Exodo 7:2 - Ti Baro a Naimbag a Damag Biblia

² Ibagam ken ni Aaron ti amin nga ibilinko kenka ket dawatennanto iti ari a palubosanna dagiti Israelita a pumanaw iti dagana.

Ti Biblia (1973)

² Sica saoemto amin dagiti ibilinco kenca, ket ni Aaron a cabsatmo ibagananto ken Faraon a bay-anna a pumanaw iti dagana dagiti annac ti Israel.

Exodo 7:2 Iomraidhean Croise

1 Ar-ari 22:14

Ngem insungbat ni Micaias, “Isapatak iti nagan ti sibibiag nga Apo a no ania ti sawen ti Apo, isu ti sawek.”

Exodo 4:15

Kasaom ket ibagam kenkuana ti sawenna. Tulongankayto nga agsao. Ibagakto ti aramidenyo.

Exodo 4:16

Isunto ti pannakangiwatmo ket agbalinkanto a kas iti Dios a mangibaga no ania ti sawenna kadagiti tattao.

Exodo 5:1

Kalpasanna napan da Moises ken Aaron iti ari ti Egipto ket kinunada kenkuana, “Kastoy ti kuna ti Apo a Dios ti Israel: ‘Palubosam dagiti tattaok a mapan idiay let-ang tapno rambakanda ti fiesta a pangpadayaw kaniak.’”

Exodo 6:29

kinunana, “Siak ni Yahweh. Ibagam iti ari ti Egipto dagiti amin nga ibagak kenka.”

Exodo 7:6

Tinungpal da Moises ken Aaron ti imbilin ti Apo.

Jeremias 1:17

Tumuredka ket inka ibaga kadakuada ti aniaman nga ibilinko. Dimo kabuteng ida, ta no agbutengka, ad-addanto a pagbutngenka iti sangoda.

Jeremias 1:7

Ngem kinuna ti Apo kaniak, “Dimo kunaen nga ubingka unay; inka ketdi kadagiti tattao a pangibaonak kenka, ket ibagam ti amin nga ibilinko.

Ezekiel 3:10

Intuloy ti Dios, “Anak ti tao, denggem a nalaing ti amin nga ibagak kenka ket tandaanam.

Ezekiel 3:17

Kinunana, “Anak ti tao, isaadka nga agbantay iti pagilian nga Israel. Ipakaammom kadagiti Israelita dagiti amin nga iballaagko kenka.

San Mateo 28:20

ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong.”

Dagiti Aramid 20:27

Ta diak nagliway a nangipakpakaammo kadakayo iti amin a panggep ti Dios.

Deuteronomio 4:2

Diyo nayonan ti bilinko kadakayo; diyo met kissayan. Tungpalenyo dagiti bilin ti Apo a Diosyo nga intedko kadakayo.