Exodo 30:13 - Ti Baro a Naimbag a Damag Biblia

¹³ Amin a mairaman iti sensus ket masapul a bayadanna ti naituding a gatad, kas mayannurot iti naituyang a pagtimbangan. Agbayad ti tunggal maysa nga agpaay a daton ken ni Yahweh.

Ti Biblia (1973)

¹³ Daytoy ti iteddanto, tunggal maysa a mapan cadagiti nabilang, guddua ti maysa a siclo cas iti siclo ti santuario: (ti siclo duapulo a geras;) guddua a siclo a pagdaton ken Jehova.

Exodo 30:13 Iomraidhean Croise

Genesis 23:15

“Denggennak, apo. Uppat a gasut a bagi ti pirak ti pateg ti talon—ngem mano met la dayta kadata? Itanemmo latta sadiay ti asawam.”

2 Ar-ari 12:4

Inayaban ni Joas dagiti papadi ket imbilinna kadakuada nga idulinda dagiti kuarta nga ited dagiti tattao nga agidatag kadagiti sakrifisio iti Templo—dagiti kuarta a maited iti pannakaidatag dagiti inaldaw a daton ken dagiti kuarta a maisagut.

2 Ar-ari 12:5

Urnongen ti tunggal padi ti kuarta nga idatag dagiti pagserbianna, ket mausar iti pannakatarimaan ti Templo.

Exodo 30:14

Tunggal maysa a mailista nga agtawen iti duapulo wenno nasursurok pay, masapul a bayadanna kaniak daytoy a gatad.

Exodo 38:24

Agdagsen iti 1,000 a kilo ti amin a balitok a naidaton iti Apo ken nausar iti pannakaaramid ti santuario. Nausar ditoy ti pagtimbangan ti templo.

Exodo 38:26

Daytoy ti dagup ti binayadan dagiti amin a nasensus; inted ti tunggal maysa ti naituding a gatad, segun iti pagtimbangan ti templo. Agdagup iti 603,550 a lallaki dagiti nailista iti sensus nga agtawen iti 20 wenno nasursurok pay.

Ezekiel 45:12

“Dagiti pagtimbanganyo isu dagitoy: 20 gera=maysa a siklo 60 siklo=maysa a mina

Levitico 27:25

Maibatay ti amin a gatad iti naituyang a pagtimbangan.

Levitico 27:3

segun ti naituyang a pagtimbangan: –nataengan a lalaki, agtawen iti duapulo agingga iti innem a pulo: limapulo a bagi ti pirak –nataengan a babai: tallopulo a bagi ti pirak –agtutubo a lalaki, agtawen iti lima agingga iti duapulo: duapulo a bagi ti pirak –agtutubo a babai: sangapulo a bagi ti pirak –maladaga a lalaki, lima a tawen nga agpababa: lima a bagi ti pirak –maladaga a babai: tallo a bagi ti pirak –lakay nga agtawen iti nasursurok ngem innem a pulo: sangapulo ket lima a bagi ti pirak –baket nga agtawen iti nasurok nga innem a pulo: sangapulo a bagi ti pirak

Levitico 5:15

No adda agbasol a dina ammo gapu iti dina pannangted kadagiti pagbayad a nasagradoan iti Apo, mangidatag iti kalakian a karnero wenno kalding nga awan depektona, a datonna a pagsupapak iti Apo. Magatadan ti animal segun ti naituyang a pagtimbangan.

Numero 18:16

Lima a bagi ti pirak, segun ti naituyang a pagtimbangan, ti pangsubbot kadagiti ubbing nga adda makabulandan.

Numero 3:47

Bayadam ti tunggal maysa iti lima a bagi ti pirak segun ti naituding a pagtimbangan

San Mateo 17:24

Idi napan ni Jesus ken dagiti adalanna idiay Capernaum, immasideg ken ni Pedro dagiti agsingsingir iti buis nga agpaay iti Templo, ket sinaludsodda, “Agbubuis met la ni maestroyo iti maipaay iti Templo?”

San Mateo 21:12

Simrek ni Jesus iti Templo ket pinaruarna dagiti amin nga agtagtagilako ken aggatgatang sadiay. Binalintuagna dagiti lamisaan dagiti agsuksukat iti kuarta ken dagiti tugaw dagiti aglaklako iti kalapati.

San Mateo 27:24

Agsipud ta awanen ti maaramid ni Pilato, ket madlawna nga adda rumsua a riribuk, nangala iti danum sana binuggoan dagiti imana iti sangoanan dagiti tattao. “Awan ti pakaibiangak iti pannakapapatay daytoy a tao,” kinunana. “Makaammokayo ditan.”