Exodo 7:3 - Ti Baro a Naimbag a Damag Biblia

^3-4 Ngem patangkenekto ti puso ti ari, ket dinakayto denggen uray no mano ti nakabutbuteng a banag ti aramidek idiay Egipto. Kalpasanna, idissuorkonto ti nadagsen a dusa iti Egipto ket iruarkonto dagiti tribu dagiti tattaok iti dayta a daga.

Ti Biblia (1973)

³ Ket patangkenecto ti puso ni Faraon, ket paaduecto sadiay a daga nga Egipto dagiti pagilaslasinan caniac ken dagiti datdatlagco.

Exodo 7:3 Iomraidhean Croise

Nehemias 9:10

Nakaskasdaaw dagiti milagro nga inaramidmo a maibusor iti ari ti Egipto, kasta met kadagiti ofisialesna, ken dagiti tattao iti pagilianna. Ammom ngamin ti panangidadanesda kadagiti tattaom. Nagun-odmo idi ti dayaw, wen, ti dayaw nga adda pay laeng kenka ita.

Dagiti Salmo 135:9

Sadiay, nakaskasdaaw dagiti inaramidna a pangdusana iti Faraon ken amin nga ofisialesna.

Dagiti Salmo 78:12

Iti imatang dagiti kapuonanda nagaramid kadagiti milagro, iti tanap ti Soan idiay Egipto.

Exodo 11:10

Inaramid da Moises ken Aaron amin dagitoy a milagro iti sangoanan ti ari. Ngem pinatangken ni Yahweh ti puso ti ari ket dina pinalubosan dagiti Israelita a pumanaw iti pagilianna.

Exodo 11:9

Kinuna ni Yahweh ken ni Moises, “Dinakanto ipangag ti ari tapno maaramidko ti ad-adu pay a milagro iti daytoy a daga.”

Exodo 14:4

Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 3:20

Ngem usarekto ti pannakabalinko ket dusaekto ti Egipto; nakabutbutengto dagiti aramidek sadiay. Kalpasan dayta, palubosannakayton.

Exodo 4:21

Kinuna manen ni Yahweh ken ni Moises, “Ita ta agsublikan idiay Egipto, aramidem dagiti amin a milagro iti sangoanan ti ari. Intedko kenka ti pannakabalin a mangaramid kadagitoy. Ngem patangkenekto ti pusona tapno dina ipalubos a pumanaw dagiti tattao.

Exodo 4:29

Nagkuyog da Moises ken Aaron a napan idiay Egipto ket inummongda amin a pangulo dagiti Israelita.

Exodo 4:7

Kinuna ni Yahweh, “Isuksokmo manen ta imam iti badom.” Kasta ti inaramid ni Moises. Idi iruarna ti imana, awanen ti kukutel ket nagsubli manen a kas iti dati.

Exodo 7:13

Nupay kasta, nagtalinaed a natangken ti puso ti ari ket, kas kinuna ni Yahweh, dina impangag ida.

Exodo 9:16

Ngem saanko nga inaramid ti kasta tapno ipakitak kadakuada ti pannakabalinko tapno agsaknap ti kinalatakko iti entero a daga.

Dagiti Proverbio 21:1

Nalaka nga idalan ti Apo ti panunot ti ari, a kas iti kalaka ti panangiturongna iti ayus ti waig.

Isaias 51:9

Agriingka, O takiag ti Apo, ket tulongannakami! Aramatem ti bilegmo ket isalakannakami; aramatem a kas iti inaramidmo kadagiti nagkauna a tiempo, idi rinangrangkaymo ni Rahab.

Mikias 7:15

Ipakitaannakami kadagiti milagro, O Apo, a kas iti inaramidmo idi inruarnakami idiay Egipto.

San Juan 4:48

Kinuna ni Jesus kenkuana, “No awan makitayo a milagro, saankayo a mamati.”

Dagiti Aramid 2:22

“Kakabsat nga Israelita, denggenyo dagitoy innak ibalikas! Nadiosan a panggep ti nakaibaonan ni Jesus a taga-Nazaret. Napaneknekan kadagiti milagro, datdatlag ken pagilasinan nga inaramid ti Dios babaen kenkuana. Ammoyo daytoy ta naaramidda iti imatangyo.

Dagiti Aramid 7:36

“Inruarna dagiti tattao manipud Egipto, kalpasan ti panagaramidna kadagiti milagro ken pagsidsiddaawan, kasta met idiay Nalabaga a Baybay ken idiay let-ang iti las-ud ti 40 a tawen.

Taga-Roma 15:19

babaen iti pannakabalin dagiti pagilasinan ken milagro, ken babaen iti pannakabalin ti Espiritu. Isut' gapuna nga iti panagbibiahek manipud Jerusalem agingga idiay Ilirico, inaramidko amin a kabaelak a nangikasaba iti Naimbag a Damag maipapan ken ni Cristo.

Taga-Roma 9:18

No kasta ngarud, kaasian ti Dios ti kayatna a kaasian, ket patangkenenna ti ulo ti kayatna a patangkenen.

Deuteronomio 4:34

Wenno adda kadin uray ania a dios a nakaitured a nangala kadagiti tattao iti sabali a pagilian tapno pagbalinenna ida a kukuana a kas iti inaramid kadakayo ti Apo a Diosyo idiay Egipto? Nakitayo ti panangaramatna iti naindaklan a pannakabalinna ket inyegna dagiti didigra ken gubat, dagiti milagro ken datdatlag ken dagiti nakabutbuteng a pasamak.

Deuteronomio 7:19

dagiti nakabutbuteng a didigra, dagiti milagro ken ti naindaklan a bileg ken pannakabalin nga inaramid ti Apo a Diosyo iti pannakawayawayayo. Kastanto met ti aramidenna kadagitoy a tattao a kabutengyo.