Exodo 7:14 - Ti Baro a Naimbag a Damag Biblia

¹⁴ Kinuna ni Yahweh ken ni Moises, “Nasubeg la unay ti ari, ket dina kayat a papanawen dagiti tattao.

Ti Biblia (1973)

¹⁴ Ket ni Jehova kinunana ken Moises, Ti puso ni Faraon natangken, madi a mamalubos iti ili.

Exodo 7:14 Iomraidhean Croise

Exodo 10:1

Kinuna ni Yahweh ken ni Moises, “Inka iti ari. Pinatangkenko ti pusona, kasta met dagiti ofisialesna tapno ipakitak kadakuada daytoy a pannakabalinko.

Exodo 10:20

Ngem pinatangken ni Yahweh ti puso ti ari ket dina impalubos a pumanaw dagiti Israelita.

Exodo 10:27

Pinatangken ni Yahweh ti puso ti ari ket dina impalubos a pumanaw dagiti Israelita.

Exodo 10:4

No madika latta, yegko inton bigat dagiti dudon iti pagiliam.

Exodo 3:19

Ammok a dinakayto palubosan ti ari malaksid no mapilit.

Exodo 4:23

Ibagak kenka a palubosam a pumanaw tapno agdaydayaw kaniak ngem dimo pinalubosan. Ita, patayek ti inauna nga anakmo a lalaki.’”

Exodo 7:13

Nupay kasta, nagtalinaed a natangken ti puso ti ari ket, kas kinuna ni Yahweh, dina impangag ida.

Exodo 7:15

Inton bigat, alaem ti sarukod a nagbalin nga uleg ket inka idiay Karayan Nile. Urayem ti ari iti igid ti danum.

Exodo 8:11

Mapukawton dagiti tukak iti ayanmo, iti ayan dagiti ofisialesmo ket awanton ti mabati malaksid kadagiti adda iti Karayan Nile.”

Exodo 8:15

Ngem idi makita ti ari nga awanen dagiti tukak, timmangken manen ti pusona ket dina impangag da Moises ken Aaron, kas kinuna ni Yahweh.

Exodo 8:2

No agkedkedka, mangyegak iti adu a tukak a pangdidigra iti entero a pagiliam.

Exodo 9:2

No lapdannakayo manen,

Exodo 9:34

Idi makita ti ari ti napasamak, nagbasol manen ket nagtalinaed a natangken ti pusona, kasta met dagiti ofisialesna.

Exodo 9:7

Dinamag ti ari no ania ti napasamak ket naammoanna nga awan ti natay nga uray maysa nga animal dagiti Israelita. Ngem kaskasdi a natangken ti pusona ket dina pinalubosan dagiti tattao.

Isaias 1:20

Ngem no dikay agtulnog ket sukirendak, masentensiaankayto a matay.” Daytoy ti sao ni Yahweh.

Jeremias 8:5

Apay ngarud, dakayo a tattaok, a tallikudandak ngem dikay met agsubli kaniak? Diyo mapanawan dagiti didiosenyo, ket diyo kayat ti agsubli kaniak.

Zacarias 7:12

ket pinatangkenda dagiti pusoda a kas iti bato. Gapu ta dida impangag dagiti pannursurok nga intedko babaen kadagiti profeta idi un-unana, nakapungtotak iti kasta unay.

Deuteronomio 2:30

“Ngem dinatayo pinalasat ni Ari Sihon iti pagilianna. Pinatangken ti Apo a Diosyo ti ulo ni Sihon ket pinagsukirna tapno maparmektayo ket alaentayo ti dagana. Agpapan ita, kukuatayo pay la dayta a daga.

Hebreo 12:25

Agannadkayo ngarud ket ipangagyo ti agsasao. No saan a nakalisi dagidi saan a nangipangag iti nasantoan a mensahe, ad-addanto pay a ditayo makalisi no tallikudantayo ti agsasao manipud langit!

1 Samuel 6:6

Apay a nasukirkayo a kas iti ari ti Egipto ken kadagiti Egipcio? Laglagipenyo ti panangang-angaw ti Dios kadakuada agingga a pinalubosanda dagiti Israelita a pumanaw idiay Egipto.