Exodo 5:1 - Ti Baro a Naimbag a Damag Biblia

¹ Kalpasanna napan da Moises ken Aaron iti ari ti Egipto ket kinunada kenkuana, “Kastoy ti kuna ti Apo a Dios ti Israel: ‘Palubosam dagiti tattaok a mapan idiay let-ang tapno rambakanda ti fiesta a pangpadayaw kaniak.’”

Ti Biblia (1973)

¹ Ket iti calpasanna da Moises ken Aaron dimmanonda ket kinunada ken Faraon, Castoy ti sao ni Jehova a Dios ti Israel, Bay-am a pumanaw ti umilic tapno inda rambacan ti maysa a fiesta caniac idiay let-ang.

Exodo 5:1 Iomraidhean Croise

1 Ar-ari 21:20

Idi makita ni Ahab ni Elias, kinunana, “Nasarakannak kadi met laengen, sika a kabusorko?” Insungbat ni Elias, “Wen, gapu ta impamaysam ti agaramid iti dakes iti imatang ti Apo.

Dagiti Salmo 119:46

Ipakaammokto dagiti bilinmo kadagiti ari, ket pulos nga awanto ti pannakaibabainko.

Exodo 10:3

Napan da Moises ken Aaron iti ari ket kinunada kenkuana, “Kastoy ti paibaga ti Apo a Dios dagiti Hebreo, ‘Kasano pay ti kabayag ti dimo panagpakumbaba kaniak? Palubosam a pumanaw dagiti tattaok tapno umayda agdaydayaw kaniak.

Exodo 10:4

No madika latta, yegko inton bigat dagiti dudon iti pagiliam.

Exodo 10:9

Insungbat ni Moises, “Mapankami amin, agraman dagiti annakmi ken dagiti babbaket ken lallakay. Itugotmi dagiti karnero, kalding, ken dagiti bakami. Masapul nga inkami amin ta mangipaaykami iti maysa a parambak iti Apo.”

Exodo 3:18

“Ipangagto dagiti tattaok ti saom. Kalpasanna, kakuyogmonto dagiti pangulo ti Israel a mapan iti ari ti Egipto ket kunayonto kenkuana, ‘Nakisao kadakami ni Yahweh a Dios dagiti Hebreo. Palubosannakami koma a mapan idiay let-ang iti tallo nga aldaw tapno agidatagkami iti daton ken ni Yahweh a Diosmi.’

Exodo 33:13

No pudno daytoy, ibagam kaniak dagiti panggepmo tapno makapagserbiak kenka ket agtultuloy a maragsakanka kaniak. Laglagipem met a pinilim a tagikuaen daytoy a nasion.”

Exodo 4:23

Ibagak kenka a palubosam a pumanaw tapno agdaydayaw kaniak ngem dimo pinalubosan. Ita, patayek ti inauna nga anakmo a lalaki.’”

Exodo 6:11

“Inka ibaga iti ari ti Egipto a masapul nga ipalubosna a pumanaw dagiti Israelita iti dagana.”

Exodo 6:27

Isuda ti nangibaga iti ari ti Egipto a wayawayaanna dagiti Israelita.

Exodo 7:16

Ibagam kenkuana nga imbaonnaka ni Yahweh a Dios dagiti Hebreo tapno kiddawek a palubosanna dagiti tattaok a mapan agdaydayaw kaniak idiay let-ang. Ibagam kenkuana nga agingga ita, dipay nangipangpangag.

Exodo 7:2

Ibagam ken ni Aaron ti amin nga ibilinko kenka ket dawatennanto iti ari a palubosanna dagiti Israelita a pumanaw iti dagana.

Exodo 8:1

Kalpasanna, kinuna ni Yahweh ken ni Moises, “Inka ibaga iti ari a kastoy ti kuna ni Yahweh, ‘Palubosam dagiti tattaok tapno umayda agdaydayaw kaniak.

Exodo 8:16

Kalpasanna, kinuna ni Yahweh ken ni Moises, “Ibagam ken ni Aaron nga ibautna ti sarukodna iti daga tapno agbalin a timel dagiti tapok iti entero nga Egipto.”

Exodo 8:17

Imbaut ni Aaron ti sarukodna iti daga. Nagbalin a timel dagiti tapok iti amin nga Egipto ket kimpetda kadagiti tattao ken animal.

Exodo 8:20

Kalpasanna, kinuna ni Yahweh ken ni Moises, “Inton agsapa, urayem ti ari idiay karayan ket ibagam kenkuana a kastoy ti kuna ni Yahweh, ‘Palubosam a pumanaw dagiti tattaok tapno umayda agdaydayaw kaniak.

Exodo 8:27

Masapul nga iti let-ang ti pagidataganmi iti daton iti Apo a Diosmi, a kas iti imbilinna kadakami, ket tallo nga aldaw nga agbiahekami a mapan sadiay.”

Exodo 9:1

Kinuna ni Yahweh ken ni Moises, “Inka iti ari ket kunam a paibaga ni Yahweh, ti Dios dagiti Hebreo, a palubosanna a pumanaw dagiti Israelita tapno umayda agdaydayaw kaniak.

Exodo 9:2

No lapdannakayo manen,

Isaias 25:6

Ditoy Bantay Sion, mangisagananto ti Apo a Mannakabalin-amin iti padaya nga agpaay kadagiti amin a nasion ditoy lubong. Maidasarto dagiti agkakabaknang a taraon ken agkakaimas nga arak.

Ezekiel 2:6

“Ngem sika, anak ti tao, dika agbuteng kadakuada wenno iti aniaman nga ibagada. Kasdanto la siit iti aglawlawmo. Kaskanto la adda iti ayan dagiti manggagama. Uray kasta, dika agbuteng kadagita nasukir a tattao wenno iti aniaman nga ibagada.

San Mateo 10:18

Gapu kaniak, maisaklangkayto iti sangoanan dagiti agtuturay ken ar-ari tapno paneknekanyo kadakuada ken kadagiti Hentil ti Naimbag a Damag.

San Mateo 10:28

Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a makabalin a mangpatay iti bagi ken kararua idiay infierno.

Dagiti Aramid 4:29

Ita, Apo, denggem dagiti pammutbutengda. Tulongannakami nga adipenmo a mangipakaammo a situtured iti mensahem

1 Taga-Corinto 5:8

Ngarud, rambakantayo ti fiesta babaen iti tinapay nga awan lebadurana, ti tinapay ti kinadalus ken kinapudno, saan nga iti tinapay nga addaan iti lebadura ti basol ken kinadakes.