Exodo 8:8 - Ti Baro a Naimbag a Damag Biblia

⁸ Pinaayaban ti ari da Moises ken Aaron, ket kinunana, “Idawatyo iti Apo nga ikkatenna dagitoy a tukak ket palubosakon dagiti tattaoyo a mapan agidaton iti Apo.”

Ti Biblia (1973)

⁸ Idin ni Faraon pinaayabanna da Moises ken ni Aaron, ket kinunana, Agdawatcayo ken Jehova, tapno iccatenna caniac dagiti tuctucac, ken cadagiti iturayac; ket bay-acto a pumanaw ti umili, tapno agdatonda ken Jehova.

Exodo 8:8 Iomraidhean Croise

1 Ar-ari 13:6

Kinuna ti ari kenkuana, “Pangngaasim, ta ikararagannak iti Apo a Diosmo ket dawatem kenkuana a paimbagenna ti imak.” Nagkararag ti profeta ket naisubli ti sigud a kasasaad ti ima ti ari.

Dagiti Salmo 66:3

Kunayo iti Dios: “Nakaskasdaaw dagiti aramidmo! Nabileg ti pannakabalinmo, agkurno a sibubuteng kenka dagiti kabusormo.

Exodo 10:16

Dinardaras ti ari a pinaayaban da Moises ken Aaron ket kinunana kadakuada, “Nakabasolak iti Apo a Diosyo, kasta met kadakayo.

Exodo 10:17

Pangngaasiyo ta pakawanenyo ti basolko, uray ita laeng. Idawdawatyo iti Apo a Diosyo nga ikkatenna kaniak daytoy makapatay a dusa.”

Exodo 10:18

Pimmanaw ni Moises ket nagkararag ken ni Yahweh.

Exodo 14:5

Idi naibaga iti ari ti Egipto a nakapanawen dagiti Israelita, nagbaliw ti panunotna, kasta met dagiti ofisialesna ket kinunada, “Ania daytoy nga inaramidtayo? Impalubostayo a pumanaw dagiti Israelita ket ita, awandan a tagabutayo!”

Exodo 32:11

Ngem nagpakpakaasi ni Moises ken ni Yahweh a Diosna ket kinunana, “Apo, apay a kapungtotmo dagiti tattaom, isuda a winayawayaam idiay Egipto babaen iti naindaklan a pannakabalinmo?

Exodo 5:2

Sinaludsod ti ari, “Siasino ti Apo? Apay koma a dumngegak kenkuana tapno palubosak dagiti Israelita? Diak am-ammo ti Apo, ket diak palubosan dagiti Israelita.”

Exodo 8:15

Ngem idi makita ti ari nga awanen dagiti tukak, timmangken manen ti pusona ket dina impangag da Moises ken Aaron, kas kinuna ni Yahweh.

Exodo 8:29

Kinuna ni Moises, “Apaman a makapanawak, dawatek iti Apo nga ikkatenna dagiti ngilaw tapno inton bigat, awandanton kenka, kadagiti ofisialesmo ken kadagiti tattaom. Ngem dinakam allilawen manen. Dimo lapdan dagiti tattao a mapan agidatag iti daton iti Apo.”

Exodo 8:32

Ngem kaskasdi latta a timmangken ti puso ti ari ket dina pinalubosan a pumanaw dagiti tattao.

Exodo 8:9

Kinuna ni Moises iti ari, “Mapadayawanak a mangikararag kenka. Maikkatto dagiti tukak ket idiayto laeng karayan ti pakasarakan kadakuada. Kaanonto ti kayatmo a panagdawdawatko?”

Exodo 9:27

Pinaayaban ti ari da Moises ken Aaron ket kinunana kadakuada, “Bigbigek itan a siak ti nagbasol! Nalinteg ti Apo. Siak ken dagiti tattaok ti nakabasol.

Exodo 9:28

Ikararagandakami iti Apo ta madidigrakami la unayen iti gurruod ken yelo. Ikarik a palubosankayon a pumanaw; saankayon nga agyan ditoy.”

Exodo 9:33

Pinanawan ni Moises ti ari. Rimmuar iti siudad ket intayagna dagiti imana a nagkararag iti Apo. Simmardeng ti gurruod ken tudo ket awanen ti nagtinnag a yelo.

Numero 21:7

Napan dagiti tattao ken ni Moises ket kinunada, “Nagbasolkami iti panagsaomi iti maibusor iti Apo kasta met kenka. Ikararagmo koma iti Apo nga ipanawna dagitoy nga uleg.” Iti kasta, inkararagan ni Moises dagiti tattao.

Dagiti Aramid 8:24

Kinuna ni Simon kada Pedro ken Juan, “Pangngaasiyo ta idawdawatandak iti Apo tapno saan a mapasamak kaniak ti uray ania kadagitoy.”

1 Samuel 12:19

Kinunada ken ni Samuel, “Apo, pangngaasim ta ikararagannakami iti Apo a Diosyo tapno saankami a matay. Mabigbigmin a malaksid ti dadduma a basolmi, nagbasolkami pay gapu iti panagkiddawmi iti maysa nga ari.”