Exodo 4:21 - Ti Baro a Naimbag a Damag Biblia

²¹ Kinuna manen ni Yahweh ken ni Moises, “Ita ta agsublikan idiay Egipto, aramidem dagiti amin a milagro iti sangoanan ti ari. Intedko kenka ti pannakabalin a mangaramid kadagitoy. Ngem patangkenekto ti pusona tapno dina ipalubos a pumanaw dagiti tattao.

Ti Biblia (1973)

²¹ Ket ni Jehova kinunana ken Moises, Intono agsublica sadi Egipto, kitaem ta aramidem iti saclang ni Faraon amin dagiti datdatlag nga incabilco ita imam: ngem siac patangkenecto ti pusona, ket dinanto palubosan ti ili.

Exodo 4:21 Iomraidhean Croise

Genesis 6:3

Kinuna ni Yahweh, “Diak ipalubos nga agbiag iti agnanayon dagiti tattao ta tattaoda laeng a matay. Manipud ita, saanen a nasursurok ngem 120 a tawen ti madanonda a panagbiag.”

1 Ar-ari 22:22

‘Kasano?’ sinaludsod ti Apo. Insungbat ti espiritu, ‘Innak kadagiti profeta ni Ahab ket pagulbodek ida amin.’ Kinuna ti Apo, ‘Inka ngaruden. Agballigikanto a mangallilaw kenkuana.’”

Dagiti Salmo 105:25

Pinataudna ti gura dagiti Egipcio kadagiti tattaona, ket sinikapanda dagiti adipenna.

Dagiti Salmo 78:43

idi inaramidna dagiti milagro ken nakaskasdaaw a pagilasinan, ken ti aldaw nga adda idiay Egipto iti tanap ti Soan.

Exodo 10:1

Kinuna ni Yahweh ken ni Moises, “Inka iti ari. Pinatangkenko ti pusona, kasta met dagiti ofisialesna tapno ipakitak kadakuada daytoy a pannakabalinko.

Exodo 10:20

Ngem pinatangken ni Yahweh ti puso ti ari ket dina impalubos a pumanaw dagiti Israelita.

Exodo 10:27

Pinatangken ni Yahweh ti puso ti ari ket dina impalubos a pumanaw dagiti Israelita.

Exodo 11:10

Inaramid da Moises ken Aaron amin dagitoy a milagro iti sangoanan ti ari. Ngem pinatangken ni Yahweh ti puso ti ari ket dina pinalubosan dagiti Israelita a pumanaw iti pagilianna.

Exodo 11:9

Kinuna ni Yahweh ken ni Moises, “Dinakanto ipangag ti ari tapno maaramidko ti ad-adu pay a milagro iti daytoy a daga.”

Exodo 14:17

Patangkenek iti kasta unay ti puso dagiti Egipcio tapno kamatenda ida. Maidaydayawakto iti panangparmekko iti ari, iti armadana, kadagiti luganna ken kadagiti nagkabalio a soldadona.

Exodo 14:4

Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 14:8

Pinatangken ni Yahweh ti puso ti ari ket kinamatna dagiti Israelita a pumampanaw a sibaballigi.

Exodo 3:19

Ammok a dinakayto palubosan ti ari malaksid no mapilit.

Exodo 3:20

Ngem usarekto ti pannakabalinko ket dusaekto ti Egipto; nakabutbutengto dagiti aramidek sadiay. Kalpasan dayta, palubosannakayton.

Exodo 7:13

Nupay kasta, nagtalinaed a natangken ti puso ti ari ket, kas kinuna ni Yahweh, dina impangag ida.

Exodo 7:3

Ngem patangkenekto ti puso ti ari, ket dinakayto denggen uray no mano ti nakabutbuteng a banag ti aramidek idiay Egipto. Kalpasanna, idissuorkonto ti nadagsen a dusa iti Egipto ket iruarkonto dagiti tribu dagiti tattaok iti dayta a daga.

Exodo 8:11

Mapukawton dagiti tukak iti ayanmo, iti ayan dagiti ofisialesmo ket awanton ti mabati malaksid kadagiti adda iti Karayan Nile.”

Exodo 8:15

Ngem idi makita ti ari nga awanen dagiti tukak, timmangken manen ti pusona ket dina impangag da Moises ken Aaron, kas kinuna ni Yahweh.

Exodo 8:32

Ngem kaskasdi latta a timmangken ti puso ti ari ket dina pinalubosan a pumanaw dagiti tattao.

Exodo 9:12

Ngem pinatangken ni Yahweh ti ulo ti ari. Dina latta impangag da Moises ken Aaron a kas kinuna ni Yahweh ken ni Moises.

Exodo 9:35

Dina pinalubosan a pumanaw dagiti Israelita kas imbaga ni Yahweh ken ni Moises.

Isaias 6:10

Ket kinunana kaniak, “Pagkunengem ti panunot dagitoy a tattao, pagtulengem ken pagbulsekem ida tapno dida makakita wenno makangngeg wenno makaawat. Ta no saanmo nga aramiden, amangan no agsublida kaniak ket maimbaganda.”

Isaias 63:17

Apay nga ipalubosmo a sumiasikami kadagiti dalanmo? Apay nga ipalubosmo nga agsukirkami ket tallikudandaka? Agsublika, ipagpagapum kadagiti agserbi kenka, ipagpagapum kadagiti tattao a kukuam.

San Juan 12:40

“Pinagbulsek ti Dios ida, kinullaapanna dagiti isipda, tapno saanda a makakita, ken saanda a makaawat, ket saanda nga agsubli kaniak, kuna ti Dios, tapno paimbagek ida.”

Taga-Roma 1:28

Agsipud ta di bigbigen dagita a tattao ti kinapudno maipapan iti Dios, binaybay-an ida ti Dios nga agpanunot iti dakes ken agaramid kadagiti saan a maiparbeng.

Taga-Roma 9:18

No kasta ngarud, kaasian ti Dios ti kayatna a kaasian, ket patangkenenna ti ulo ti kayatna a patangkenen.

2 Taga-Corinto 2:16

Kadagiti mayaw-awan, makapatay daytoy nga ayamuom. Kadagiti maisalsalakan, maysa nga ayamuom a mangted iti biag. Siasino ngarud ti makabael iti daytoy a trabaho?

Deuteronomio 2:36

Impalubos ti Apo a Diostayo a sakupentayo amin nga il-ili manipud Aroer, iti igid ti Karayan Arnon agingga idiay Galaad, agraman ti ili iti asideg ti karayan. Awan ti ili nga adda bakudna a ditayo pinarmek.

Josue 11:20

Ta ni Yahweh ti akinnakem iti panagpingetda a makiranget kadagiti Israelita tapno madadaelda a mamimpinsan ket mapapatayda amin nga awan asi. Daytoy ti imbilin ni Yahweh ken ni Moises.

1 Pedro 2:8

Kuna pay ti sabali a paset ti Nasantoan a Surat: “Daytoy ti bato a pakaitibkolan, ken pakaitublakan dagiti tattao.” Naitibkolda agsipud ta dida namati iti sao. Kasta ti intuding ti Dios a pagbanaganda.