saan pay a napaspasamak manipud pannakaparsua ti lubong. Dinto met masunotanen iti uray kaanoman.

Dagiti Aramid 14:15

“Kakabsat,” impukkawda, “apay nga aramidenyo daytoy? Tattaokami laeng a kas kadakayo. Addakami ditoy a mangipakaammo iti Naimbag a Damag tapno panawanyo dagitoy a kinaubbaw ket agturongkayo iti sibibiag a Dios a namarsua iti langit, daga, taaw ken amin nga adda kadakuada.

Dagiti Aramid 17:24

Ti Dios a namarsua iti lubong ken kadagiti amin a linaonna, isu ti Apo ti langit ken daga. Saan nga agnaed kadagiti templo nga aramid ti tao.

Dagiti Aramid 4:24

Idi mangngegda daytoy, nagmaymaysada a nagkararag iti Dios. Kinunada, “O Apo a Namarsua iti langit ken daga, iti taaw ken kadagiti amin nga adda kadakuada!

Taga-Roma 11:36

Ta isu ti namarsua kadagiti amin. Agbiagda amin babaen kenkuana ket agserbida kenkuana. Madaydayaw koma ti Dios iti agnanayon! Amen.

1 Taga-Corinto 8:6

ngem kadatayo, maymaysa laeng ti Dios. Isu ti Ama a namarsua iti amin a banag ket gapu kenkuana, agbiagtayo. Maymaysa met ti Apo nga isu ni Jesu-Cristo. Naparsua ti amin a banag babaen kenkuana ket agbiagtayo gapu kenkuana.

Taga-Efeso 3:9

ken mangipakita kadagiti amin a tattao iti pannakaibanag daytoy nalimed a plano ti Dios. Iti amin a tiempo iti napalabas, inlemmeng ti Dios, isu a namarsua iti amin, daytoy nalimed a planona.

Hebreo 1:10

Kunana pay, “Sika, Apo, ti nangparsua iti daga idi punganay, Ket dagiti langit aramid dagiti imam.

Hebreo 1:2

Ngem kadagitoy maudi nga aldaw, nagsao kadatayo babaen iti Anakna. Pinarsua ti Dios ti amin a lubong babaen kenkuana, ket isu ti pinilina nga agtagikua kadagiti amin a banag.

Hebreo 11:3

Gapu ta adda pammatitayo, maawatantayo a naparsua ti lubong babaen iti sao ti Dios ket iti kasta, napataud dagiti makita kadagiti saan a makita.

Hebreo 3:4

Agpayso nga adda mangbangon iti tunggal balay, ngem ti Dios ti nangbangon kadagiti amin.

2 Pedro 3:5

Saanda a bigbigen ti kinapudno nga idi un-unana, nagbilin ti Dios ket timmaud ti langit ken ti daga. Naparsua ti daga manipud iti danum ken babaen iti danum.

1 Juan 1:1

Isuratmi kadakayo ti nangngeg ken nakitami maipapan iti Sao ti biag nga addan manipud idi punganay. Nangngeg ken nakitami; wen, nakita ken nasagidmi.

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:13

Siak ti Alfa ken ti Omega, ti umuna ken ti maudi, ti pangrugian ken ti panungpalan.”

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Paltiing 4:11

“Apo ken Diosmi! Maikarika nga umawat iti dayag, dayaw ken pannakabalin. Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”