Exodo 6:6 - Ti Baro a Naimbag a Damag Biblia

⁶ Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Ti Biblia (1973)

⁶ Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Exodo 6:6 Iomraidhean Croise

2 Ar-ari 17:36

Agbutengkayo kaniak, siak, ni Yahweh a nangiruar kadakay idiay Egipto babaen iti naindaklan a bileg ken pannakabalin; masapul nga agrukbabkayo kaniak ken agidatagkayo kaniak kadagiti daton.

1 Cronicas 17:21

Awanen ti sabali a nasion ditoy lubong a kas iti Israel nga inispalmo iti pannakatagabuna tapno kukuam. Nagsaknap ti kinalatakmo iti entero a lubong gapu kadagiti naindaklan ken nakaskasdaaw a banag nga impaaymo kadakuada. Inispalmo dagiti tattaom idiay Egipto ket pinagtalawmo dagiti dadduma a nasion idi dumteng dagiti tattaom.

Nehemias 1:10

“O Apo, dagitoy dagiti adipenmo, wen, dagiti tattaom. Inispalmo ida babaen iti naindaklan a pannakabalin ken bilegmo.

Dagiti Salmo 77:16

Nakitadaka dagiti danum, O Dios, ket nagbutengda; uray dagiti kaadalman a taaw nagpigergerda.

Dagiti Salmo 81:11

“Ngem didak impangag dagiti tattaok; saan a nagtulnog kaniak ti Israel.

Dagiti Salmo 81:6

“Inikkatko ti nadagsen nga awit iti abagam; innalak ti basket nga ig-iggamam.

Dagiti Salmo 81:7

Idi adda rigatmo, immawagka kaniak ket inlisika; manipud gurruod a paglemlemmengak, sinungbatanka, sinuotka idi addaka iti ubbog ti Meriba.

Exodo 1:11

Iti kasta, nangdutokda kadagiti narungsot a kapatas a mangparigat kadagiti Israelita nga agtrabaho iti nadagdagsen pay ngem iti sigud nga ar-aramidenda. Binangon dagiti Israelita ti Pitom ken Rameses, dua a siudad a pagidulinan iti makan.

Exodo 12:41

Iti aldaw a naggibus ti 430 a tawen, pimmanaw dagiti amin a tattao ni Yahweh iti dayta a pagilian.

Exodo 12:51

Iti dayta nga aldaw, inruar ni Yahweh dagiti amin a puli dagiti Israelita idiay Egipto.

Exodo 13:14

Iti masakbayan, no saludsodento ti anakyo no ania ti kayat a sawen daytoy, kunayonto, ‘Babaen iti dakkel a pannakabalinna, inruarnakami ti Apo idiay Egipto, ti lugar a nakatagabuanmi.

Exodo 13:16

Agbalinto daytoy a pakalaglagipan, kas maysa a banag a maiputipot iti imatayo wenno iti mugingtayo; ipalagipnanto kadatayo nga inruarnatayo ti Apo idiay Egipto babaen iti dakkel a pannakabalinna.”

Exodo 13:3

Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 15:13

Napudnoka iti karim, idalanmo dagiti inispalmo a tattao; babaen iti pigsam iturongmo ida iti nasantoan a taengmo.

Exodo 16:6

Iti kasta, kinuna da Moises ken Aaron kadagiti Israelita, “Ita a rabii, maammoanyo a ti Apo ti nangiruar kadakayo idiay Egipto.

Exodo 18:1

Nadamag ni Jetro, ti padi ti Midian ken katugangan ni Moises, ti amin nga impaay ti Dios ken ni Moises ken kadagiti Israelita idi inruar ni Yahweh ida idiay Egipto.

Exodo 2:11

Iti maysa nga aldaw, idi maysan nga agtutubo ni Moises, sinarungkaranna dagiti kadaraanna a Hebreo. Naimatanganna ti pannakaparparigatda. Nadagsen ti trabahoda. Nakitana ti maysa nga Egipcio a mangkabkabil iti maysa a Hebreo.

Exodo 3:17

Inkeddengko nga iruarko ida idiay Egipto ket ipanko ida iti daga dagiti Cananeo, Heteo, Amorreo, Perezeo, Heveo ken Jebuseo. Nadam-eg ken nabunga dayta a daga.

Exodo 3:8

Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Exodo 32:11

Ngem nagpakpakaasi ni Moises ken ni Yahweh a Diosna ket kinunana, “Apo, apay a kapungtotmo dagiti tattaom, isuda a winayawayaam idiay Egipto babaen iti naindaklan a pannakabalinmo?

Exodo 6:2

Kinuna ti Dios ken ni Moises, “Siak ni Yahweh.

Exodo 6:29

kinunana, “Siak ni Yahweh. Ibagam iti ari ti Egipto dagiti amin nga ibagak kenka.”

Exodo 6:8

Ipankayto iti daga nga insapatak nga ited kada Abraham, Isaac ken Jacob. Itedkonto a kukuayo. Siak ni Yahweh.’”

