Exodo 7:5 - Ti Baro a Naimbag a Damag Biblia

⁵ Inton dusaek dagiti Egipcio ket iruarko dagiti Israelita iti pagilianda, maammoandanton a siak ni Yahweh.”

Ti Biblia (1973)

⁵ Ket dagiti Egipcios maamoandanto a siac ni Jehova, no ilayatco ti imac iti Egipto ken alaec dagiti annac ti Israel iti tengngada.

Exodo 7:5 Iomraidhean Croise

Dagiti Salmo 138:7

Uray no aglasatak iti pannakasuot, awanto ti pakaan-anoak. Sangoem dagiti makapungtot a kabusorko, ket isalakannak babaen iti bilegmo.

Dagiti Salmo 9:16

Impakaammo ti Apo ti bagina babaen kadagiti nalinteg a pangngeddengna, ket masiloan dagiti nakillo iti aramidda.

Exodo 10:2

Inaramidko dagitoy a milagro tapno masaritamto kadagiti annakmo ken appokom no kasano ti panamagbalinko a maag dagiti Egipcio ket iti kasta, maammoanyonto amin a siak ni Yahweh.”

Exodo 10:7

Kinuna kenkuana dagiti ofisiales ti ari, “Kaanonto nga isardeng daytoy a tao ti panangriribukna kadatayo? Palubosam idan tapno mapanda agdaydayaw iti Apo a Diosda. Dimo kadi makita a madadaelen ti Egipto?”

Exodo 14:18

Maammoanto dagiti Egipcio a siak ni Yahweh inton maparmekko ida.”

Exodo 14:4

Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 18:8

Imbaga ni Moises ken ni Jetro ti amin nga inaramid ni Yahweh iti ari ken iti amin nga Egipcio tapno ispalenna dagiti Israelita. Imbagana met kenkuana ti rigat a naglasatan dagiti tattao iti dalan ken no kasano ti panangilasat ni Yahweh kadakuada.

Exodo 3:20

Ngem usarekto ti pannakabalinko ket dusaekto ti Egipto; nakabutbutengto dagiti aramidek sadiay. Kalpasan dayta, palubosannakayton.

Exodo 6:1

Kinuna ni Yahweh ken ni Moises, “Ita, makitam ti aramidek iti ari. Pilitek a mangpalubos kadagiti tattaok. Kinapudnona, pilitek a pagtalawenna ida iti dagana.”

Exodo 6:6

Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Exodo 7:17

Ibagam nga imbagak a maammoannanto a siak ni Yahweh babaen iti parnuayenna a didigra. Ibagamto kenkuana a yablatmonto ti sarukod iti danum ti karayan; agbalinto a dara ti danum.

Exodo 8:10

“Inton bigat,” insungbat ti ari. Kinuna ni Moises, “Matungpal ti kiddawmo tapno maammoam nga awan ti kapada ti Apo a Diosmi.

Exodo 8:19

Kinuna dagiti salamangkero iti ari, “Aramid ti Dios daytoy.” Ngem natangken latta ti ulo ti ari ket dina impangag da Moises ken Aaron, kas iti kinuna ni Yahweh.

Exodo 8:22

Ngem ilisikto ti daga ti Gosen a pagnaedan dagiti tattaok, ket awanto ti ngilaw sadiay. Aramidek daytoy tapno maammoam a siak, ni Yahweh, ti mannakabalin iti daytoy a daga.

Ezekiel 25:17

Dusaekto ida iti nakaro ket idissuorko ti naan-anay a panagibalesko kadakuada. Mariknadanto ti pungtotko. Iti kasta, maammoandanto a siak ni Yahweh.”

Ezekiel 28:22

Ibagam kadagiti tattao sadiay a siak nga Apo a Dios, kastoy ti kunak: ‘Sidon, siak ti kabusormo. Idaydayawdakto dagiti tattao gapu iti aramidek kenka. Kalpasan ti panangdusak kadagiti agnaed kenka, maammoandanto a siak ti Apo ken no kasano ti kinasantok.

Ezekiel 32:15

Inton paglangalangek ti Egipto ket ikisapko ti amin nga agnaed sadiay, maammoandanto a siak ni Yahweh.

Ezekiel 36:23

Inton iparangarangko kadagiti nasion ti kinasanto ti naindaklan a naganko—ti naganko a tinulawanyo kadakuada—maammoandanto a siak ti Apo.’ Siak nga Apo a Dios ti nangibaga iti daytoy. Aramatenkayto a mangipakita kadagiti nasion iti kinasantok.

Ezekiel 39:22

Manipud iti dayta nga aldaw, maammoanto dagiti Israelita a siak nga Apo ti Diosda.

Ezekiel 39:7

Masapul nga ammoen dagiti Israelita ti nasantoan a naganko ket diak ipalubos a matulawan manen. Maammoanto dagiti nasion a siak nga Apo ti nasantoan a Dios ti Israel.”