Exodo 33:3 - Ti Baro a Naimbag a Damag Biblia

³ Inkay iti nabaknang ken nadam-eg a daga. Ngem gapu ta nasukirkayo, diak makikuyog kadakayo amangan no patayenkay iti dalan.”

Ti Biblia (1973)

³ Iti maysa a daga a pagayusan ti gatas ken diro: ta diacto makipagsang-at cadacayo; ta dacayo ilicayo a natangken ti panagtelteltelyo; di la ket a pucawencayo iti dalan.

Exodo 33:3 Iomraidhean Croise

2 Ar-ari 17:14

Ngem saanda a nangipangag. Nasukirda a kas kadagidi kapuonanda a di nagtalek ken ni Yahweh a Diosda.

Dagiti Salmo 78:8

Saanda koma a kas kadagiti kapuonanda a nasukir ken nasubeg a kaputotan. Saan a natibker ti pammatida iti Dios, ket saanda a nagtalinaed a napudno kenkuana.

Exodo 13:5

Inkari ti Apo kadagiti kapuonanyo nga itedna kadakayo ti daga dagiti Cananeo, Heteo, Amorreo, Heveo ken Jebuseo. Nabaknang ken nabunga dayta a daga. Inton ipannakay iti dayta a daga, tinawen a rambakanyo daytoy a fiesta iti umuna a bulan.

Exodo 23:21

Ipangagyo ket tungpalenyo ti amin nga ibagana. Diyo sukiren gapu ta siak ti nangibaon kenkuana ket dinto mapakawan ti siasinoman nga agsukir.

Exodo 3:17

Inkeddengko nga iruarko ida idiay Egipto ket ipanko ida iti daga dagiti Cananeo, Heteo, Amorreo, Perezeo, Heveo ken Jebuseo. Nadam-eg ken nabunga dayta a daga.

Exodo 3:8

Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Exodo 32:14

Nagbabawi ni Yahweh ket dina indissuor ti didigra nga impangtana nga ipalak-am kadagiti tattaona.

Exodo 33:5

Binilin ngamin ni Yahweh ni Moises nga ibagana kadagiti Israelita: “Nasukirkayo a tattao ket no makikuyogak la ngata kadakayo iti uray apagkanito, pukawenkayo a mamimpinsan. Ita, ikkatenyo dagiti alahasyo tapno ammok ti aramidek kadakayo.”

Exodo 34:9

Kinunana, “Apo, no pudno met laeng a maragsakanka kaniak, dawatek a kuyogennakami. Nasukir dagitoy a tattao, ngem pakawanennakami koma kadagiti kinadakesmi ket awatennakami a kas tattaom.”

Isaias 48:4

Ammok a nasukirkayo, a natangkenkayo a kas landok, kaskayo la bronse a di makillo.

Jeremias 11:5

Iti kasta, tungpalek ti karik kadagiti kapuonanda iti pannangtedko kadakuada iti nabaknang ken nadam-eg a daga a kukuada itan.” “Wen, O Apo,” kinunak.

Ezekiel 20:6

Insapatak iti daydi met la nga aldaw nga iruarko ida idiay Egipto ket ipanko ida iti insaganak a daga, daga a nabaknang ken nadam-eg ken daga a kasayaatan.

Levitico 20:24

Ngem inkarik a tagikuaenyo daytoy nabaknang ken nadam-eg a daga, ket siak ti mangted iti daytoy a daga kadakayo. Siak ni Yahweh a Diosyo, ket pinilikayo kadagiti sabali a pagilian.

Jonas 3:10

Nakita ti Dios ti inaramidda. Nakitana ti panangtallikudda kadagiti dakes nga ugalida. Isut' gapuna a nagbaliw ti panunotna ket dina dinusa ida a kas iti imbagana.

Jonas 3:4

Rinugian ni Jonas a sinursor ti siudad. Kalpasan ti agmalmalem a pannagnana, impakdaarna: “Uppat a pulo nga aldaw manipud ita, madadaelto ti Nineve!”

Numero 13:27

Kinunada ken ni Moises, “Sinukimatmi ti daga, ket nasarakanmi a nabaknang ken nadam-eg. Adtoy ti sumagmamano kadagiti bunga.

Numero 14:12

Mangyegak iti angol ket dadaelek ida. Ngem pagbalinenka nga ama ti maysa a nasion a dakdakkel ken nabilbileg ngem isuda.”

Numero 14:8

No maragsakan kadatayo ti Apo, ipannatayto sadiay ket itedna kadatayo dayta a nabaknang ken nadam-eg a daga.

Numero 16:13

Di pay la kadi umdas ti panangiruarmo kadakami iti nadam-eg a daga ti Egipto tapno papatayennakami ditoy let-ang? Masapul pay kadi nga iturayandakami?

Numero 16:21

“Adaywanyo dagitoy a tattao ta dadaelek ida iti apagdarikmat.”

Numero 16:45

“Adaywanyo dagitoy a tattao ta pukawek ida iti apagdarikmat!” Nagpaklebda a dua

Dagiti Aramid 7:51

“Nagtangken met ti uloyon! Kaskayo la agpuspuso a pagano! Anian a kinatulengyo iti mensahe ti Dios! Awan dumayo kadagiti kapuonanyo. Kanayon a sukirenyo met ti Espiritu Santo.

Deuteronomio 4:24

Mayarig ti Apo a Diosyo iti gumilgil-ayab nga apuy ket dina kayat nga adda kasalisalna iti panagayatyo.

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.