Exodo 30:25 - Ti Baro a Naimbag a Damag Biblia

²⁵ Mangaramidka iti nasagradoan a lana a pagkonsagrar, ket templaem a kas iti bangbanglo.

Ti Biblia (1973)

²⁵ Ket aramidemto a maysa a nasantoan a lana a sapsapo, maysa a bangbanglo a maaramid a cas gapuanan ti mangaramid iti bangbanglo: isunto ti nasantoan a lana a sapsapo.

Exodo 30:25 Iomraidhean Croise

1 Ar-ari 1:39

Idi dumtengda sadiay, innala ni Zadok ti lana ti olibo nga innalana iti nasagradoan a tolda, ket kinonsagrarna ni Solomon. Pinagunida ti trumpeta ket impukkaw dagiti tattao, “Agbiag ni Ari Solomon!”

1 Cronicas 9:30

Ngem akem dagiti papadi a paglalaoken dagiti bangbanglo.

Dagiti Salmo 133:2

Awan dumana iti napateg a lana a naibukbok iti ulo ni Aaron ken nagaruyot iti barbasna, agingga a nagayus iti kuelio ti kagayna!

Dagiti Salmo 89:20

Insaadko nga ari ni David nga adipenko; babaen iti nasantoan a lana inkonsagrarko.

Exodo 28:41

Ikawesmo dagitoy ken ni kabsatmo nga Aaron ken kadagiti annakna. Kalpasanna, ordenam ida babaen iti pananglanam iti uloda tapno agserbida kaniak a kas papadi.

Exodo 29:21

Mangalaka iti dara nga adda iti rabaw ti altar ken lana a pagkonsagrar ket iwarsim ken ni Aaron ken iti kawesna kasta met kadagiti annakna ken kadagiti kawesda. Kastoy ti pannakaikonsagrar ni Aaron, dagiti annakna ken dagiti kawesda.

Exodo 29:7

Alaem ti lana a pagkonsagrar ket patedtedam ti ulo ni Aaron tapno makonsagrar.

Exodo 30:24

ken innem a kilogramo a kasia (matimbang amin dagitoy segun ti naituyang a pagtimbangan). Laokam iti uppat a litro a lana ti olibo.

Exodo 30:32

Diyo ibukbok daytoy iti gagangay a tao ket diyo tuladen ti kastoy a pannakaaramidna. Nasagradoan daytoy ket masapul nga ibilangyo a nasagradoan.

Exodo 30:35

Aramidem dagitoy nga insenso a matempla a kas bangbanglo. Asinam tapno agtalinaed a puro ken sagrado.

Exodo 35:15

Aramidenda ti altar a pagpuoran iti insenso agraman dagiti assiwna, ti lana a pagkonsagrar, ti nabanglo nga insenso ken ti kurtina ti ruangan ti Tolda ti Dios,

Exodo 37:29

Nangaramid ni Bezalel iti nasagradoan a lana a pagkonsagrar ken iti nabanglo nga insenso a natempla a kas iti bangbanglo.

Exodo 40:9

“Kalpasanna, alaem ti nasagradoan a lana samo warisan ti Tolda ken amin nga alikamenna tapno maikonsagrarda ket agbalinda a nasagradoan.

Eclesiastes 10:1

Pagbuyoken dagiti natay a ngilaw ti sangabotelia a bangbanglo, ket ti bassit a kinanengneng pukawenna ti katan-okan a kinasirib.

Levitico 8:10

Kalpasanna, innala ni Moises ti lana ket inkonsagrarna ti Tolda ti Dios ken ti amin nga adda iti unegna; kastoy ti panangikonsagrarna ti amin ken ni Yahweh.

Levitico 8:2

“Ipanmo ni Aaron ken dagiti annakna iti ruangan ti Tolda. Itugotmo dagiti kawes dagiti papadi, ti lana a pagkonsagrar, ti bumaro a baka a maidaton gapu iti basol, ti dua a kalakian a karnero ken ti sangabasket a tinapay nga awan lebadurana.

Numero 35:25

Saanna a baybay-an iti ima ti kabagian ti napapatay nga agpanggep a mangpatay kenkuana. Isublida ti tao iti siudad a pagkamangan a nagpaknianna ket agtalinaed sadiay agingga iti ipapatay ti Kangatoan a Padi.

Hebreo 1:9

Inayatmo ti kinalinteg ket ginuram ti kinadakes. Isut' gapuna a pinilinaka ti Dios; wen, ti Diosmo. Ket linanaannaka iti rag-o—inikkannaka iti dayaw a dakdakkel ngem ti intedna kadagiti kakaduam.”