Exodo 8:26 - Ti Baro a Naimbag a Damag Biblia

²⁶ “Saan a mabalin a ditoy Egipto,” kinuna ni Moises. “Kaguradakanto dagiti Egipcio no makitadakami nga agidatag kadagiti animal a makarimon kadakuada. No usarenmi dagitoy nga animal a pagidatonmi iti Apo a Diosmi iti lugar a pakakitaanda kadakami, makaguradanto, ket batoendakami agingga a mataykami.

Ti Biblia (1973)

²⁶ Ket ni Moises kinunana, Saan a maiparbeng nga aramidenmi ti casta; ta idatonminto ti macarurod dagiti Egipcios ken Jehova a Diosmi: adtoy, idatonminto aya ti carurod dagiti Egipcios iti sango dagiti matada ket didacamto ngata uburen?

Exodo 8:26 Iomraidhean Croise

Genesis 43:32

Naserbian a maymaysa ni Jose iti maysa a lamisaan ket sabali met a lamisaan ti nanganan dagiti kakabsatna. Sabali met a lamisaan dagiti Egipcio a mangmangan sadiay agsipud ta ibilangda a maibaba ti dayawda a makipangan kadagiti Hebreo.

Genesis 46:34

masapul nga ibagayo nga agpaspastorkayo sipud pay idi ubbingkayo, kas kadagidi kapuonanyo. Iti kasta, palubosannakayto nga agnaed iti daga ti Gosen.” Imbaga daytoy ni Jose gapu ta kagurgura dagiti Egipcio dagiti agpaspastor.

2 Ar-ari 23:13

Dinadael ni Josias dagiti altar nga inaramid ni Ari Solomon iti dayaen ti Jerusalem iti abagatan ti Bantay Olibo a pagdaydayawan kadagiti makarimon a didiosen—Asera, ti diosa ti Sidon; Kemos, ti dios ti Moab ken Molec, ti dios ti Ammon.

ESDRAS 9:1

Kalpasan amin dagitoy, immay kaniak ti sumagmamano a pangulo nga Israelita ket imbagada a makipulpulapol dagiti Israelita, dagiti papadi ken dagiti Levita kadagiti tattao iti aglawlaw a pagilian. Kapulpulapolda dagiti tattao ti Canaan, Ammon, Moab ken Egipto, wenno kadagiti Heteo, Perezeo, Jebuseo ken Amorreo. Tultuladenda met dagiti makarimon nga aramid dagitoy a tattao.

Exodo 3:18

“Ipangagto dagiti tattaok ti saom. Kalpasanna, kakuyogmonto dagiti pangulo ti Israel a mapan iti ari ti Egipto ket kunayonto kenkuana, ‘Nakisao kadakami ni Yahweh a Dios dagiti Hebreo. Palubosannakami koma a mapan idiay let-ang iti tallo nga aldaw tapno agidatagkami iti daton ken ni Yahweh a Diosmi.’

Exodo 8:8

Pinaayaban ti ari da Moises ken Aaron, ket kinunana, “Idawatyo iti Apo nga ikkatenna dagitoy a tukak ket palubosakon dagiti tattaoyo a mapan agidaton iti Apo.”

Isaias 44:19

Awan nakem ti agar-aramid iti imahen. No adda panunotna, mabalinna a kuna, “Pinuorak ti dadduma a paset ti kayo, ket naglutoak iti tinapay iti beggangna. Nagtunoak iti karne a sindak. Ti dadduma inaramidko nga imahen nga isu ita ti pagdaydayawak, idinto ta sangkaputed laeng a kayo.”