Exodo 9:9 - Ti Baro a Naimbag a Damag Biblia

⁹ Kaslanto tapok nga agwaras iti entero nga Egipto ket pataudennanto dagiti letteg nga agbalin a gaddil kadagiti tattao ken animal iti amin a lugar.”

Ti Biblia (1973)

⁹ Ket agbalinto a tapuc a namayecmec nga agsacnap iti amin a daga nga Egipto, ket cadagiti tatao ken cadagiti animal agbalinto a busbusali nga agbasbasisaw iti isu-amin a daga nga Egipto.

Exodo 9:9 Iomraidhean Croise

Ti Libro ni Job 2:7

Pimmanaw ni Satanas iti sango ni Yahweh. Pinaggaddilna ni Job iti nakaar-arriek iti entero a bagina.

Exodo 9:10

Nangalada iti dapu sada napan nagtakder iti sango ti ari. Impurruak ni Moises ti dapu iti ngato ket nagtubo ti letteg kadagiti tattao ken kadagiti animal. Nalapunosda iti letteg.

Exodo 9:8

Kalpasanna, kinuna ni Yahweh kada Moises ken Aaron, “Mangrakemkayo iti dapu iti urno. Ipurruakto ni Moises daytoy iti ngato iti imatang ti ari.

Deuteronomio 28:27

Pagbusaliennakayto ti Apo a kas iti impalak-amna kadagiti taga-Egipto. Malapunoskayto iti gaddil. Agkuradkayto ket agkudkodkayo ngem awanto ti agasna.

Deuteronomio 28:35

Malapunosto dagiti sakayo iti naut-ot ken saan a maagasan a letteg; agbusalinto ti entero a bagiyo.

Paltiing 16:2

Napan imbuyat ti umuna nga anghel ti linaon ti malukongna iti daga. Gapu iti daytoy, nagtaud dagiti nakabutbuteng ken naut-ot a gaddil kadagiti tattao nga addaan iti marka ti narungsot nga animal, ken kadagiti nagdaydayaw iti ladawanna.