Exodo 40:7 - Ti Baro a Naimbag a Damag Biblia

⁷ Ikabilmo ti palanggana a pagbuggoan iti nagbaetan ti Tolda ti Dios ken ti altar ket kargaam iti danum.

Ti Biblia (1973)

⁷ Ket idissomto ti pagbuggoan iti nagbaetan ti tolda ti gimong ken ti altar, ket iccamto iti danum.

Exodo 40:7 Iomraidhean Croise

Dagiti Salmo 26:6

Buggoak dagiti imak a mangipakita nga awan basolko, ket likmutek ti altarmo iti panagdaydayawko kenka, O Apo.

Exodo 38:8

Inaramid ni Bezalel ti bronse a palanggana ken ti pagbatayanna manipud kadagiti bronse a pagsarmingan dagiti babbai nga agserserbi iti ruangan ti Tolda ti Dios.

Exodo 40:6

Ikabilmo ti altar a pagpuoran iti daton iti sango ti Tolda.

Exodo 40:8

Ikabilmo dagiti kurtina a mangalikubkob iti paraangan, ket kurtinaam ti ruanganna.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

Tito 3:5

insalakannatayo, saan a gapu iti aniaman a nasayaat nga inaramidtayo no di ket gapu iti asina kadatayo. Wen, naisalakantayo babaen iti panangugasna iti danum, ket gapu iti daytoy, naipasngaytay iti baro a biag babaen iti Espiritu Santo.

Hebreo 10:22

Umasidegtayo ngarud iti Dios iti napudno a puso ken natalged a pammati. Wen, umasidegtayo a nadalus ti pusotayo—nadalusan iti dakes a konsensia—ken ti bagitayo a naugasan iti nadalus a danum.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.