Exodo 32:23 - Ti Baro a Naimbag a Damag Biblia

²³ Kinunada kaniak, ‘Dimi ammo ti napasamak iti dayta a Moises a nangiruar kadakam idiay Egipto. Yaramidannakami ngarud iti dios a mangidalan kadakami.’

Ti Biblia (1973)

²³ Ta kinunada caniac; Yaramidannacami cadagiti didiosen, Isuda a mapan iti sangomi; ta daytoy a Moises, ti lalaki a nangilapsut cadacami iti daga nga Egipto, dicami ammo ti napasamac kencuana.

Exodo 32:23 Iomraidhean Croise

Exodo 32:8

Binaybay-andan ti dalan nga imbilinko a surotenda. Nangsukogda iti sinan-toro ti baka manipud iti nalunag a balitok ket inaramidda a pagdaydayawan ken pagidatonan kadagiti sakrifisio. Kunkunada a daytoy ti diosda a nangiruar kadakuada idiay Egipto.

Dagiti Aramid 7:40

Isut' gapuna a kinunada ken ni Aaron: ‘Yaramidannakami kadagiti didiosen a mangidalan kadakami. Dimi ammo no ania ti napasamak iti daydiay a Moises a nangiruar kadatayo idiay Egipto.’

1 Samuel 15:15

“Dagiti sinamsam dagiti tattaok kadagiti Amalekita,” insungbat ni Saul. “Dida inan-ano dagiti kasayaatan a karnero ken baka ta maidatagda a daton a mapuoran iti Apo a Diosmo; pinataymi dagiti dadduma.”

1 Samuel 15:21

Nupay kasta, saan a pinatay dagiti tattaok dagiti kasayaatan a karnero ken baka a sinamsamda. Inyegda ketdi ida ditoy Gilgal tapno maidatagda a daton iti Apo a Diosmo.”