Exodo 33:12 - Ti Baro a Naimbag a Damag Biblia

¹² Kinuna ni Moises ken ni Yahweh, “Pudno nga imbagam nga idalanko dagitoy a tattao a mapan iti daga ngem dimo imbaga no siasino ti ibaonmo a tumulong kaniak. Kinunam pay nga am-ammonak unay ket maragsakanka kaniak.

Ti Biblia (1973)

¹² Ket ni Moises kinunana ken Jehova, Kitaem, Sica cunam caniac, Alaem daytoy nga ili: ket dica impacaammo caniac ti baonemto a caduac. Nupay no kinunam, Siac amammoca iti nagan, nasaracam met ti parabur iti imatangco.

Exodo 33:12 Iomraidhean Croise

Genesis 18:19

Pinilik ni Abraham tapno ibilinna kadagiti lallaki nga annakna ken dagiti kaputotanna a tungpalendak ket agaramidda iti naimbag ken nalinteg. No aramidenda daytoy, aramidek dagiti amin nga inkarik nga agpaay kenkuana.”

2 Samuel 15:25

Pinaayaban ti ari ni Zadok ket kinunana kenkuana, “Isublim ti Lakasa ti Tulag iti siudad. No magun-odko ti parabur ti Apo, addanto aldaw a palubosannak nga agsubli tapno makitak ti Lakasa ti Tulag ken ti pagyananna.

Dagiti Salmo 1:6

Tarabayen ni Yahweh dagiti nalinteg, salaknibanna ida; ngem dagiti managdakdakes agturongda iti pakadadaelanda.

Exodo 3:10

Ita, ibaonka iti ari tapno iruarmo dagiti tattaok nga Israelita manipud Egipto.”

Exodo 3:4

Idi makita ni Yahweh nga umas-asideg ni Moises, inawaganna manipud iti tengnga ti kayo. “Moises, Moises!” kinunana. “Adtoyak,” insungbat ni Moises.

Exodo 32:34

Dumtengto ti aldaw a dusaek dagitoy a tattao gapu iti basolda. Inkan ket ipanguloam ida a mapan iti lugar nga imbagak kenka. Laglagipem nga idalannakanto ti anghelko.”

Exodo 33:1

Kinuna ni Yahweh ken ni Moises, “Pumanawkayo ditoy, sika ken dagiti tattao nga inruarmo idiay Egipto, ket inkay iti daga nga inkarik kada Abraham, Isaac ken Jacob nga ited kadagiti kaputotanda.

Exodo 33:17

Kinuna ni Yahweh ken ni Moises, “Aramidek ti imbagam gapu ta am-ammoka unay ket maragsakanak kenka.”

Exodo 33:2

Mangibaonak iti anghel a mangidalan kadakayo ket papanawekto dagiti Cananeo, Amorreo, Heteo, Perezeo, Heveo ken Jebuseo.

Exodo 34:9

Kinunana, “Apo, no pudno met laeng a maragsakanka kaniak, dawatek a kuyogennakami. Nasukir dagitoy a tattao, ngem pakawanennakami koma kadagiti kinadakesmi ket awatennakami a kas tattaom.”

Isaias 43:1

Israel, kuna ti Apo a namarsua kenka, “Saanka nga agbuteng—salaknibanka. Inawagak ti naganmo—kukuaka.

Isaias 45:3

Ikkankanto kadagiti gameng nga aggapu kadagiti nasipnget, nalimed a lugar. Iti kasta, maammoamto a siak ni Yahweh, ket pinilinaka ti Dios ti Israel.

Jeremias 1:5

“Pinilika sakbay nga inikkanka iti biag, ken sakbay a nayanakka, tinudinganka a profeta kadagiti pagilian.”

Haggeo 2:5

Idi rummuarkayo idiay Egipto, inkarik a dikay baybay-an. Addaak pay laeng kadakayo, isut' gapuna a dikay agbuteng.

2 Timoteo 2:19

Ngem natibker ken di magunggon ti fondasion nga impasdek ti Dios. Nailanad dagitoy a balikas: “Ammo ti Apo no siasino dagiti tattaona,” ken “Siasinoman nga agkuna a mamati iti Apo, masapul nga adaywanna dagiti dakes nga aramid.”