Exodo 7:11 - Ti Baro a Naimbag a Damag Biblia

¹¹ Inayaban ti ari dagiti mamasirib ken dagiti salamangkerona ket babaen iti salamangkada, inaramidda met ti inaramid ni Aaron.

Ti Biblia (1973)

¹¹ Idin ni Faraon nangayab met cadagiti mamasirib ken managsalamangca: ket isuda met, dagiti a managsalamangcada a taga Egipto, inaramidda met ti casdiay a salamangcada.

Exodo 7:11 Iomraidhean Croise

Genesis 41:8

Kabigatanna, nariribuk ti ari, isu a pinaayabanna dagiti amin a salamangkero ken mamasirib iti Egipto. Sinaritana kadakuada dagiti natagtagainepna, ngem awan ti makailawlawag ti kaipapananda.

Exodo 7:12

Impurruakda dagiti sarukodda. Nagbalin met nga uleg dagiti sarukod ngem inalun-on ida ti sarukod ni Aaron.

Exodo 7:22

Ngem nagsalamangka dagiti salamangkero ti Egipto; kasta met ti inaramidda. Ad-adda manen a timmangken ti puso ti ari. Dina impangag da Moises ken Aaron a kas iti kinuna ni Yahweh.

Exodo 8:18

Pinadas met dagiti salamangkero nga inusar ti salamangkada tapno agruar dagiti timel, ngem dida nabaelan. Tinimel amin a tattao ken animal.

Exodo 8:3

Mapnonto ti karayan iti tukak. Sumang-atdanto ket serkenda ti palasiom, ti kuartom ken ti katrem. Sumrekdanto met kadagiti balay dagiti ofisialesmo ken dagiti tattaom, agraman dagiti paglutlutoam ken dagiti pagmasmasaam iti tinapay.

Exodo 8:7

Ngem babaen iti salamangka dagiti salamangkero, kastoy met ti inaramidda ket timmakdang dagiti tukak.

Daniel 2:2

Iti kasta, pinaayabanna dagiti amin a mammuyon, salamangkero, baglan ken managanito tapno ibagada ti kaipapanan ti tagtagainepna. Idi dimmatagda,

Daniel 2:27

Simmungbat ni Daniel, “Natan-ok nga Ari, awan ti baglan, salamangkero, mammuyon wenno astrologo a makaibaga iti dayta.

Daniel 4:6

Pinaayabak dagiti amin a mamasirib iti Babilonia tapno ibagada ti kaipapanan ti tagtagainepko.

Daniel 5:11

Adda lalaki ditoy pagariam a naparaburan iti espiritu dagiti nasantoan a didiosen. Idi ni tatangmo ti ari, impakita daytoy a tao a naparaburan iti nasayaat a pannakaawat, pannakaammo ken sirib a kas iti sirib dagiti didiosen. Daytoy ti gapuna a dinutokan idi ni Ari Nebucadnesar a tatangmo a mangipangulo kadagiti mammadles, salamangkero, mammuyon ken astrologo.

Daniel 5:7

Iti napigsa a timek, pinaayabanna dagiti salamangkero, dagiti mammadles ken dagiti astrologo. Idi dumtengda, kinuna ti ari kadakuada, “Ikkak iti pammadayaw ti siasinoman a makabasa iti naisurat ken makailawlawag iti kayatna a sawen. Makawesanto iti napateg a lupot a nalabaga, maukkoranto iti kuentas a balitok ken maisaadto a maikatlo a kangatoan nga agturay iti pagarian.”

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

Taga-Galacia 3:1

Nagnengnengkayo ketdin a taga-Galacia! Siasino aya ti nangallilaw kadakayo? Nalawag la ngaruden a naipakita kadakayo a nailansa ni Jesu-Cristo iti krus!

Taga-Efeso 4:14

Ket saantayton a kasla ubbing wenno bassit a bangka a yallo-allon dagiti dalluyon wenno yalla-alla ti agbaliwbaliw nga angin. Kasta ti mapasamak iti panangisuro dagiti manangallilaw a tattao. Mangyaw-awanda babaen kadagiti ulbod nga ibagbagada.

2 Taga-Tesalonica 2:9

Umayto ti Managdakdakes nga addaan iti pannakabalin ni Satanas. Agaramidto kadagiti amin a kita ti milagro ken kadagiti makaallilaw a pagilasinan ken datdatlag.

2 Timoteo 3:8

Sinukir idi da Janes ken Jambres ni Moises. Sukirento met dagitoy a tattao ti pudno. Rinuker ti panunot dagitoy a tattao ket sinsinan ti pammatida.

2 Timoteo 3:9

Ngem didanto makaadayo, ta makitanto ti amin a tao ti kinamaagda. Kasta ti napasamak da Janes ken Jambres.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

1 Samuel 6:2

Kalpasanna, inayaban dagiti tattao dagiti papadi ken dagiti mammadles ket sinaludsodda, “Ania ti aramidenmi iti Lakasa ti Tulag ti Apo ti Israel? Ania ti ipakuyogmi no isublimi iti sigud a yanna?”