Exodo 6:8 - Ti Baro a Naimbag a Damag Biblia

⁸ Ipankayto iti daga nga insapatak nga ited kada Abraham, Isaac ken Jacob. Itedkonto a kukuayo. Siak ni Yahweh.’”

Ti Biblia (1973)

⁸ Ket iyegcayto iti daga nga insapatac nga ited ken Abraham ken Isaac ken Jacob; ket itdecto cadayo a tawid: siac ni Jehova.

Exodo 6:8 Iomraidhean Croise

Genesis 14:22

Insungbat ni Abram, “Isapatak iti Apo a Kangatoan a Dios, ti namarsua iti langit ken daga,

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

Genesis 26:3

Agnaedka ditoy ket addaakto kenka. Bendisionankanto. Itedkonto amin daytoy a daga kenka ken kadagiti kaputotam, kas inkarik ken ni tatangmo nga Abraham.

Genesis 28:13

Pagammoan, nakitana ni Yahweh nga agtaktakder iti dennana. “Siak ni Yahweh a Dios ni Abraham ken ni Isaac,” kinunana. “Itedkonto kenka ken iti kaputotam daytoy a daga a pagid-iddaam.

Genesis 35:12

Itedkonto kenka ken kadagiti sumarsaruno a kaputotam ti daga nga inkarik kada Abraham ken Isaac.”

Nehemias 9:15

“Idi mabisinda, inikkam ida iti tinapay a naggaput' langit. Idi mawawda, inikkam ida iti danum a naggapu iti bato. Imbagam kadakuada nga iturayanda ti daga, ti daga nga inkarim nga ited kadakuada.

Exodo 13:5

Inkari ti Apo kadagiti kapuonanyo nga itedna kadakayo ti daga dagiti Cananeo, Heteo, Amorreo, Heveo ken Jebuseo. Nabaknang ken nabunga dayta a daga. Inton ipannakay iti dayta a daga, tinawen a rambakanyo daytoy a fiesta iti umuna a bulan.

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Exodo 6:2

Kinuna ti Dios ken ni Moises, “Siak ni Yahweh.

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Exodo 6:6

Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Ezekiel 20:15

Ngarud, insapatak idiay let-ang a diak ipan ida iti daga nga intedko kadakuada, daga a nabaknang ken nadam-eg; daga a kasayaatan.

Ezekiel 20:23

Isut' gapuna a nagsapataak manen idiay let-ang. Insapatak nga iwarasko ida iti entero a lubong.

Ezekiel 20:28

Impanko ida iti daga nga inkarik nga ited kadakuada. No makakitada idi kadagiti nangato a turod wenno narukbos a kaykayo, sadiay ti pagidatonanda ken pagpuoranda kadagiti sakrifisio a pakaigapuan ti panagpungtotko. Sadiay met ti pagipananda kadagiti arak a datonda.

Ezekiel 20:42

Inton isublikay iti Israel, iti daga nga inkarik nga ited kadagiti kapuonanyo, maammoanyonton a siak ni Yahweh.

Ezekiel 36:7

“Siak nga Apo a Dios isapatak nga agsagabanto met ti pannakaibabain dagiti kabangibang a nasion.

Ezekiel 47:14

Insapatak kadagiti kapuonanyo nga itedko daytoy a daga kadakuada; ita, pagpapadaenyo ti bingay ti tunggal maysa.

Numero 10:29

Kinuna ni Moises ken ni kayongna a Hobab nga anak ni Jetro a Midianita, “Agrubbuatkami a mapan iti lugar nga inkari ti Apo nga ited kadakami. Inkarina a parang-ayen ti Israel, isu a sumurotka kadakami ket ibingayandakanto iti kinabaknangmi.”

Numero 11:12

Saan a siak ti nangyanak kadakuada! Apay a kiddawem nga agbalinak a paraaw-awir ket ubbaek ida a kas ubbing tapno ipanko ida iti daga nga inkarim nga ited kadagiti kapuonanda?

Numero 14:30

Inkarik nga agnaedkayto sadiay, ngem awanto ti uray maysa a makagteng sadiay malaksid kada Caleb ken Josue.

Numero 23:19

Saan a tao ti Dios tapno agulbod; saan nga agbalbaliw ti panunotna. Aramidenna ti aniaman nga ikarina.

Deuteronomio 32:40

Gapu ta siak ti sibibiag a Dios, ingatok ti imak ket isapatak

Deuteronomio 4:31

Manangngaasi a Dios ti Apo. Dinakayto baybay-an wenno dadaelen ket dinanto malipatan ti katulaganna kadagidi kapuonanyo.

Josue 24:13

Inikkankayo iti daga a diyo nagbannogan ken kadagiti siudad a diyo impasdek. Agnanaedkayo sadiay itan; mangmangankay iti ubas ken iti olibo a diyo immula.’

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

1 Samuel 15:29

Saan nga agulbod wenno agbalbaliw ti panunot ti nadayag a Dios ti Israel. Saan a tao—dina baliwan ti panunotna.”