Exodo 34:10 - Ti Baro a Naimbag a Damag Biblia

¹⁰ Kinuna ni Yahweh ken ni Moises, “Ita, makitulagak kadagiti Israelita. Agaramidakto kadagiti milagro a di pay napasamak ditoy lubong wenno iti uray ania a pagilian. Makitanto dagiti amin a tattao dagiti naindaklan a banag a kabaelak nga aramiden agsipud ta agaramidak kadagiti nakaskasdaaw a banag nga agpaay kadakayo.

Ti Biblia (1973)

¹⁰ Ket ni Jehova kinunana, Adtoy, Siac buangayec ti maysa a tulag: iti sangoanan dagiti amin a cailiam aramidecto dagiti datdatlag, a dida pay naaramid iti amin a lubong, wenno iti uray ania nga nacion; ket amin dagiti tattao, a ti tengngada isu ti yanmo, macakitadanto ti aramid ni Jehova; ta nacakigkigtot ti aramidec iti pannacaaramatmo.

Exodo 34:10 Iomraidhean Croise

2 Samuel 7:23

Awanen ti sabali a nasion ditoy rabaw ti daga a kas iti Israel nga inispalmo iti pannakaadipen tapno pagbalinem ida a tattaom. Nagsaknap ti kinalatakmo iti entero a lubong gapu kadagiti naindaklan ken nakaskasdaaw a banag nga inaramidmo kadakuada. Pinagtalawmo dagiti sabali a nasion ken dagiti didiosenda idi sumangpet dagiti tattaom, isuda a winayawayaam idiay Egipto tapno agbalinda a kukuam.

Dagiti Salmo 106:22

Datdatlag dagiti pasamak iti Nalabaga a Baybay.

Dagiti Salmo 136:4

Isu laeng ti makaaramid kadagiti naindaklan a milagro; agnanayon ti di agbaliw nga ayatna.

Dagiti Salmo 145:6

Ipakdaar dagiti tattao dagiti nakaskasdaaw nga aramidmo, ket ipakaammokto ti kinaindaklanmo.

Dagiti Salmo 147:20

Saanna nga inaramid daytoy kadagiti sabali a pagilian, saanna nga ipakaammo kadakuada dagiti lintegna. Madaydayaw ti Apo!

Dagiti Salmo 65:5

Sungbatannakami ket ikkannakami iti balligi; agaramidka kadagiti nakaskasdaaw a banag a pakaispalanmi. Agtalek kenka dagiti tattao iti sangalubongan, kasta met dagiti agnaed iti ballasiw-taaw.

Dagiti Salmo 66:3

Kunayo iti Dios: “Nakaskasdaaw dagiti aramidmo! Nabileg ti pannakabalinmo, agkurno a sibubuteng kenka dagiti kabusormo.

Dagiti Salmo 66:5

Umayyo kitaen dagiti inaramid ti Dios; nakaskasdaaw dagiti gapuananna iti imatang dagiti tattao.

Dagiti Salmo 68:35

Anian a nakaskasdaaw ti Dios a rummuar iti santuariona! Anian a nakaskasdaaw ti Dios ti Israel! Ikkanna ti pigsa ken bileg dagiti tattaona. Madaydayaw ti Dios!

Dagiti Salmo 72:18

Idaydayawyo ti Apo, ti Dios ti Israel! Isu laeng ti makaaramid kadagitoy nakaskasdaaw a banag!

Dagiti Salmo 76:12

Pagpakumbabaenna dagiti natangsit a prinsipe, ket butbutngenna dagiti ari.

Dagiti Salmo 77:14

Sika ti Dios nga agaramid kadagiti milagro; impakitam kadagiti nasion ti bilegmo.

Dagiti Salmo 78:12

Iti imatang dagiti kapuonanda nagaramid kadagiti milagro, iti tanap ti Soan idiay Egipto.

Exodo 34:27

Kinuna ni Yahweh ken ni Moises, “Isuratmo dagiti imbagak ta dagitoy ti alagaden ti pannakitulagko kenka ken iti Israel.”

Exodo 34:28

Uppat a pulo nga aldaw ken rabii a nagyan sadiay ni Moises a kaduana ni Yahweh. Saan a nangnangan wenno immin-inum. Insuratna kadagiti tapi a bato ti linaon ti tulag—dagiti Sangapulo a Bilin.

Isaias 64:3

Immayka idi ket nagaramidka kadagiti nakabutbuteng a banag a dimi ninamnama nga aramidem. Nakitadaka dagiti bantay ket nagkintayegda iti buteng.

Jeremias 32:21

Babaen kadagiti milagro ken datdatlag a nagbutbutngan dagiti kabusormi, inusarmo ti pannakabalin ken pigsam a nangiruar kadagiti Israelita idiay Egipto.

Mikias 7:15

Ipakitaannakami kadagiti milagro, O Apo, a kas iti inaramidmo idi inruarnakami idiay Egipto.

Deuteronomio 10:21

Idaydayawyo—isu ti Diosyo ket mismo a nakitayon dagiti naindaklan ken nakaskasdaaw a banag nga impaayna kadakayo.

Deuteronomio 32:30

Apay a pinarmek ti maysa ti sangaribu? Apay a pinarmek ti dua ti sangapuloribu? Binaybay-an ida ti Apo a Diosda, linaksid ida ti mannakabalin a Diosda.

Deuteronomio 4:13

Impakaammona ti katulaganna kadakayo ket imbilinna a tungpalenyo dagiti Sangapulo a Bilin nga insuratna iti dua a tapi ti bato.

Deuteronomio 9:19

Nagbutengak ta amangan no pukawennakayo ti Apo gapu iti bumarbara a pungtotna. Ngem impangagnak manen ti Apo.

Josue 6:20

Pinuyot ngarud dagiti papadi ti trumpetada. Apaman a nangngeg dagiti tattao, nagriawda, ket narba a namimpinsan dagiti bakud ti siudad. Nagtartarus a simrek ti entero nga armada iti siudad ket sinakupda.