Filemon 1:19 - Ti Baro a Naimbag a Damag Biblia

¹⁹ Kitaem, siak a mismo ti agsurat ken agfirma iti daytoy: Siak ni Pablo. Agbayadakto kenka. (Saanen a masapul nga ipalagipko kenka nga utangmo kaniak dayta biagmo.)

Ti Biblia (1973)

¹⁹ Siac ni Pablo sinuratac babaen iti imac met laeng; ipulangconto; nupay diac sao-en kenca nga uray pay ti kinataom mautangmo caniac.

Filemon 1:19 Iomraidhean Croise

Genesis 43:9

Sungbatak ti biagna. Siak ti makaammo kenkuana. No diak maisubli kenka a sikakaradkad, agnanayonto a siak ti mangibaklay iti pammabasol.

Taga-Roma 16:22

Siak, ni Tercio a nangisurat iti daytoy, idanonko met kadakayo ti nakristianoan a pakomusta.

1 Taga-Corinto 4:15

Ta uray no adda sangapulo ribu a mangaywan iti biagyo ken ni Cristo, maymaysa ti amayo. Ta iti panagbiagyo ken Cristo Jesus, nagbalinak nga amayo babaen iti panangyegko kadakayo iti Naimbag a Damag.

2 Taga-Corinto 10:1

Siak, ni Pablo, ti mismo nga agdawat kadakayo. Kunkunada a napakumbabaak no addaak iti dennayo, ngem nagubsangak no adayoak. Yunay-unayko, gapu iti kinaanus ken kinamanangngaasi ni Cristo, a

2 Taga-Corinto 3:2

Dakayo a mismo ti suratmi a nailanad iti pusomi tapno maammoan ken mabasa ti siasinoman.

2 Taga-Corinto 9:4

No kumuyog kaniak dagiti taga-Macedonia ket maduktalanda a saankay a nakasagana, anian a pannakaibabainmi—uray dakayo mabainankayo la ketdi—ta dakkel ti panagtalekmi kadakayo!

Taga-Galacia 5:2

Dumngegkayo. Siak ni Pablo. Ibagak kadakayo a no ipalubosyo a makugitkayo, kayatna a sawen nga awan serserbi ni Cristo kadakayo.

Taga-Galacia 6:11

Kitaenyo ti kadadakkel dagiti letra nga isursuratko kadakayo babaen iti mismo nga imak!

Filemon 1:18

No adda basol wenno utangna kenka, siakto ti singirem.