Exodo 8:21 - Ti Baro a Naimbag a Damag Biblia

²¹ Ballaaganka a no dimo kayat, dusaenka babaen iti panangibaonko iti pinangen a ngilaw kadagiti ofisialesmo ken kadagiti tattaom. Mapnonto iti ngilaw dagiti balbalay dagiti Egipcio ket agsaknapdanto iti daga.

Ti Biblia (1973)

²¹ Ta, no dica bay-an a pumanaw ti ilic, adtoy, ta ibaonconto kenca, ken cadagiti ad-adipenmo, ken cadagiti iturayam, ken cadagiti balbalaymo, ti pinangen a ngilngilaw: ket dagiti balbalay dagiti Egipcios mapnodanto cadagiti ngilngilaw a pinangen, ken ti pay daga a pagyananda.

Exodo 8:21 Iomraidhean Croise

Dagiti Salmo 105:31

Nagbilin ti Apo ket nakaad-adu a ngilaw ken timel ti nagsaknap iti daga.

Dagiti Salmo 78:45

Nangibaon iti pinangen a ngilaw a namarigat kadakuada; nangyeg kadagiti tukak a nangdadael kadagiti talonda;

Exodo 10:6

Serkendanto dagiti palasiom ken dagiti balay dagiti ofisialesmo ken amin a tattaom. Narangranggasdanto ngem ti aniaman a nakita dagidi kapuonanyo.’” Pimmanaw ni Moises apaman a naisaona daytoy.

Exodo 8:20

Kalpasanna, kinuna ni Yahweh ken ni Moises, “Inton agsapa, urayem ti ari idiay karayan ket ibagam kenkuana a kastoy ti kuna ni Yahweh, ‘Palubosam a pumanaw dagiti tattaok tapno umayda agdaydayaw kaniak.

Exodo 8:22

Ngem ilisikto ti daga ti Gosen a pagnaedan dagiti tattaok, ket awanto ti ngilaw sadiay. Aramidek daytoy tapno maammoam a siak, ni Yahweh, ti mannakabalin iti daytoy a daga.

Exodo 8:24

Inaramid ni Yahweh daytoy, ket pinangen a ngilaw ti napan iti palasio ti ari, kadagiti balbalay dagiti ofisialesna ken iti entero nga Egipto. Nadadael ti pagilian gapu kadagiti ngilaw.

Isaias 7:18

“Inton dumteng dayta a tiempo, agsultipto ti Apo a kas pagilasinan dagiti Egipcio ket umaydanto a kasla pangen ti ngilaw. Aggapudanto kadagiti kaadayoan a sanga ti Karayan Nile. Umayto met dagiti taga-Asiria ket kasdanto la pangen ti uyokan.