Exodo 9:6 - Ti Baro a Naimbag a Damag Biblia

⁶ Iti sumuno nga aldaw, tinungpal ni Yahweh ti imbagana. Natay amin nga animal dagiti Egipcio, ngem awan natay nga animal dagiti Israelita.

Ti Biblia (1973)

⁶ Ket iti sumaganad nga aldaw, ni Jehova inaramidna daydi; ket natayda amin dagiti an-animal ti Egipto; ngem cadagiti an-animal dagiti annac ti Israel awan ti natay nga uray maysa.

Exodo 9:6 Iomraidhean Croise

Dagiti Salmo 78:48

Pinatayna dagiti bakada babaen iti yelo; inkisapna dagiti karneroda babaen iti kimat.

Dagiti Salmo 78:50

Saanna nga inggawid ti pungtotna wenno inkaluya ida iti pakatayanda no di ket pinatayna ida iti didigra.

Exodo 12:12

Iti dayta a rabii, sursorekto ti Egipto ket papatayek ti amin nga inauna nga annak a lallaki iti pagilian, tao man wenno animal. Dusaekto ti amin a didiosen ti Egipto. Siak ni Yahweh.

Exodo 12:29

Iti tengnga ti rabii, pinapatay ni Yahweh dagiti amin nga inauna nga annak a lallaki iti Egipto manipud iti anak ti ari nga agtawid iti trono agingga iti anak ti balud; napapatay met amin nga inauna nga annak dagiti animal.

Exodo 8:22

Ngem ilisikto ti daga ti Gosen a pagnaedan dagiti tattaok, ket awanto ti ngilaw sadiay. Aramidek daytoy tapno maammoam a siak, ni Yahweh, ti mannakabalin iti daytoy a daga.

Exodo 9:25

Iti entero nga Egipto, natinnagan dagiti amin nga adda iti ruar, agraman dagiti tattao ken dagiti animal. Nadadael amin a mula iti away ket naspak amin a kaykayo.

Exodo 9:26

Ti laeng deppaar ti Gosen a pagnaedan dagiti Israelita ti awan nagtinnag a yelo.

Exodo 9:4

Ilasinkonto dagiti animal dagiti Israelita kadagiti animal dagiti Egipcio. Awanto ti matay nga animal dagiti Israelita.

Exodo 9:5

Siak, ni Yahweh, intudingko ti oras ket mapasamakto daytoy inton bigat.”