Exodo 32:9 - Ti Baro a Naimbag a Damag Biblia

⁹ Am-ammok dagitoy a tattao ket ammok met ti kinasukirda.

Ti Biblia (1973)

⁹ Ket ni Jehova kinunana ken Moises, Nakitacon daytoy nga ili, ket, adtoy maysa nga ili a natangken ti panaglenglengngesna:

Exodo 32:9 Iomraidhean Croise

2 Ar-ari 17:14

Ngem saanda a nangipangag. Nasukirda a kas kadagidi kapuonanda a di nagtalek ken ni Yahweh a Diosda.

2 Cronicas 30:8

Dikay agsuksukir a kas kadakuada. Agtulnogkayo ketdi iti Apo. Umaykayo iti Templo idiay Jerusalem a pinasanto iti agnanayon ti Apo a Diosyo. Agdaydayawkayo kenkuana tapno bumaawen ti pungtotna kadakayo.

Nehemias 9:16

Ngem timmangsit ken simmukir dagiti kapuonanmi, ket dida kinayat a tungpalen dagiti bilinmo.

Nehemias 9:17

Dida kinayat ti agtulnog, nalipatanda dagiti amin nga inaramidmo; nalipatanda dagiti pinarnuaymo a milagro. Iti kinatangsitda, pimmilida iti pangulo a mangisubli kadakuada idiay Egipto tapno agbalinda manen a tagabu. Ngem sika ti Dios a mamakawan, naasi ken naayatka, ket saanka a nalaka nga agpungtot. Naindaklan unay ti panangngaasim, saanmo a binaybay-an ida.

Dagiti Salmo 78:8

Saanda koma a kas kadagiti kapuonanda a nasukir ken nasubeg a kaputotan. Saan a natibker ti pammatida iti Dios, ket saanda a nagtalinaed a napudno kenkuana.

Exodo 33:3

Inkay iti nabaknang ken nadam-eg a daga. Ngem gapu ta nasukirkayo, diak makikuyog kadakayo amangan no patayenkay iti dalan.”

Exodo 33:5

Binilin ngamin ni Yahweh ni Moises nga ibagana kadagiti Israelita: “Nasukirkayo a tattao ket no makikuyogak la ngata kadakayo iti uray apagkanito, pukawenkayo a mamimpinsan. Ita, ikkatenyo dagiti alahasyo tapno ammok ti aramidek kadakayo.”

Exodo 34:9

Kinunana, “Apo, no pudno met laeng a maragsakanka kaniak, dawatek a kuyogennakami. Nasukir dagitoy a tattao, ngem pakawanennakami koma kadagiti kinadakesmi ket awatennakami a kas tattaom.”

Dagiti Proverbio 29:1

No sumuksukirka tunggal mababalawka, addanto aldaw a maitibkolka ket saankanton a makabangon.

Isaias 48:4

Ammok a nasukirkayo, a natangkenkayo a kas landok, kaskayo la bronse a di makillo.

Jeremias 13:27

Nakitanakayo ni Yahweh a nagaramid iti kagurgurana. Nakitanakay a simmursurot kadagiti didiosen dagiti pagano kadagiti turturod ken taltalon; kaslakayo la lalaki nga aggartem iti asawa ti kaarrubana wenno kasla kalakian a kabalio a kumamat iti kabaian. Asikayo pay, tattao ti Jerusalem! Kaanonto ti panagbalinyo a nadalus?

Oseas 6:10

Adda nakitak a nakarimrimon a banag iti Israel: tinulawan dagiti tattaok ti bagida babaen iti panagdaydayawda kadagiti didiosen.

Numero 14:11

Kinuna ni Yahweh ken ni Moises, “Kasano pay kabayag ti panangumsi kaniak dagitoy a tattao? Kasano pay kabayag ti dida panagtalek kaniak idinto a nagipakitaak kadakuada kadagiti adu a milagro?

Dagiti Aramid 7:51

“Nagtangken met ti uloyon! Kaskayo la agpuspuso a pagano! Anian a kinatulengyo iti mensahe ti Dios! Awan dumayo kadagiti kapuonanyo. Kanayon a sukirenyo met ti Espiritu Santo.

Deuteronomio 10:16

Manipud ita, agtulnogkayo iti Apo ket ikkatenyon ti kinasukiryo.

Deuteronomio 31:27

Ammok ti kinasukir ken kinatangken ti uloda. Sinuksukirdan ti Apo ita ta sibibiagak pay ket nakarkaronto manen ti panagsukirda kalpasan ti ipapatayko.

Deuteronomio 9:13

“Kinuna pay kaniak ti Apo: ‘Ammok a nasukir dagitoy a tattao.

Deuteronomio 9:6

Ammoenyo a saan a gapu iti kinalintegyo nga ited ti Apo a Diosyo kadakayo daytoy a daga. Kinapudnona, nasukirkayo a tattao.