Exodo 34:7 - Ti Baro a Naimbag a Damag Biblia

⁷ Tungpalek ti karik iti rinibribu a kaputotan, ket pakawanek ti kinadakes, panagsalungasing ken basol. Ngem dusaek a dusaen dagiti annak ken appoko agingga iti maikatlo ken maikapat a kaputotan gapu kadagiti basol dagiti ammada.”

Ti Biblia (1973)

⁷ Manalimetmet iti caasi a siaayat a maipaay cadagiti rinibribu, mamacawan iti kinadakes ken salungasing ken basol; ket iti uray caano dina canunungan ti nacabasol, ipasarungcarna iti kinadakes dagiti amma cadagiti annac, ken cadagiti annac dagiti annac, agpapan maicatlo ken cadagiti maicapat a caputotan.

Exodo 34:7 Iomraidhean Croise

Genesis 19:16

Nagsarimadeng pay laeng ni Lot, ngem gapu iti asi ni Yahweh kenkuana, ginuyod dagiti lallaki, ti asawana ken dagiti dua nga annakna a rimmuar iti siudad.

1 Ar-ari 8:30

Ipangagmo dagiti kararagko ken dagiti kararag dagiti tattaom no agkararagda kenka iti daytoy a disso. Iti taengmo dita langit, ipangagnakami ket pakawanennakami.

1 Ar-ari 8:32

dumngegka, O Apo, dita langit ket usigem dagiti adipenmo. Dusaem ti nakabasol a kas kaikarianna ket absueltoem ti awan basolna.

2 Cronicas 30:9

No agsublikayo iti Apo, mawayawayaanto dagiti kakabagianyo a naitalaw a kas balud; kaasianto dagiti nangitalaw kadakuada ket pagawidendanto ida. Naayat ken manangngaasi ti Apo a Diosyo ket no agsublikayo kenkuana, awatennakayto.”

Nehemias 1:5

Kinunak, “Apo a Dios ti Langit! Naindaklanka, ket agbutengkami kenka. Mapagtalkanka ket tungpalem ti katulagam kadagiti tattao nga agayat kenka ken agtungpal kadagiti bilbilinmo.

Nehemias 9:32

“O Dios a Diosmi, naindaklanka unay! Nakabutbuteng ken mannakabalinka! Salimetmetam a sipupudno dagiti karim iti katulagam. Manipud iti tiempo a panangidadanes kadakami dagiti ar-ari ti Asiria, adun ti sinagsagabami agpapan ita. Nagsagaba dagiti ar-arimi, dagiti papangulo, papadi ken profetami, dagiti kapuonanmi ken amin a tattaomi. Lagipem kadi ti adu unay a sinagabami.

Ti Libro ni Job 10:14

Sinipsiputannak tapno kitaem no agbasolak, ket adda panggapuam a di mamakawan kaniak.

Dagiti Salmo 103:3

Pakawanenna ti amin a basolko, paimbagenna ti amin a sakitko.

Dagiti Salmo 109:14

Malagip koma ti Apo ti kinadakes dagiti kapuonanna, ket dina pakawanen ti basol ni inana.

Dagiti Salmo 130:4

Ngem pakawanennakami, tapno agbutengkami ken agdayawkam kenka.

Dagiti Salmo 136:10

Pinatayna dagiti inauna a lallaki nga annak dagiti Egipcio; agnanayon ti di agbaliw nga ayatna.

Dagiti Salmo 136:15

Ngem linemmesna ti Faraon ken ti armadana; agnanayon ti di agbaliw nga ayatna.

Dagiti Salmo 25:11

Tungpalem ti karim, O Apo, pakawanem dagiti basolko ta aduda.

Dagiti Salmo 86:15

Ngem sika, O Apo, naasi ken managayatka a Dios; naparaburka, napudno ken naanus.

Dagiti Salmo 99:8

O Apo a Diosmi, impangagmo dagiti tattaom; Impakitam a maysaka a Dios a mamakawan uray no dinusam ida gapu kadagiti basolda.

Exodo 23:21

Ipangagyo ket tungpalenyo ti amin nga ibagana. Diyo sukiren gapu ta siak ti nangibaon kenkuana ket dinto mapakawan ti siasinoman nga agsukir.

Exodo 23:7

Dikay agpabasol no awan pammaneknekyo. Diyo papatayen ti tao a nalinteg ken awan basolna. Dusaek ti siasinoman nga agaramid iti kasta a kinadakes.

Exodo 33:19

“Ipakitak kenka ti amin a kinadayagko, ket baliksek ti nasagradoan a naganko, a Yahweh,” insungbat ni Yahweh. “Paraburak ken kaasiakto ti kayatko a kaasian.

Exodo 34:9

Kinunana, “Apo, no pudno met laeng a maragsakanka kaniak, dawatek a kuyogennakami. Nasukir dagitoy a tattao, ngem pakawanennakami koma kadagiti kinadakesmi ket awatennakami a kas tattaom.”

