Exodo 32:15 - Ti Baro a Naimbag a Damag Biblia

¹⁵ Nagsubli ni Moises ket simmalog iti bantay. Iggemna dagiti dua a tapi a bato a nakaisuratan dagiti bilin.

Ti Biblia (1973)

¹⁵ Ket ni Moises nagsubli, ket simmalog iti bantay, a siiggem cadagiti dua a taptapi a bato ti pamanecnec; taptapi a bato a nasuratanda nga agsumbangir; nasuratanda iti maysa a bangir ken iti casumbangirna.

Exodo 32:15 Iomraidhean Croise

Dagiti Salmo 19:7

Ti linteg ti Apo awan pagkuranganna; baro a pigsa ti itedna. Pudno ti pammaneknek ti Apo, pagsiribenna uray dagiti nanumo.

Exodo 16:34

Kas imbilin ni Yahweh ken ni Moises, inkabil ni Aaron ti putik iti sangoanan ti Lakasa ti Tulag tapno maidulin.

Exodo 24:12

Kinuna ni Yahweh ken ni Moises, “Sumang-atka iti bantay ket umayka iti ayanko. Agyanka ditoy ket itedkonto kenka dagiti dua a tapi a bato a nakailanadan dagiti linteg ken bilin nga insuratko nga annuroten dagiti tattao.”

Exodo 24:18

Simrek ni Moises iti ulep iti isasang-atna iti bantay. Nagyan idiay iti las-ud ti 40 nga aldaw ken rabii.

Exodo 31:18

Idi nalpasen ti pannakisao ni Yahweh ken ni Moises iti Bantay Sinai, intedna kenkuana dagiti dua a tapi a bato a nangisuratan a mismo ti Dios kadagiti bilbilin.

Exodo 32:16

Mismo a ti Dios ti nangaramid kadagiti tapi ket inkitikitna dagiti bilin iti agsumbangirda.

Exodo 34:29

Simmalog ni Moises manipud iti Bantay Sinai a siiiggem kadagiti tapi a bato a nakailanadan dagiti Sangapulo a Bilin. Gapu iti pannakisaona ken ni Yahweh, agranraniag ti rupana ngem saanna nga ammo.

Exodo 40:20

Innalana dagiti tapi a bato ket inkabilna iti Lakasa ti Tulag. Inyusokna dagiti assiw sana kinaluban ti Lakasa.

2 Taga-Corinto 3:3

Nalawag a ni Cristo ti nangisurat iti daytoy ket pinaitulodna kadakami. Naisurat daytoy, saan nga iti tinta no di ket iti Espiritu ti sibibiag a Dios ket saan a kadagiti tapi a bato no di ket iti puso ti tao.

2 Taga-Corinto 3:7

Naikitikit ti Linteg kadagiti tapi a bato, ket idi maited, nagparang ti dayag ti Dios. Nupay agpukpukaw idi ti raniag iti rupa ni Moises, nagpaiduma latta ti raniagna ket saan a maiperreng dagiti Israelita ti matada kenkuana. No ti Linteg a pannakatay ti ibunga ti pannakaipatungpalna ket dimteng a nabuyogan iti kasta a kinadayag,

Deuteronomio 5:22

“Dagitoy dagiti bilin nga inted ti Apo kadakayo idi naummongkayo idiay bantay. Nagsao iti napigsa a timek manipud iti apuy ken iti napuskol nga ulep ket awanen sabali nga imbagana. Kalpasanna, insuratna dagiti bilin iti dua a tapi a bato sana inted kaniak.”

Deuteronomio 9:15

“Simmalogak ngarud a siaawit kadagiti dua a tapi a bato a nakaisuratan ti tulag; gumilgil-ayab idi ti bantay.

Hebreo 9:4

Ditoy ti ayan ti balitok nga altar a pagpuoran iti insenso ken ti lakasa ti tulag a nakalupkopan iti balitok. Ti lakasa ti nakaikabilan ti balitok a banga a nakaikargaan ti mana, ti nagsaringit a sarukod ni Aaron ken dagiti dua a tapi ti bato a nakaisuratan dagiti bilin.

Paltiing 5:1

Iti kannawan nga ima ti nakatugaw iti trono, nakitak ti maysa a nalukot a pagbasaan a nasuratan iti agsumbangir ket naserraan iti pito a timbre.