Exodo 34:6 - Ti Baro a Naimbag a Damag Biblia

⁶ Nagna ni Yahweh iti sangoanan ni Moises ket kinunana, “Siak ni Yahweh a Dios a managayat ken manangngaasi. Saanak a nalaka nga agpungtot. Nadungngo ken napudnoak.

Ti Biblia (1973)

⁶ Ket ni Jehova limmasat iti sangoanan ni Moises ket imbunannagna, Jehova, Jehova, Dios a manangngaasi ken managparabur, nainayad nga agpungtot, ken aglaplapusanan iti kinaimbag a siaayat ken kinapudno;

Exodo 34:6 Iomraidhean Croise

Genesis 24:27

Kinunana, “Madaydayaw ti Apo a Dios ni Abraham nga apok. Tinungpalna ti karina. Inturongnak iti balay dagiti kabagian ni apok.”

2 Samuel 24:14

Insungbat ni David, “Narikut ti sasaadek! Ngem diak kayat a dusaendak dagiti tattao. Yantangay ta manangngaasi ti Apo, bay-am nga isu ti mangdusa kadatayo.”

1 Ar-ari 19:11

“Rummuarka ket agtakderka iti sangoanak iti tapaw ti bantay,” kinuna ni Yahweh kenkuana. Limmabas ni Yahweh ket nangyeg iti napigsa nga angin a namagrenggat kadagiti turod ken nangburburak kadagiti batbato—ngem awan ni Yahweh iti angin. Nagsardeng ti angin ket nagginggined—ngem awan ni Yahweh iti ginggined.

1 Ar-ari 8:30

Ipangagmo dagiti kararagko ken dagiti kararag dagiti tattaom no agkararagda kenka iti daytoy a disso. Iti taengmo dita langit, ipangagnakami ket pakawanennakami.

2 Cronicas 30:9

No agsublikayo iti Apo, mawayawayaanto dagiti kakabagianyo a naitalaw a kas balud; kaasianto dagiti nangitalaw kadakuada ket pagawidendanto ida. Naayat ken manangngaasi ti Apo a Diosyo ket no agsublikayo kenkuana, awatennakayto.”

Nehemias 9:17

Dida kinayat ti agtulnog, nalipatanda dagiti amin nga inaramidmo; nalipatanda dagiti pinarnuaymo a milagro. Iti kinatangsitda, pimmilida iti pangulo a mangisubli kadakuada idiay Egipto tapno agbalinda manen a tagabu. Ngem sika ti Dios a mamakawan, naasi ken naayatka, ket saanka a nalaka nga agpungtot. Naindaklan unay ti panangngaasim, saanmo a binaybay-an ida.

Dagiti Salmo 108:4

Ringbawan ti di agbalbaliw nga ayatmo ti langit; dumanon iti tangatang ti kinapudnom.

Dagiti Salmo 111:4

Saan nga ipalubos ti Apo a lipatenyo dagiti nakaskasdaaw nga aramidna; managparabur ken manangngaasi ti Apo.

Dagiti Salmo 111:8

Agpautda nga agnanayon awan inggana; naaramidda iti kinapudno ken kinalinteg.

Dagiti Salmo 112:4

Uray iti sipnget, agraniag ti silaw kadagiti naimbag a tattao, kadagiti naparabur, naasi ken nalinteg.

Dagiti Salmo 116:5

Managparabur ken managayat ti Apo; wen, manangngaasi ti Diostayo.

Dagiti Salmo 138:2

Agrukbabak iti sangoanan ti nasantoan a Templom, ket agdaydayawak iti naganmo gapu iti kinamanagayatmo ken kinapudnom, ta impakitam a naturay ti naganmo ken dagiti bilbilinmo.

Dagiti Salmo 145:8

Managparabur ken manangngaasi ti Apo. Saan a nalaka nga agpungtot, ket di met maibus ti kinamanagayatna.

Dagiti Salmo 146:6

a namarsua iti langit ken daga, iti taaw ken amin a linaonda. Salimetmetanna ti kinapudno iti agnanayon.

Dagiti Salmo 31:19

Bendision ti insaganam kadagiti agbuteng kenka, nakaskasdaaw dagiti imbag nga ipaaymo kadakuada. Ammo ti amin ti kinaimbagmo, kadagiti agtalek kenka, natalged ti salaknibmo.

Dagiti Salmo 57:10

Tumukno sadi langit ti di agbalbaliw nga ayatmo; dumanon ti kinapudnom iti tangatang.

Dagiti Salmo 86:15

Ngem sika, O Apo, naasi ken managayatka a Dios; naparaburka, napudno ken naanus.

Dagiti Salmo 86:5

Naimbag ken mamakawanka, aglaplapusanan ti di agbalbaliw nga ayatmo kadagiti amin nga umawag kenka.

Dagiti Salmo 91:4

Salukobannakanto kadagiti payakna, ket awanto ti pakaan-anoam. Salakniban ken aywanannakanto ti kinapudno ti Apo.

