Exodo 4:13 - Ti Baro a Naimbag a Damag Biblia

¹³ Ngem kinuna ni Moises, “Saan, apo. Pangngaasim ta mangibaonka laengen iti sabali.”

Ti Biblia (1973)

¹³ Ket kinunana, O, Apo, dawatec kenca, ibaonmo, babaen iti ima daydiay ibaonmonto.

Exodo 4:13 Iomraidhean Croise

Genesis 24:7

“Innalanak ti Apo, isu a Dios ti langit, iti balay ni amak ken iti daga dagiti kakabagiak, ket insapatana nga itednanto daytoy a daga kadagiti kaputotak. Ibaonnanto ti anghelna nga umun-una ngem sika a mapan sadiay tapno tulongannaka a mangpili iti asawaen ti anakko.

Genesis 41:35

Masapul a maurnong ti amin a taraon iti dayta a panawen, maipempenda iti sarusar iti tunggal siudad ket maguardiaanda a naimbag.

Genesis 48:16

Sapay koma ta bendisionan ida ti anghel a nangispal kaniak iti amin a dakes! Sapay koma ta agbiag kadakuada ti naganko ken ti nagan da ammak nga Abraham ken Isaac. Adunto koma ti annak ken kaputotanda.”

1 Ar-ari 19:4

Nagmalmalem a nagna ni Elias a nagturong iti let-ang. Nagsardeng ket nagtugaw iti sirok ti maysa a kayo. Tinarigagayanna ti matay ket inkararagna, “Saanakon a makaibtur, O Apo. Alaemon ti biagko; nasaysayaat laengen a matayak!”

Exodo 23:20

“Ibaonko ti maysa nga anghel nga umun-una ngem dakayo tapno salaknibannakayo iti panagdaliasatyo ken ipannakayo iti lugar nga insaganak.

Exodo 4:1

Simmungbat ni Moises ken ni Yahweh, “No ibagak kadakuada a nagparangkayo kaniak ket didanto mamati, anianto ti aramidek?”

Exodo 4:12

Ala, inkan. Tulongankanto nga agsao ket ibagakto ti sawem.”

Exodo 4:14

Nakapungtot ni Yahweh ken ni Moises. “Ket ni Aaron a kabsatmo a Levita?” sinaludsodna. “Ammok a nalaing nga agsao. Kinapudnona, umaynaka sabtenen ket maragsakanto a makakita kenka.

Jeremias 1:6

“O Apo Dios,” insungbatko, “diak ammo ti agsarita. Ubingak pay laeng.”

Jeremias 20:9

Ngem no kunak, “Lipatekon ti Apo ket diakton agsao iti naganna,” isu metten a kasla apuy a gumil-ayab ti mensahem iti kaunggak. Diak magawidanen ti bagik, ket masapul nga ipakaammok.

Jonas 1:3

Ngem nagrubbuat ketdi ni Jonas ket sabali ti tinurongna tapno itarayanna ni Yahweh. Napan idiay Joppe ket nakasarak iti barko nga agturong idiay Tarsis. Kalpasan ti panagbayadna iti pletena, limmugan a kaduana dagiti tripulante tapno mapan sadiay, ket iti kasta, maadaywanna ni Yahweh.

Jonas 1:6

Sadiay ti nakasarakan kenkuana ti kapitan ti barko. “Apay a matmaturogka?” kinuna ti kapitan. “Bumangonka ketdi ket agpatulongka iti diosmo bareng no kaasiannatayo ket saantayo a matay.”

San Mateo 13:41

Ibaonto ti Anak ti Tao dagiti anghelesna a mangurnong ken mangikkat manipud iti Pagarianna dagiti amin a pakaigapuan ti panagbasol dagiti tattao ken dagiti amin a managdakdakes.

San Juan 6:29

“Daytoy ti kayat ti Dios nga aramidenyo: Patienyo ti imbaonna,” insungbat ni Jesus.

Uk-ukom 2:1

Manipud Gilgal, napan ti anghel ni Yahweh idiay Bokim, ket kinunana kadagiti Israelita, “Inruarkay idiay Egipto ket inyegkay iti daga nga inkarik kadagidi kapuonanyo. Kinunak idi a diakto waswasen ti tulagko kadakayo.