Exodo 7:16 - Ti Baro a Naimbag a Damag Biblia

¹⁶ Ibagam kenkuana nga imbaonnaka ni Yahweh a Dios dagiti Hebreo tapno kiddawek a palubosanna dagiti tattaok a mapan agdaydayaw kaniak idiay let-ang. Ibagam kenkuana nga agingga ita, dipay nangipangpangag.

Ti Biblia (1973)

¹⁶ Ket saoemto kencuana, Ni Jehova a Dios dagiti Hebreos imbaonnac kenca, a cunana, Bay-am a pumanaw ti ilic, tapno agdaydayawda caniac idiay let-ang: ket, adtoy nga agpapan ita dica nangipangag.

Exodo 7:16 Iomraidhean Croise

Exodo 10:3

Napan da Moises ken Aaron iti ari ket kinunada kenkuana, “Kastoy ti paibaga ti Apo a Dios dagiti Hebreo, ‘Kasano pay ti kabayag ti dimo panagpakumbaba kaniak? Palubosam a pumanaw dagiti tattaok tapno umayda agdaydayaw kaniak.

Exodo 13:15

Idi impatangken ti ari ti Egipto a dinakami palubosan, pinatay ti Apo ti amin nga inauna nga anak a lalaki iti daga ti Egipto, tao ken animal. Daytoy ti gapuna nga idatontayo iti Apo ti amin nga inauna nga anak a lalaki dagiti animal, ngem subbotentayo ti inauna a lalaki nga anaktayo.’

Exodo 14:5

Idi naibaga iti ari ti Egipto a nakapanawen dagiti Israelita, nagbaliw ti panunotna, kasta met dagiti ofisialesna ket kinunada, “Ania daytoy nga inaramidtayo? Impalubostayo a pumanaw dagiti Israelita ket ita, awandan a tagabutayo!”

Exodo 3:12

“Addaakto kenka,” insungbat ti Dios, “ket daytoyto ti pagilasinan a siak ti nangibaon kenka: Inton mairuarmo dagiti tattaok iti Egipto, agdaydayawkayto kaniak ditoy a bantay.”

Exodo 3:13

Kinuna ni Moises, “Inton innak kadagiti Israelita ket ibagak kadakuada nga imbaonnak ti Dios dagiti kapuonanda, ket saludsodenda ti naganmo, ania ti ibagak?”

Exodo 3:18

“Ipangagto dagiti tattaok ti saom. Kalpasanna, kakuyogmonto dagiti pangulo ti Israel a mapan iti ari ti Egipto ket kunayonto kenkuana, ‘Nakisao kadakami ni Yahweh a Dios dagiti Hebreo. Palubosannakami koma a mapan idiay let-ang iti tallo nga aldaw tapno agidatagkami iti daton ken ni Yahweh a Diosmi.’

Exodo 4:22

Kunamto kenkuana a kastoy ti sao ni Yahweh: ‘Ni Israel ti inauna nga anakko a lalaki.

Exodo 4:23

Ibagak kenka a palubosam a pumanaw tapno agdaydayaw kaniak ngem dimo pinalubosan. Ita, patayek ti inauna nga anakmo a lalaki.’”

Exodo 8:1

Kalpasanna, kinuna ni Yahweh ken ni Moises, “Inka ibaga iti ari a kastoy ti kuna ni Yahweh, ‘Palubosam dagiti tattaok tapno umayda agdaydayaw kaniak.

Exodo 8:20

Kalpasanna, kinuna ni Yahweh ken ni Moises, “Inton agsapa, urayem ti ari idiay karayan ket ibagam kenkuana a kastoy ti kuna ni Yahweh, ‘Palubosam a pumanaw dagiti tattaok tapno umayda agdaydayaw kaniak.

Exodo 9:1

Kinuna ni Yahweh ken ni Moises, “Inka iti ari ket kunam a paibaga ni Yahweh, ti Dios dagiti Hebreo, a palubosanna a pumanaw dagiti Israelita tapno umayda agdaydayaw kaniak.

Exodo 9:13

Kinuna ni Yahweh ken ni Moises, “Inton bigat, sapaem ti mapan iti ari. Ibagam kenkuana a kastoy ti bilin ni Yahweh, ti Dios dagiti Hebreo, a palubosanna dagiti tattaok tapno umayda agdaydayaw kaniak.

Isaias 45:13

Tinignayko ni Ciro a mangtungpal iti panggepko, ken mangpalinteg iti amin a banag. Simpaekto dagiti amin a dalan a pagnaanna; bangonennanto manen ti siudadko a Jerusalem, ket wayawayaannanto dagiti tattaok a naibalud. Awan nangtangdan wenno nangpasuksok kenkuana tapno aramidenna daytoy.” Daytoy ti sao ni Yahweh a Mannakabalin-amin.

Jeremias 50:33

Kuna ni Yahweh a Mannakabalin-amin, “Maparparigat dagiti tattao ti Israel ken ti Juda. Guguardiaan ida a nalaing dagiti nangparmek kadakuada. Dida kayat a wayawayaan ida.