Exodo 34:9 - Ti Baro a Naimbag a Damag Biblia

⁹ Kinunana, “Apo, no pudno met laeng a maragsakanka kaniak, dawatek a kuyogennakami. Nasukir dagitoy a tattao, ngem pakawanennakami koma kadagiti kinadakesmi ket awatennakami a kas tattaom.”

Ti Biblia (1973)

⁹ Ket kinunana, No ita natumpungacon ti parabur iti imatangmo, O Apo, dawatec kenca, magna coma ti Apo iti baetmi; ta isu ili a natangken ti panagtelteltelna; ket pacawanem ti kinadakesmi ken ti basolmi, ket alaennacami a tawidmo.

Exodo 34:9 Iomraidhean Croise

Dagiti Salmo 135:4

Pinilina ni Jacob nga agpaay kenkuana ken dagiti Israelita a kas kukuana.

Dagiti Salmo 25:11

Tungpalem ti karim, O Apo, pakawanem dagiti basolko ta aduda.

Dagiti Salmo 28:9

Isalakanmo kadi, O Apo, dagiti tattaom, ket bendisionam ida, isuda, a kukuam! Sika koma ti pastorda, ket agnanayon nga aywanam ida.

Dagiti Salmo 33:12

Naragsak ti nasion a ti Apo ti Diosna; naragsak dagiti pinilina nga agpaay kenkuana!

Dagiti Salmo 78:62

Kinapungtotna dagiti bukodna a tattao, binaybay-anna ida a pinapatay dagiti kabusorda.

Dagiti Salmo 94:14

Saanto a baybay-an ti Apo dagiti tattaona, dinanto met panawan dagiti kukuana.

Exodo 19:5

Ita, no agtulnogkayo kaniak ket salimetmetanyo ti tulagko, dakayonto dagiti tattaok. Kukuak ti entero a daga, ngem dakayto dagiti napili a tattaok,

Exodo 32:9

Am-ammok dagitoy a tattao ket ammok met ti kinasukirda.

Exodo 33:12

Kinuna ni Moises ken ni Yahweh, “Pudno nga imbagam nga idalanko dagitoy a tattao a mapan iti daga ngem dimo imbaga no siasino ti ibaonmo a tumulong kaniak. Kinunam pay nga am-ammonak unay ket maragsakanka kaniak.

Exodo 34:7

Tungpalek ti karik iti rinibribu a kaputotan, ket pakawanek ti kinadakes, panagsalungasing ken basol. Ngem dusaek a dusaen dagiti annak ken appoko agingga iti maikatlo ken maikapat a kaputotan gapu kadagiti basol dagiti ammada.”

Isaias 48:4

Ammok a nasukirkayo, a natangkenkayo a kas landok, kaskayo la bronse a di makillo.

Jeremias 10:16

Saan a kasta ti Dios ni Jacob. Isu ti nangaramid iti amin a banag; pinilina dagiti Israelita a tattaona. Yahweh a Mannakabalin-amin ti naganna.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

Zacarias 2:12

Agbalinto manen ti Juda a naisangsangayan a kukua ti Apo iti nasagradoan a daga. Agbalinto met ti Jerusalem a siudad nga ipangpangrunana unay.

Numero 14:19

Ita ngarud, O Apo, dawatek a pakawanem ti basol dagitoy a tattao a kas mayannatup iti kadakkel ti di agbalbaliw nga ayatmo, kas iti panangpakawanmo kadakuada manipud pay iruruarda idiay Egipto.”

San Mateo 28:20

ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong.”

Deuteronomio 32:9

ngem pinilina dagiti kaputotan ni Jacob nga agpaay kenkuana.

Deuteronomio 4:20

Ngem inruarnakay idiay Egipto, dayta umap-apuy nga urno, tapno agbalinkay a tattaona a kas iti agdama.

Deuteronomio 9:18

Kalpasanna, nagpaklebak manen iti imatang ti Apo ket saanak a nangan ken imminum iti las-ud ti 40 nga aldaw ken rabii. Inaramidko daytoy gapu ta nagbasolkayo iti Apo ket pinagpungtotyo.

Deuteronomio 9:26

Inkararagko: ‘Apo Dios, pangngaasim ta dimo pukawen dagitoy a tattaom; kukuam ida. Inruarmo ida idiay Egipto babaen iti naindaklan a bileg ken pannakabalinmo.

Deuteronomio 9:29

Ngem pinilim ida a tattaom; inruarmo ida idiay Egipto babaen iti naindaklan a bileg ken pannakabalinmo.’”