Exodo 8:6 - Ti Baro a Naimbag a Damag Biblia

⁶ Kasta ti inaramid ni Aaron iti sarukodna kadagiti dandanum ti Egipto. Simmang-at dagiti tukak ket nagsaknapda iti entero a pagilian.

Ti Biblia (1973)

⁶ Ket ni Aaron inyunnatna ti imana iti rabaw dagiti dandanum sadi Egipto; ket immuli dagiti tuctucac a namungon iti daga nga Egipto.

Exodo 8:6 Iomraidhean Croise

2 Samuel 7:22

Natan-okka, O Apo Dios. Awan ti kas kenka. Awan pay ti sabali a Dios a nadamagmi no di laeng sika.

2 Cronicas 6:14

Inkararagna: “O Apo a Dios ti Israel, awan ti Dios a kas kenka, sadi langit wenno ditoy daga. Napudnoka iti pannakitulagmo kadagiti tattaom ket ipakitam kadakuada ti panagayatmo no agbiagda a natulnog kenka iti amin a puso ken riknada.

Dagiti Salmo 105:30

Napno iti nakaad-adu a tukak ti dagada uray pay iti palasio ti ari, nagdudupudopda.

Dagiti Salmo 78:45

Nangibaon iti pinangen a ngilaw a namarigat kadakuada; nangyeg kadagiti tukak a nangdadael kadagiti talonda;

Dagiti Salmo 86:8

Awan ti dios a kas kenka, O Apo, awan ti makaaramid iti maaramidmo.

Dagiti Salmo 90:2

Sakbay a pinarsuam dagiti bantay, wenno ti panangpaaddam iti lubong, agnanayonkan a Dios, wen, Dios iti awan inggana.

Exodo 10:2

Inaramidko dagitoy a milagro tapno masaritamto kadagiti annakmo ken appokom no kasano ti panamagbalinko a maag dagiti Egipcio ket iti kasta, maammoanyonto amin a siak ni Yahweh.”

Exodo 15:11

“Siasino, O Apo, kadagiti didiosen ti kas kenka? Siasino ti umasping kenka iti nakaskasdaaw a kinasantom? Siasino ti pumada kenka nga agar-aramid iti milagro ken pagbutngan gapu kadagiti nakaskasdaaw nga aramidmo?

Exodo 7:19

Kinuna ni Yahweh ken ni Moises, “Ibagam ken ni Aaron nga ilayatna ti sarukodna kadagiti dandanum ti Egipto: kadagiti karayan, kanal ken dan-aw. Agbalinto a dara dagiti danum ket addanto dara iti entero a daga uray pay kadagiti burnay ken pagkargaan iti danum.”

Exodo 9:14

Ta itan, saan laeng nga isu ti dusaek no di pay ket dagiti ofisialesna ken dagiti tattao iti sakupna tapno maammoanna nga awan ti kapadak iti entero a lubong.

Exodo 9:29

Kinuna ni Moises kenkuana, “Apaman a makaruarak iti siudad, agkararagakto iti Apo. Sumardengton ti gurruod ket awanton ti agtinnag a yelo, tapno maammoam a ti Apo ti akinkukua iti daga.

Isaias 43:10

“Dakayo nga Israelita, dakayo ti saksik; pinilikayo a nasion nga agserbi kaniak tapno maam-ammodak ken mamatikayo, ket maawatanyo a sisiak ti Dios. Malaksid kaniak, awan ti sabali a Dios; awan ti immun-una ngem siak, ket awanto met ti sumaruno.

Levitico 11:12

Dikay agsida iti aniaman nga agnaed iti danum nga awan pigar ken siksikna.

Deuteronomio 32:31

Ammo dagiti kabusorda a nakapuy dagiti didiosenda, saanda a nabileg a kas iti Dios ti Israel.

Deuteronomio 33:26

Dakayo nga Israelita, awan ti Dios a kas iti Diosyo, sidadayag nga aglasat iti langit, lasatenna dagiti ulep nga umay tumulong kadakayo.

Deuteronomio 4:35

Impakita ti Apo daytoy kadakayo tapno paneknekanna nga isu laeng ti Dios ket awanen ti sabali.

Paltiing 16:13

Ket nakakitaak iti tallo a narugit nga espiritu a kasla tukak a rumrummuar kadagiti ngiwat ti dragon, ti narungsot nga animal ken ti sinan-profeta.