Exodo 6:1 - Ti Baro a Naimbag a Damag Biblia

¹ Kinuna ni Yahweh ken ni Moises, “Ita, makitam ti aramidek iti ari. Pilitek a mangpalubos kadagiti tattaok. Kinapudnona, pilitek a pagtalawenna ida iti dagana.”

Ti Biblia (1973)

¹ Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Exodo 6:1 Iomraidhean Croise

2 Ar-ari 7:19

Kastoy idi ti insungbat ti ofisial: “Saan a mapasamak uray no mangyeg a dagus ti Apo iti tudo!” Kastoy met ti sungbat ni Eliseo: “Makitamto a mapasamak daytoy ngem dimonto maramanan ti uray ania kadagiti makan.”

2 Ar-ari 7:2

Nagsao ti ofisial a mangkuykuyog iti ari. Kinunana ken ni Eliseo, “Saan a mapasamak dayta uray no mangyeg a dagus ti Apo iti tudo!” “Makitamto a mapasamak daytoy ngem dimonto maramanan ti uray ania kadagiti makan,” insungbat ni Eliseo.

2 Cronicas 20:17

Saanto a dakayo ti makigubat. Agyankayo latta iti lugaryo, ket aguraykayo. Maimatanganyonto ti panangipaay ti Apo iti balligiyo. Tattao ti Juda ken Jerusalem, dikay agtukkiad wenno agbuteng. Inkay makigubat ket kuyogennakayto ti Apo!”

Dagiti Salmo 12:5

“Ngem itan,” kuna ni Yahweh, “umayak, ta mailupitlupit dagiti marigrigat; dagiti maidaddadanes nasaem ti asugda. Itdekto ti talged a tartarigagayanda.”

Dagiti Salmo 12:6

Mapagtalkan ken napudno dagiti kari ni Yahweh, mayarig iti pirak a nagugoran iti namimpito.

Dagiti Salmo 136:12

Inruarna ida babaen iti nabileg ken mannakabalin a takkiagna; agnanayon ti di agbaliw nga ayatna.

Dagiti Salmo 89:13

Anian a kinabilegmo! Anian a nagdakkel ti pannakabalinmo!

Exodo 11:1

Kinuna ni Yahweh ken ni Moises, “Maysa laengen a didigra ti yegko iti ari ti Egipto ken kadagiti tattaona ket kalpasanna, palubosannakayton a pumanaw. Kinapudnona, pagtalawennakayto amin.

Exodo 12:31

Iti dayta met la a rabii, pinaayaban ti ari da Moises ken Aaron. “Pumanawkayon, dakayo ken dagiti Israelita!” kinunana kadakuada. “Panawanyo ti pagiliak, ket inkayo agdaydayaw iti Apo a kas dinawatyo.

Exodo 12:33

Dinagdag dagiti Egipcio a pumanaw dagiti Israelita iti pagilian. “Mataykam amin no dikay pumanaw,” kinunada.

Exodo 12:39

Nagaramidda kadagiti tinapay nga awan lebadurana iti masa nga inggapuda idiay Egipto. Kellaat ngamin ti pannakapapanawda ket awan tiempoda a nagluto iti kanenda wenno nangisagana iti masa nga adda lebadurana.

Exodo 13:14

Iti masakbayan, no saludsodento ti anakyo no ania ti kayat a sawen daytoy, kunayonto, ‘Babaen iti dakkel a pannakabalinna, inruarnakami ti Apo idiay Egipto, ti lugar a nakatagabuanmi.

Exodo 13:16

Agbalinto daytoy a pakalaglagipan, kas maysa a banag a maiputipot iti imatayo wenno iti mugingtayo; ipalagipnanto kadatayo nga inruarnatayo ti Apo idiay Egipto babaen iti dakkel a pannakabalinna.”

Exodo 13:3

Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 13:9

Agbalinto daytoy a fiesta a pakalaglagipan kas iti maiputipot iti imayo wenno iti mugingyo; ipalagipnanto kadakayo nga itultuloyyo a basaen ken adalen ti Linteg ti Apo, gapu ta inruarnakayo ti Apo idiay Egipto babaen iti dakkel a pannakabalinna.

Exodo 14:13

Kinuna ni Moises kadakuada, “Dikay agbuteng. Patibkerenyo ti pakinakemyo. Ita nga aldaw, makitayo ti panangisalakan ti Apo kadakayo. Diyonton makita dagiti Egipcio.

Exodo 15:6

“Napigsa ken mannakabalinka, O Apo; ta makannawan nga imam winarawarana dagiti kabusormo.

Exodo 7:5

Inton dusaek dagiti Egipcio ket iruarko dagiti Israelita iti pagilianda, maammoandanton a siak ni Yahweh.”

Isaias 63:12

Ayan ti Apo a nangaramat iti pannakabalinna ket nagaramid kadagiti naindaklan a banag babaen iti panangaramatna ken ni Moises? Biningayna ti danum ti baybay iti imatang dagiti tattaona tapno maidaydayaw iti agnanayon.”

Numero 11:23

“Adda kadi saanko a mabalin nga aramiden?” insungbat ni Yahweh. “Makitamto iti mabiit no mapasamak ti imbagak wenno saan.”

Numero 23:23

Awan buyon wenno padles a maaramat a maibusor iti Israel. Ita, kuna dagiti tattao maipapan iti Israel: ‘Kitaenyo ti inaramid ti Dios!’

Dagiti Aramid 13:17

Ti Dios dagiti Israelita ti nangpili kadagidi kapuonantayo ket pinagbalinna ida a naindaklan a pagilian bayat ti panagnaedda a kas ganggannaet idiay Egipto. Inruarna ida sadiay babaen iti naindaklan a pannakabalinna.

Deuteronomio 32:39

“‘Sisiak laeng ti Dios; awanen ti sabali a pudno a Dios. Pumatayak ket mangtedak iti biag, mangsugatak ket siak met laeng ti mangpaimbag; awan ti makalapped iti aramidek.

Deuteronomio 4:34

Wenno adda kadin uray ania a dios a nakaitured a nangala kadagiti tattao iti sabali a pagilian tapno pagbalinenna ida a kukuana a kas iti inaramid kadakayo ti Apo a Diosyo idiay Egipto? Nakitayo ti panangaramatna iti naindaklan a pannakabalinna ket inyegna dagiti didigra ken gubat, dagiti milagro ken datdatlag ken dagiti nakabutbuteng a pasamak.