Exodo 7:5

Inton dusaek dagiti Egipcio ket iruarko dagiti Israelita iti pagilianda, maammoandanton a siak ni Yahweh.”

Isaias 9:12

Iti daya ken iti laud, sisasagana ti Siria ken ti Filistia a mangalun-on iti Israel. Uray no kasta, saan nga agbaaw ti pungtot ti Apo ket silalayat pay laeng ti imana a mangdusa.

Isaias 9:17

Iti kasta, saanto nga ipalubos ti Apo nga adda makalasat nga agtutubo a lalaki. Awanto ti balo a babai ken ulila a kaasianna. Ngamin, awanan Dios dagiti tattao ken managdakdakesda. Dakes ti sawen ti tunggal maysa. Ngem uray no kasta, saanto nga agbaaw ti pungtot ti Apo ket silalayat pay laeng ti imana a mangdusa.

Isaias 9:21

Aggugubat dagiti tattao ti Manases ken Efraim ngem agmaymaysada a mangraut iti Juda. Uray no kasta, saan nga agbaaw ti pungtot ti Apo ket silalayat pay laeng ti imana a mangdusa.

Jeremias 21:5

Siak a mismo ti manggubat kadakayo iti amin a pigsak, amin a pungtotko, rungsot ken ungetko.

Jeremias 27:5

“Siak, babaen iti dakkel a pannakabalin ken pigsak, pinarsuak ti lubong, ti sangkataoan ken amin nga animal ditoy daga. Mabalinko nga ited ti lubong iti siasinoman a kayatko a pangtedan.

Jeremias 32:21

Babaen kadagiti milagro ken datdatlag a nagbutbutngan dagiti kabusormi, inusarmo ti pannakabalin ken pigsam a nangiruar kadagiti Israelita idiay Egipto.

Ezekiel 20:33

Kuna ti Apo, “Iti naganko nga Apo a sibibiag a Dios, ballaagankayo nga iti pungtotko, iturayankayto iti napigsa nga ima ken iti amin a pannakabalinko.

Dagiti Aramid 13:17

Ti Dios dagiti Israelita ti nangpili kadagidi kapuonantayo ket pinagbalinna ida a naindaklan a pagilian bayat ti panagnaedda a kas ganggannaet idiay Egipto. Inruarna ida sadiay babaen iti naindaklan a pannakabalinna.

Deuteronomio 11:2

Lagipenyo ita nga aldaw ti nasursuroyo maipapan iti Apo babaen kadagiti padpadasyo kenkuana. Dakayo a saan ket a dagiti annakyo ti nagpasar kadagitoy a padpadas. Nakitayo ti kinatan-ok ti Apo, ti bilegna, ken ti pannakabalinna.

Deuteronomio 15:15

Laglagipenyo a natagabukayo met idi idiay Egipto ket winayawayaannakayo ti Apo a Diosyo; daytoy ti gapuna nga itedko kadakayo ita daytoy a bilin.

Deuteronomio 26:8

Babaen iti naindaklan a pannakabalinna, impanawnakam idiay Egipto. Nagiparang kadagiti milagro ken datdatlag a pasamak. Nakabutbuteng dagiti pasamak a pinarnuayna.

Deuteronomio 4:23

Agannadkayo. Diyo liplipaten ti nakitulagan kadakayo ti Apo a Diosyo. Dikay agaramid iti ladawan a pagdaydayawanyo, kas iti iparitna kadakayo.

Deuteronomio 4:34

Wenno adda kadin uray ania a dios a nakaitured a nangala kadagiti tattao iti sabali a pagilian tapno pagbalinenna ida a kukuana a kas iti inaramid kadakayo ti Apo a Diosyo idiay Egipto? Nakitayo ti panangaramatna iti naindaklan a pannakabalinna ket inyegna dagiti didigra ken gubat, dagiti milagro ken datdatlag ken dagiti nakabutbuteng a pasamak.

Deuteronomio 5:15

Laglagipenyo a tagabukayo met idi idiay Egipto ket siak, ni Yahweh a Diosyo, inispalkayo babaen iti naindaklan a pannakabalin ken bilegko. Ngarud, ibilinko kadakayo a ngilinenyo ti Aldaw a Panaginana.

Deuteronomio 6:12

ikagumaanyo a diyo lipaten ti Apo a nangiruar kadakayo idiay Egipto a nakatagabuanyo.

Deuteronomio 7:19

dagiti nakabutbuteng a didigra, dagiti milagro ken ti naindaklan a bileg ken pannakabalin nga inaramid ti Apo a Diosyo iti pannakawayawayayo. Kastanto met ti aramidenna kadagitoy a tattao a kabutengyo.

Deuteronomio 7:8

Ngem inayatnakayo ti Apo ket tinungpalna ti inkarina kadagidi kapuonanyo. Daytoy ti gapuna nga insalakannakayo iti ari ti Egipto babaen iti naindaklan a pannakabalinna.

Deuteronomio 9:29

Ngem pinilim ida a tattaom; inruarmo ida idiay Egipto babaen iti naindaklan a bileg ken pannakabalinmo.’”