Filemon 1:14 - Ti Baro a Naimbag a Damag Biblia

¹⁴ Nupay kasta, dika piliten a tumulong kaniak, no di ket kayatko koma nga aramidem daytoy nga agubbog iti nakemmo. Isut' gapuna a diak aramiden ti aniaman no dika umanamong.

Ti Biblia (1973)

¹⁴ Ngem no awan ti pananganamungmo, diac coma cayat ti agaramid iti uray ania; tapno ti kinaimbagmo saan coma a cas nagtaud iti pannacasapul no di iti nacnakemmo a panagayat.

Filemon 1:14 Iomraidhean Croise

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

Dagiti Salmo 110:3

Iti aldaw a sarangtem dagiti kabusormo, kas linnaaw ti bigbigat, umayto kenka dagiti lallaki nga agtutubom kadagiti nasantoan a turod.

1 Taga-Corinto 9:17

No bukodko a nakem ti panangaramidko iti trabahok, namnamaek a matangdananak. Ngem aramidek a kas pagrebbengak agsipud ta inted kaniak ti Dios daytoy a trabaho.

1 Taga-Corinto 9:7

Adda aya soldado a gastoenna ti bukodna a kuarta iti panagserbina iti armada? Adda aya mannalon a di mangan iti bunga ti immulana iti kaubasanna? Adda aya agpaspastor a di uminum iti gatas ti karnerona?

2 Taga-Corinto 1:24

Dimi panggep nga ibaga kadakayo no ania ti masapul a patienyo; natibkerkayon iti pammati. Agtartrabahokami ketdi kadakayo para iti bukodyo a pagragsakan.

2 Taga-Corinto 8:12

No sigagagarkayo a mangted, awatento ti Dios ti sagut a maitedyo, saan a ti awan kadakayo.

2 Taga-Corinto 9:5

Isu a napanunotko a masapul a mauyotan dagitoy a kakabsat tapno umun-unada nga umay ngem siak a mangkita iti pannakaisagana ti sagut nga inkariyo nga ited. Sisasagananto koman dagitoy inton sumangpetak, ket maipakitanto a siaayatkayo a mangted saan a gapu ta mapilitkayo.

2 Taga-Corinto 9:7

Ngarud, mangted koma ti tunggal maysa kas agubbog iti pusona. Saan koma a nasakit ti nakemna wenno mapilpilit, ta ayaten ti Dios ti mangted a siraragsak.