Exodo 6:3 - Ti Baro a Naimbag a Damag Biblia

³ Nagparangak a kas Dios a Mannakabalin-amin kada Abraham, Isaac ken Jacob, ngem diak impakaammo kadakuada ti nasantoan a naganko a Yahweh.

Ti Biblia (1973)

³ Ket siac nagparangac ken Abraham, ken Isaac ken Jacob, cas Dios a Mannacabalin amin; ngem iti naganco a Jehova saandac a naammoan.

Exodo 6:3 Iomraidhean Croise

Genesis 13:18

Inyalis ngarud ni Abram ti kampona ket nagnaed iti asideg dagiti kayo ti lugo ti Mamre idiay Hebron. Nangbangon sadiay iti altar nga agpaay ken ni Yahweh.

Genesis 17:1

Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin. Agtulnogka kaniak ket aramidem a kanayon ti naimbag.

Genesis 22:14

Pinanaganan ni Abraham dayta a disso iti “Ti Apo ti Mangted.” Agpapan ita, kunkuna pay laeng dagiti tattao, “Iti bantay ti Apo, adda maited.”

Genesis 28:3

Bendisionan koma ti Dios a Mannakabalin-amin ti kallaysayo ket ikkannakayo iti adu nga annak tapno agbalinka nga ama ti dakkel a nasion.

Genesis 35:11

Ket kinuna ti Dios, “Siak ti Dios a Mannakabalin-amin. Maaddaanka iti adu nga annak. Naindaklanto a nasion ti agtaud kenka ket sikanto ti kapuonan dagiti adu nga ari.

Genesis 48:3

Kinuna ni Jacob ken ni Jose, “Nagparang kaniak ti Dios a Mannakabalin-amin idi addaak idiay Luz iti daga ti Canaan ket binendisionannak.

Dagiti Salmo 68:4

Kantaanyo ti Dios, agkantatayo para kenkuana nga umay a nakasakay kadagiti ulep. Apo ti naganna—agragsakkay iti sangoananna.

Dagiti Salmo 83:18

Maammoanda koma a siksika laeng ti Apo, Yahweh ti naganmo, ti Kangatoan iti entero a daga.

Exodo 15:3

Mannakigubat ti Apo; Yahweh ti naganna.

Exodo 23:21

Ipangagyo ket tungpalenyo ti amin nga ibagana. Diyo sukiren gapu ta siak ti nangibaon kenkuana ket dinto mapakawan ti siasinoman nga agsukir.

Exodo 3:14

Kinuna ti Dios, “Siak ti siak. Daytoy ti ibagamto kadagiti Israelita, ‘Imbaonnak ti mangawag iti bagina iti SIAK.’

Isaias 42:8

“Siak ni Yahweh, dayta ti naganko. Awan ti didiosen a mairanud iti dayagko; diak ipalubos dagiti imahen a mairaman iti pannakaidaydayawko.

Isaias 44:6

Kastoy ti kuna ti Apo a Mannakabalin-amin, ni Yahweh a mangituray ken mangsalaknib iti Israel: “Siak ti umuna ken siak ti maudi; awan sabali a Dios no di la siak.

Jeremias 16:21

“Ngarud,” kuna ti Apo, “iparangarangkonto kadakuada ti pannakabalin ken bilegko ket maammoandanto a siak ni Yahweh.”

Jeremias 33:2

Nagsao kaniak ti Apo a nangbukel ken nangipasdek iti daga. Yahweh ti naganna. Kinunana:

Ezekiel 20:5

Ibagam kadakuada ti kunak. Idi pinilik ti Israel, nagsapataak kadakuada. Imparangarangko ti bagik kadakuada idiay Egipto. Imbagak kadakuada: ‘Siak ni Yahweh a Diosyo.’

Ezekiel 37:13

Inton luktak dagiti tanem dagiti tattaok ket iruarko ida, maammoandanto a siak ni Yahweh.

Ezekiel 37:6

Ikkankayo iti pennet ken piskel ket bungonenkayo iti kudil. Ikkankayo iti anges ket pagbiagenkayo. Iti kasta, maammoanyo a siak ni Yahweh.’”

San Juan 8:58

Kinuna ni Jesus, “Ibagak ti pudno kadakayo: Sakbay a nayanak ni Abraham, addaakon.”

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Ruth 1:20

Kinunana, “Didak awagan iti Noemi. Awagandak iti Mara, ta pinarigatnak ti Dios a Mannakabalin-amin.