Exodo 9:16 - Ti Baro a Naimbag a Damag Biblia

¹⁶ Ngem saanko nga inaramid ti kasta tapno ipakitak kadakuada ti pannakabalinko tapno agsaknap ti kinalatakko iti entero a daga.

Ti Biblia (1973)

¹⁶ Ngem kinaagpaysona a daytoy ti nangpabilgac kenca, tapno ipakitac kenca ti pannacabalinco, ken tapno ti naganco maibunagnag iti amin a lubong.

Exodo 9:16 Iomraidhean Croise

2 Samuel 7:23

Awanen ti sabali a nasion ditoy rabaw ti daga a kas iti Israel nga inispalmo iti pannakaadipen tapno pagbalinem ida a tattaom. Nagsaknap ti kinalatakmo iti entero a lubong gapu kadagiti naindaklan ken nakaskasdaaw a banag nga inaramidmo kadakuada. Pinagtalawmo dagiti sabali a nasion ken dagiti didiosenda idi sumangpet dagiti tattaom, isuda a winayawayaam idiay Egipto tapno agbalinda a kukuam.

2 Ar-ari 19:35

Iti dayta a rabii, maysa nga anghel ni Yahweh ti napan iti kampo dagiti Siriano ket pinapatayna ti 185,000 a mannakigubat. Iti parbangon ti sumuno nga aldaw, naiwalang sadiay dagiti bangkayda!

1 Cronicas 16:24

Ipakaammoyo ti dayagna kadagiti pagilian; kadagiti amin a tattao ibagayo dagiti nakaskasdaaw nga aramidna.

Nehemias 9:10

Nakaskasdaaw dagiti milagro nga inaramidmo a maibusor iti ari ti Egipto, kasta met kadagiti ofisialesna, ken dagiti tattao iti pagilianna. Ammom ngamin ti panangidadanesda kadagiti tattaom. Nagun-odmo idi ti dayaw, wen, ti dayaw nga adda pay laeng kenka ita.

Dagiti Salmo 106:8

Nupay kasta, insalakanna ida kas inkarina, tapno maipakita ti naindaklan a pannakabalinna.

Dagiti Salmo 64:9

Agbutengdanto amin a sangapada; ipakaammodanto ti inaramid ti Dios, ket utobendanto dagiti gapuananna.

Dagiti Salmo 76:10

Ti pungtot ti tao agbanag la a pakaidayawam; ket dagiti nakalasat ngilinendanto dagiti fiestam.

Exodo 14:17

Patangkenek iti kasta unay ti puso dagiti Egipcio tapno kamatenda ida. Maidaydayawakto iti panangparmekko iti ari, iti armadana, kadagiti luganna ken kadagiti nagkabalio a soldadona.

Exodo 14:4

Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 18:11

Ita, ammokon a nabilbileg ti Apo ngem dagiti amin a didiosen gapu iti panangispalna kadagiti Israelita iti kinaranggas dagiti Egipcio.”

Exodo 9:15

No kinayatko nga inyeg ti didigra a sakit kenkuana ken kadagiti tattaona, natayda koma amin itan.

Exodo 9:17

Ngem natangsit latta ket dina kayat a pumanaw dagiti tattaok.

Dagiti Proverbio 16:4

Adda panungpalan ti amin a pinarsua ti Apo. Ket pannakadadael ti panungpalan dagiti managdakdakes.

Jeremias 32:20

Idiay Egipto, nagaramidka kadagiti milagro ken kadagiti nakaskasdaaw a banag. Agingga kadagitoy nga aldaw, agar-aramidka pay laeng kadagitoy iti Israel ken kadagiti dadduma a nasion. Iti kasta, ammodakan iti amin a lugar.

Ezekiel 39:21

Kinuna ti Apo, “Iparangarangko ti dayagko kadagiti nasion. Ipakitak kadakuada ti panangaramatko iti pannakabalinko a mangibanag kadagiti nalinteg a pangngeddengko.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

Malakias 1:14

Mailunod koma ti manangallilaw a mangidaton kaniak iti awan serserbina nga animal idinto nga inkarina a mangidatag kaniak iti nasayaat nga animal nga aggapu iti arbanna. Naindaklanak nga ari! Kabutengdak dagiti amin a tao iti amin a pagilian.”

Numero 14:21

Ngem isapatak iti naganko ken iti dayagko a mangpunno iti lubong,

Taga-Roma 9:17

Ta kuna ti Nasantoan a Surat iti Faraon nga ari ti Egipto, “Pinagbalinka nga ari tapno sika ti mangipakita iti pannakabalinko ken mangipakaammo iti naganko iti entero a lubong.”

Taga-Roma 9:22

Kasta met ti inaramid ti Dios. Kayatna nga ipakita ti pungtotna ken ipakaammo ti pannakabalinna. Ngem nabayag nga inan-anusanna dagiti nakaiturongan ti pungtotna, isuda a dandanin madadael.

Josue 4:24

Gapu itoy, maammoanto ti amin a tao ditoy daga no kasano ti kadakkel ti pannakabalin ti Apo ket agnanayon nga agbutengkayto iti Apo a Diosyo.”

1 Pedro 2:19

Gunggonaannakayto ti Dios no maibturanyo ti agsagaba a saan a nainkalintegan ta ammoyo ti pagayatanna.

1 Pedro 2:8

Kuna pay ti sabali a paset ti Nasantoan a Surat: “Daytoy ti bato a pakaitibkolan, ken pakaitublakan dagiti tattao.” Naitibkolda agsipud ta dida namati iti sao. Kasta ti intuding ti Dios a pagbanaganda.

San Judas 1:4

Ta nakastrek a ditay nadnadlaw ti sumagmamano a tattao nga awanan Dios. Balballikugenda ti mensahe maipapan iti parabur ti Diostayo. Aramatenda ti sao ti Dios a panglinged kadagiti kinaderrepda. Dida bigbigen ni Jesu-Cristo a kakaisuna a Maestro ken Apotayo. Nabayagen nga impakaammo ti Nasantoan a Surat daytoy a pannakailunodda.

1 Samuel 4:8

Siasino ti makaisalakan kadatayo kadagidiay mannakabalin a didiosen? Isuda dagiti nangpapatay idi kadagiti Egipcio iti amin a kita ti didigra!