Exodo 33:11 - Ti Baro a Naimbag a Damag Biblia

¹¹ Makisao ken ni Moises iti sangonsango a kas iti pannakisao ti maysa a tao iti gayyemna. Agsubli met laeng ni Moises iti kampo ngem agbati iti uneg ti Tolda ti agtutubo a katulongan ni Moises, ni Josue nga anak ni Nun.

Ti Biblia (1973)

¹¹ Ket ni Jehova nakisao ken Moises iti nalatac, a cas maysa a tao makisao iti gayyemna. Ket isu nagsubli manen idiay pacarso; ngem ni ministrona a Josue, nga agtutubo, nga anac a lalaki ni Nun, saan a pimmanpanaw iti Tabernaculo.

Exodo 33:11 Iomraidhean Croise

Genesis 32:30

Kinuna ni Jacob, “Nakitak ti Dios iti rupanrupa ket sibibiagak pay laeng.” Daytoy ti gapuna a pinanagananna ti lugar iti Peniel.

2 Cronicas 20:7

Sika ti Diosmi. Idi dumteng dagiti tattaom nga Israelita iti daytoy a daga, pinagtalawmo dagiti agnanaed ditoy samo inted ti daga kadagiti kaputotan ni Abraham a gayyemmo tapno tagikuaenda iti agnanayon.

Ti Libro ni Job 16:21

Adda koma mangikalintegan kaniak iti Dios, kas panangitakder ti maysa a tao iti gayyemna.

Exodo 17:9

Kinuna ni Moises ken ni Josue, “Pumilika kadagiti lallaki a kaduam a mapan manggubat kadagiti Amalekita inton bigat. Agtakderakto iti tapaw ti turod a nakaiggem iti sarukod nga inted ti Dios.”

Exodo 24:13

Nagsagana ni Moises ken ni Josue a katulonganna ket simmang-at ni Moises iti nasantoan a bantay.

Exodo 32:17

Nangngeg ni Josue ti ariwawa dagiti tattao ket kinunana ken ni Moises, “Mangngegko ti ikkis dagiti aggugubat iti kampo.”

Exodo 33:10

Apaman a makita dagiti tattao ti ulep iti ruangan ti Tolda, agrukbabda.

Exodo 33:9

Apaman a makastrek, bumaba met ti monmon ti ulep iti ruangan ti Tolda; makisao ni Yahweh ken ni Moises manipud iti ulep.

Isaias 42:8

“Siak ni Yahweh, dayta ti naganko. Awan ti didiosen a mairanud iti dayagko; diak ipalubos dagiti imahen a mairaman iti pannakaidaydayawko.

Numero 11:28

Kinuna ni Josue, ti anak ni Nun, a tumultulong ken ni Moises sipud pay idi ubing, “Pagsardengem ida, apo.”

Numero 12:7

Ngem saan a kasta ti pannakisaok ken ni Moises nga adipenko. Dinutokak a mangaywan kadagiti amin a tattaok nga Israelita.

Numero 12:8

Iti kasta, makisaoak kenkuana iti rupanrupa. Nalawag ti pannakisaok kenkuana ket saan a kadagiti burburtia. Nakitana payen ti langak! Nagturedkayo ketdin a mangbabalaw ken ni Moises nga adipenko?”

San Juan 11:11

Kalpasan ti panangibaga ni Jesus iti daytoy, insarunona a kinuna, “Matmaturog ni gayyemtayo a Lazaro, ngem innak riingen.”

San Juan 3:29

Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

Deuteronomio 31:14

Kinuna ni Yahweh ken ni Moises, “Dandanin ti ipapataymo. Ayabam ni Josue ket ipanmo iti Tolda ti Dios tapno itedko kenkuana dagiti bilinko.” Napan da Moises ken Josue iti Tolda,

Deuteronomio 34:10

Awanen ti profeta a timmaud iti Israel a kas ken ni Moises. Nakisao ni Yahweh kenkuana iti rupanrupa.

Deuteronomio 5:4

Manipud iti apuy idiay a bantay, nakisao kadakayo ti Apo iti rupanrupa.

Santiago 2:23

Ket pimmudno ti maysa a paset ti Nasantoan a Surat: “Namati ni Abraham iti Dios, ket imbilang ti Dios a nalinteg gapu iti pammatina.” Isut' gapuna a naawagan ni Abraham a “gayyem ti Dios.”