Exodo 33:1 - Ti Baro a Naimbag a Damag Biblia

¹ Kinuna ni Yahweh ken ni Moises, “Pumanawkayo ditoy, sika ken dagiti tattao nga inruarmo idiay Egipto, ket inkay iti daga nga inkarik kada Abraham, Isaac ken Jacob nga ited kadagiti kaputotanda.

Ti Biblia (1973)

¹ Ket ni Jehova kinunana ken Moises, Inca, sumang-atca manipud ditoy, sica ken dagiti tattao a linapsutmo iti daga nga Egipto, a mapan iti daga nga insapatac ken Abraham, ken Isaac, ken Jacob, a kinunac, Isu ti itedconto cadagiti putotmo:

Exodo 33:1 Iomraidhean Croise

Genesis 12:7

Nagparang ni Yahweh ken ni Abram ket kinunana kenkuana, “Daytoy ti daga nga itedko kadagiti kaputotam.” Nangbangon sadiay ni Abram iti altar nga agpaay ken ni Yahweh a nagparang kenkuana.

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

Genesis 26:1

Adda pay sabali a panagbisin a dimteng iti daga malaksid daydi immuna idi panawen ni Abraham. Nakadanon ni Isaac idiay Gerar a sakup ni Abimelec, nga ari dagiti Filisteo.

Genesis 26:3

Agnaedka ditoy ket addaakto kenka. Bendisionankanto. Itedkonto amin daytoy a daga kenka ken kadagiti kaputotam, kas inkarik ken ni tatangmo nga Abraham.

Genesis 28:10

Pimmanaw ni Jacob idiay Beerseba ket nagturong idiay Haran.

Genesis 50:24

Kinunana kadagiti kakabsatna, “Dandanin ti ipapatayko, ngem awan pagdanaganyo ta aywanannakayo ti Dios. Ipanawnakayo iti daytoy a daga ket ipannakayo iti daga a sinapataanna nga ited kada Abraham, Isaac ken Jacob.”

Exodo 17:3

Ngem mawaw unay dagiti tattao ket intuloyda ti nagreklamo. Kinunada, “Apay ngamin nga inruarnakami idiay Egipto? Tapno patayennakami iti waw, agraman dagiti annakmi ken dagiti animalmi?”

Exodo 32:1

Nabayag ni Moises iti bantay. Gapu ta di met la sumalogen, napan dagiti tattao ken ni Aaron ket kinunada kenkuana, “Saanmi nga ammo ti napasamak iti dayta a Moises a nangiruar kadakami idiay Egipto. Yaramidannakami ngarud iti dios a mangidalan kadakami.”

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Exodo 32:34

Dumtengto ti aldaw a dusaek dagitoy a tattao gapu iti basolda. Inkan ket ipanguloam ida a mapan iti lugar nga imbagak kenka. Laglagipem nga idalannakanto ti anghelko.”

Exodo 32:7

Kinuna ni Yahweh ken ni Moises, “Dagdagusem ti sumalog ta nagbasol dagiti tattaom nga inruarmo idiay Egipto ket tinallikudandak.

Levitico 20:24

Ngem inkarik a tagikuaenyo daytoy nabaknang ken nadam-eg a daga, ket siak ti mangted iti daytoy a daga kadakayo. Siak ni Yahweh a Diosyo, ket pinilikayo kadagiti sabali a pagilian.

Numero 11:12

Saan a siak ti nangyanak kadakuada! Apay a kiddawem nga agbalinak a paraaw-awir ket ubbaek ida a kas ubbing tapno ipanko ida iti daga nga inkarim nga ited kadagiti kapuonanda?

Dagiti Aramid 7:36

“Inruarna dagiti tattao manipud Egipto, kalpasan ti panagaramidna kadagiti milagro ken pagsidsiddaawan, kasta met idiay Nalabaga a Baybay ken idiay let-ang iti las-ud ti 40 a tawen.

Deuteronomio 1:8

Dumngegkayo. Itedko kadakayo ti amin a daga iti masangoananyo. Inkayo sakupen ti daga nga inkari ti Apo nga ited kadagidi kapuonanyo, da Abraham, Isaac ken Jacob, ken kadagiti kaputotanda.’”