Exodo 20:5

Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

Exodo 22:27

ta dayta laeng ti pagimengna pangpapudot iti bagina. Anianto pay ti pagturogna? Inton umasug kaniak a patulongan, ipangagkonto agsipud ta manangngaasiak.

Exodo 33:19

“Ipakitak kenka ti amin a kinadayagko, ket baliksek ti nasagradoan a naganko, a Yahweh,” insungbat ni Yahweh. “Paraburak ken kaasiakto ti kayatko a kaasian.

Dagiti Proverbio 3:3

Dimo baybay-an ti ayat ken kinapudno. Ibitinmo ida iti tengngedmo ken isuratmo ida iti pusom.

Eclesiastes 8:11

Apay a sisasagana dagiti tattao nga agaramid iti kinadakes? Gapu ta saan a madusa a dagus ti agbasol.

Isaias 12:4

Dumtengto ti aldaw nga ikanta dagiti tattao: “Agyamankayo iti Apo! Agpatulongkayo kenkuana! Ibagayo kadagiti amin a nasion ti inaramidna! Ipakaammoyo kadakuada ti kinatan-okna!

Isaias 65:16

Siasinoman nga agnaed iti daga nga agkiddaw a mabendisionan, agdawatto iti napudno a Dios. Siasinoman nga agsapata, pagsapatananto ti nagan ti napudno a Dios. Awanton dagiti riribuk iti napalabas ket malipatandanton.”

Jeremias 32:18

Impakitam ti di agbalbaliw nga ayatmo kadagiti rinibribu a tattao. Nupay kasta, dusaem dagiti tattao gapu iti basol dagiti ammada. Naindaklan ken nabilegka a Dios. Apo a Mannakabalin-amin ti naganmo.

Jeremias 9:24

No adda siasinoman nga agpasindayag, ipasindayagna koma nga am-ammo ken maawatannak. Agsipud ta siak, ni Yahweh, manangngaasiak, aramidek ti nalinteg ken naimbag ditoy lubong. Dagitoy ti makaparagsak kaniak. Siak, ni Yahweh, ti nangibaga iti daytoy.”

Dungdung-aw 3:23

Mapabaroda iti tunggal bigat. Ania ketdin a kinamatalekmo.

Joel 2:13

Ipakitayo ti agsensennaay a pusoyo iti ladingit; saan nga umdas ti panangray-abyo iti pagan-anayyo.” Agsublikay iti Apo a Diosyo. Naasi ken managparabur, naanus ken tungpalenna ti karina; sidadaan a mamakawan, saan a mangdusa.

Jonas 4:2

Inkararagna ken ni Yahweh: “Daytoy ti kinabutengko, O Apo, idi addaak iti bukodko a pagilian. Daytoy ti kinabutengko nga aramidem, isut' gapuna a dinardarasko ti nagkamang idiay Tarsis. Ammok a managparabur ken manangngaasika a Dios. Ammok a naanuska iti amin a tiempo ken sidadaanka a mangibabawi iti panangdusam.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

Mikias 7:20

Ipakitam ti kinapudnom ken ti di agbalbaliw nga ayatmo kadagiti tattaom nga Israelita a kaputotan ni Abraham ken ni Jacob, kas inkarim kadagidi kapuonanmi idi punganay.

Nahum 1:3

Saan a nalaka nga agpungtot ni Yahweh, ngem dakkel ti pannakabalinna, ket dusaenna a dusaen dagiti nakabasol. Iti pagnaan ni Yahweh, tumaud dagiti bagio. Dagiti ulep ti pannakatapok a patauden dagiti sakana.

Numero 12:8

Iti kasta, makisaoak kenkuana iti rupanrupa. Nalawag ti pannakisaok kenkuana ket saan a kadagiti burburtia. Nakitana payen ti langak! Nagturedkayo ketdin a mangbabalaw ken ni Moises nga adipenko?”

San Juan 1:17

Inted ti Dios ti Linteg babaen ken ni Moises, ngem immay ti parabur ken kinapudno babaen ken Jesu-Cristo.

Taga-Roma 2:4

Wenno, tagibassitem kadi ti aglaplapusanan a kinaimbag, panagibtur ken kinaanus ti Dios? Awan duadua nga ammom a manangngaasi ti Dios gapu ta ikalkalikagumna a maiturongka nga agbabawi.

Deuteronomio 32:3

Siak ti mangidaydayaw iti nagan ti Apo, ket dagiti tattaona ti mangipakaammo iti kinatan-okna!

Deuteronomio 4:31

Manangngaasi a Dios ti Apo. Dinakayto baybay-an wenno dadaelen ket dinanto malipatan ti katulaganna kadagidi kapuonanyo.

Deuteronomio 5:10

Ngem ipariknak ti ayatko kadagiti rinibribu a kaputotan kadagiti agayat kaniak ken agtulnog kadagiti lintegko.

Santiago 5:11

Gapu ta nakaibturda, kunatayo a naragsakda. Nadamagyon ti kinaanus ni Job nga agibtur ken ammoyo ti pannangted ti Apo kadagiti kasapulanna iti kamaudiananna. Ngamin, manangngaasi ken mannakipagrikna ti Apo.