Exodo 33:4 - Ti Baro a Naimbag a Damag Biblia

⁴ Idi mangngeg daytoy dagiti tattao, nagleddaangda ket saandan a nagarruat iti alahas.

Ti Biblia (1973)

⁴ Ket idi a dagiti tattao nangngegda dagitoy a damdamag a dakes, naglidayda: ket awan nangicapet iti saniatana.

Exodo 33:4 Iomraidhean Croise

2 Samuel 19:24

Simmalog met ni Mefiboset nga apoko ni Saul tapno sabtenna ti ari a nagsubli a sibibiag. Manipud pimmanaw ti ari, saan pay a binuggoan ni Mefiboset dagiti sakana wenno nagibarbas; saanna pay a sinukatan ti pagan-anayna.

1 Ar-ari 21:27

Idi malpas ti panagsao ni Elias, rinay-ab ni Ahab ti pagan-anayna, inuksobna ket nagarruat iti nakersang a lupot. Dina kayat ti mangan. Naturog a sikakawes iti nakersang a lupot ket nagpagnapagna a malmalday ken masmasnaayan.

2 Ar-ari 19:1

Idi mangngeg ni Ari Hezekias ti impakaammoda, rinay-abna ti pagan-anayna gapu iti ladingitna, nagkawes iti nakersang a lupot sa napan iti Templo ni Yahweh.

ESDRAS 9:3

Idi mangngegko daytoy, rinay-abko ti pagan-anayko gapu iti ladingitko. Pinarutko dagiti buok ken barbasko, ket nagtugawak a nasneban iti leddaang.

Ti Libro ni Job 1:20

Timmakder ni Job ket rinay-abna ti pagan-anayna gapu iti ladingitna. Kinuskosanna ti ulona sa nagpakleb iti daga ket nagdaydayaw.

Ti Libro ni Job 2:12

Nasaripatpatanda ni Job idi adayoda pay laeng ngem dida nabigbig. Idi mailasinda nga isu gayam ni Job, nagsangit ken naganug-ogda. Gapu iti ladingitda, rinay-abda dagiti pagan-anayda sada nagipurruak iti tapok iti ngato ken kadagiti uloda.

Exodo 33:6

Manipud idin, kalpasan ti ipapanawda idiay Bantay Sinai, saanen a nagal-alahas dagiti Israelita.

Isaias 32:11

Nanam-ay ti panagbibiagyo ken awan ti pakadanaganyo. Ngem ita, agtigergerkay iti buteng! Aguksobkayo ket agbidangkayo iti nakersang a lupot.

Ezekiel 24:17

Dimo ipalubos nga adda makangngeg iti saibbekmo. Saanka a rummuar a kas pakakitaan iti panagladingitmo. Dimo abbongan ti rupam. Dika mangan iti taraon dagiti agladladingit.”

Ezekiel 24:23

Agabungot ken agsapatoskayto. Dikayto agdung-aw wenno agsangit. Mapukawkayto gapu iti basolyo, ket tunggal maysa umasug iti sabali.

Ezekiel 26:16

Bumabanto kadagiti tronoda dagiti amin nga ari dagiti nasion nga agbibiahe iti taaw. Ikkatendanto dagiti kagayda ken dagiti nabordaan a kawesda, ket agpigpigergerdanto nga agtugaw iti daga. Makigtotdanto gapu iti mapasamak kenka ket didanto maisardeng ti panagtigergerda.

Oseas 7:14

Dida ipapuso ti agkararag kaniak; agiikkisda ketdi a kasda la pagano tunggal agkararagda. No agdawatda iti trigo ken arak, sugatsugatenda ti bagbagida.

Levitico 10:6

Kinuna ni Moises ken ni Aaron ken kadagiti annakna nga Eleazar ken Itamar, “Diyo kusokusoen dagiti buokyo wenno ray-aben dagiti pagan-anayyo a mangipakita iti panagladingityo. No aramidenyo dayta, mataykayo ket kapungtot ti Apo ti entero a gimong. Ngem mapalubosan amin a padayo nga Israelita a mangdung-aw iti pannakapapatayda iti apuy nga inyeg ti Apo.

Jonas 3:6

Idi madamag daytoy ti ari ti Nineve, timmakder iti tronona sana inuksob ti pagan-anayna. Nagkawes met iti nakersang a lupot ket nagtugaw iti nabunton a dapu.

Zacarias 7:3

Pinasaludsodda daytoy kadagiti papadi ken profeta: “Itultuloymi kadi a dung-awan ti pannakadadael ti Templo babaen iti panagayunar iti maikalima a bulan a kas iti inar-aramidmi iti adu a tawen agingga ita?”

Zacarias 7:5

“Ibagam kadagiti tattao iti pagilian ken kadagiti papadi, a no agayunar ken agdung-awda idi iti maikalima ken maikapito a bulan iti las-ud dagitoy pitopulo a tawen, saan a kas pammadayawda kaniak.

Numero 14:1

Nagpatpatnag a nagsangsangit dagiti tattao gapu iti ladingitda.

Numero 14:39

Kasta unay ti leddaang dagiti Israelita idi ipakaammo ni Moises ti sao ni Yahweh.

1 Samuel 6:19

Pinatay ni Yahweh ti 70 nga umili iti Betsemes, gapu ta kinitada ti uneg ti Lakasa ti Tulag. Nagladingit dagiti tattao, agsipud ta adu ti pinatayna kadakuada.