Isaias 45:21

Umaykayo ket idatagyo dagiti kasoyo iti pangukoman, bay-anyo nga agiinnuman dagiti naidarum. Siasino ti nangipadto idi un-unana, a daytoyto ti mapasamak? Saan aya a siak, ni Yahweh, ti Dios a mangisalakan kadagiti tattaona? Awanen ti sabali a Dios, malaksid kaniak.

Jeremias 30:11

Umayakto kadakayo tapno isalakankayo. Pukawekto a mamimpinsan dagiti amin a nasion a nangiwarawaraak kadakayo, ngem saankayto a dadaelen. Dusaenkayto a dusaen, ngem no dusaenkayo, dikayto unay parigaten. Siak, ni Yahweh, ti nagsao iti daytoy.”

Jeremias 32:18

Impakitam ti di agbalbaliw nga ayatmo kadagiti rinibribu a tattao. Nupay kasta, dusaem dagiti tattao gapu iti basol dagiti ammada. Naindaklan ken nabilegka a Dios. Apo a Mannakabalin-amin ti naganmo.

Jeremias 9:24

No adda siasinoman nga agpasindayag, ipasindayagna koma nga am-ammo ken maawatannak. Agsipud ta siak, ni Yahweh, manangngaasiak, aramidek ti nalinteg ken naimbag ditoy lubong. Dagitoy ti makaparagsak kaniak. Siak, ni Yahweh, ti nangibaga iti daytoy.”

Daniel 9:4

Nagkararagak ken ni Yahweh a Diosko ket impudnok ti basol dagiti kailiak. Kastoy ti kararagko: “Apo Dios, naindaklanka ket agraemkami kenka. Napudnoka iti nakitulagam, ket ipakitam ti di agbalbaliw nga ayatmo kadagiti agayat kenka ken agtungpal iti aniaman a bilinmo.

Daniel 9:9

Manangngaasi ken sisasaganaka a mamakawan, uray no sinukirdaka.

Mikias 6:11

Mapakawanko aya dagiti agusar iti saan a husto a pagsukatan ken timbangan?

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

Nahum 1:6

No agpungtot ni Yahweh, siasino ti makalasat? Siasino ti makalisi iti gumilgil-ayab nga ungetna? Idissuorna ti umap-apuy a pungtotna, matumtumek dagiti bato iti imatangna.

San Mateo 12:31

Daytoy ti gapuna nga ibagak kadakayo: mapakawan ti siasinoman a makabasol wenno agsao iti kinadakes, ngem dinto mapakawan ti agsao iti maibusor iti Espiritu Santo.

San Mateo 6:12

Pakawanennakami kadagiti basbasolmi, A kas iti pammakawanmi kadagiti nakabasol kadakami;

San Lucas 7:42

Agsipud ta dida makabayad, pinakawan ida ti immutanganda. Siasinonto kadagitoy ti dakdakkel ti panagayatna iti nagpautang?”

San Lucas 7:48

Kinuna ni Jesus iti babai, “Napakawanen dagiti basbasolmo.”

Dagiti Aramid 13:38

Rebbengyo ngarud nga ammoen, kakabsat, a babaen ken ni Jesus, maipakaammo kadakayo ti pannakapakawan dagiti basbasol.

Dagiti Aramid 5:31

Intan-ok ti Dios iti makannawanna, kas Pangulo ken Mangisalakan, tapno ikkanna dagiti Israelita iti gundaway nga agbabawi kadagiti basbasolda ket mapakawanda.

Taga-Efeso 1:7

Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios

Taga-Efeso 4:32

Agkikinnaasi ken agiinnayatkayo ketdi. Agpipinnakawankayo, kas iti panangpakawan ti Dios kadakayo babaen ken ni Cristo.

Deuteronomio 32:35

Balsen ken dusaento ida ti Apo, asidegen ti aldaw nga agdissuor kadakuada ti didigra. Saanen a mabayag ti panagkanibusananda.

Deuteronomio 7:10

ngem dinto bumdeng a mangdusa kadagiti gumura kenkuana.

Deuteronomio 7:9

Laglagipenyo a ti Apo a Diosyo ti maymaysa a Dios ken mapagtalkan. Tungpalennanto ti tulagna ket iparangarangnanto ti di agbalbaliw nga ayatna iti rinibu a kaputotan kadagiti agayat kenkuana ken agtulnog kadagiti bilinna,

Hebreo 12:29

Ngamin, mayarig ti Diostayo iti apuy a mangibus.

Josue 24:19

Kinuna ni Josue kadagiti tattao, “Ngem diyo mabalin ti agserbi iti Apo ta nasantoan a Dios ket dina ipalubos nga adda kasalisalna. Dinanto pakawanen dagiti basol ken salungasingyo.

1 Juan 1:9

Ngem no ipudnotayo dagiti basbasoltayo, tungpalenna ti karina ket aramidenna ti maitutop. Pakawanenna dagiti basoltayo ket ugasannatayo iti amin a kinadakestayo.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”