Exodo 4:1 - Ti Baro a Naimbag a Damag Biblia

¹ Simmungbat ni Moises ken ni Yahweh, “No ibagak kadakuada a nagparangkayo kaniak ket didanto mamati, anianto ti aramidek?”

Ti Biblia (1973)

¹ Ket ni Moises simmungbat ket kinunana, Ngem, adtoy, didacto patien ket didanto imdengan ti timecco; ta cunadanto, ni Jehova, Saan a nagparang kenca.

Exodo 4:1 Iomraidhean Croise

1 Ar-ari 13:3

Intuloy ti profeta, “Marakrakto daytoy nga altar ket maiwaristo dagiti dapuna. Daytoyto ti pakaammoanyo a nagsao ti Apo kaniak.”

Exodo 2:14

“Apay? Siasino kadi ti nangisaad kenka a mangituray ken mangukom kadakami?” insungbatna. “Patayennak met kadi a kas iti panangpataymo iti Egipcio?” Nagdanag ni Moises ket kinunana iti nakemna, “Naammoanda gayamen ti inaramidko.”

Exodo 3:15

Ibagamto kadagiti Israelita, a siak ni Yahweh a Dios dagiti kapuonanyo, ti Dios da Abraham, Isaac ken Jacob, imbaonka kadakuada. Daytoy ti naganko iti agnanayon. Isunto ti pangawag kaniak dagiti amin a kaputotan.

Exodo 3:16

Inka ummongen dagiti pangulo ti Israel ket ibagam kadakuada a nagparang kenka ni Yahweh a Dios dagiti kapuonanyo, ti Dios da Abraham, Isaac ken Jacob. Ibagam a naimatanganna ti kasasaadyo ken ti ar-aramiden dagiti Egipcio kadakayo.

Exodo 3:18

“Ipangagto dagiti tattaok ti saom. Kalpasanna, kakuyogmonto dagiti pangulo ti Israel a mapan iti ari ti Egipto ket kunayonto kenkuana, ‘Nakisao kadakami ni Yahweh a Dios dagiti Hebreo. Palubosannakami koma a mapan idiay let-ang iti tallo nga aldaw tapno agidatagkami iti daton ken ni Yahweh a Diosmi.’

Exodo 4:10

Kinuna ni Moises ken ni Yahweh, “Saan, apo, saannak nga ibaon. Ni kaanoman saanak a nalaing nga agsao, ket diak met nagbalin a bumibitla manipud pay itay rugiam ti makisao kaniak. Nabannayat ket natabbed toy dilak.”

Exodo 4:30

Imbaga ni Aaron kadakuada ti amin a kinuna ni Yahweh ken ni Moises. Inaramid met ni Moises ti amin a milagro iti imatang dagiti tattao.

Exodo 4:31

Namatida. Idi nangngegda a sinarungkaran ida ni Yahweh ket nakitana ti pannakaparparigatda, nagdumogda sada nagdaydayaw.

Exodo 6:12

Ngem kinuna ni Moises ken ni Yahweh, “Didakto pay ipangag dagiti Israelita, ipangagnakto ketdin ti ari? Saanak a nalaing nga agsao.”

Exodo 6:30

Ngem insungbat ni Moises ken ni Yahweh, “Ammoyo a diak nalaing nga agsao; kasano a denggennak ti ari?”

Jeremias 1:6

“O Apo Dios,” insungbatko, “diak ammo ti agsarita. Ubingak pay laeng.”

Ezekiel 3:14

Immay kaniak ti mannakabalin nga espiritu ti Dios ket bayat ti panangitayabna kaniak, nariknak ti pungtot ken sakit ti nakemko.

Dagiti Aramid 7:25

Impagarup ni Moises a maawatan dagiti kadaraanna nga isut' usaren ti Dios a mangwayawaya kadakuada. Ngem dida naawatan.)

Uk-ukom 6:17

“No adda pannakaikarik iti imatangmo,” insungbat ni Gideon, “ikkannak iti pammaneknek a sika a mismo ti Apo.