Exodo 3:8 - Ti Baro a Naimbag a Damag Biblia

⁸ Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Ti Biblia (1973)

⁸ Ket bimmabaacon tapno ilisic ida iti ima dagiti Egipcios, ken tapno ipanawco ida idiay a daga nga ipan iti maysa a naimbag ken nalawa, iti maysa a daga a pagayusan ti gatas ken diro; iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

Exodo 3:8 Iomraidhean Croise

Genesis 11:5

Bimmaba ni Yahweh tapno kitaenna ti siudad ken ti torre a binangon dagitoy a tattao.

Genesis 11:7

Bumabatayo ket kirokiroentayo ti pagsasaoda tapno dida agkikinnaawatan.”

Genesis 15:13

Kinuna ni Yahweh, “Ganggannaetto dagiti kaputotam iti sabali a daga. Agbalindanto a tagabu sadiay ket 400 a tawen a maparparigatdanto.

Genesis 15:14

Ngem dusaekto ti nasion a mangtagabu kadakuada ket inton pumanawda iti dayta a daga, adunto a kinabaknang ti alaenda.

Genesis 18:21

Masapul a bumabaak tapno ammoek no pudno daytoy.”

Genesis 43:11

Kinuna ni Israel kadakuada, “No nasken a dayta ti masurot, mangalakayo ngarud kadagiti kasayaatan a bunga ti daga nga isagutyo iti gobernador: sangkabassit a resina, sangkabassit a diro, rekado, piniones, ken almendras.

Genesis 46:4

Kuyogenka a mapan ngem isublikto met laeng dagiti kaputotam iti daytoy a daga. Addanto ni Jose iti sibaymo inton matayka.”

Genesis 50:24

Kinunana kadagiti kakabsatna, “Dandanin ti ipapatayko, ngem awan pagdanaganyo ta aywanannakayo ti Dios. Ipanawnakayo iti daytoy a daga ket ipannakayo iti daga a sinapataanna nga ited kada Abraham, Isaac ken Jacob.”

1 Cronicas 1:15

Heveo, Arkeo, Siniteo,

Nehemias 9:8

Napaneknekam a napudno kenka, ket nakitulagka kenkuana. Inkarim nga itedmo kenkuana ti daga ti Canaan, ti daga dagiti Heteo ken Amorreo, ti daga dagiti Perezeo, Jebuseo ken Gergeseo, tapno pagnaedan dagiti kaputotanna. Tinungpalmo ti karim, agsipud ta mapagtalkanka.

Dagiti Salmo 12:5

“Ngem itan,” kuna ni Yahweh, “umayak, ta mailupitlupit dagiti marigrigat; dagiti maidaddadanes nasaem ti asugda. Itdekto ti talged a tartarigagayanda.”

Dagiti Salmo 12:6

Mapagtalkan ken napudno dagiti kari ni Yahweh, mayarig iti pirak a nagugoran iti namimpito.

Dagiti Salmo 34:8

Dakayo a mismo ti mangtakuat iti kinaimbag ti Apo! Nagasat ti tao nga agkamang kenkuana!

Dagiti Salmo 91:15

No umawagda kaniak, ipangagkonto ida, addaakto kadakuada iti tiempo ti riribukda. Ispalekto ida; wen, padayawakto ida.

Exodo 12:41

Iti aldaw a naggibus ti 430 a tawen, pimmanaw dagiti amin a tattao ni Yahweh iti dayta a pagilian.

Exodo 12:51

Iti dayta nga aldaw, inruar ni Yahweh dagiti amin a puli dagiti Israelita idiay Egipto.

Exodo 13:5

Inkari ti Apo kadagiti kapuonanyo nga itedna kadakayo ti daga dagiti Cananeo, Heteo, Amorreo, Heveo ken Jebuseo. Nabaknang ken nabunga dayta a daga. Inton ipannakay iti dayta a daga, tinawen a rambakanyo daytoy a fiesta iti umuna a bulan.

Exodo 3:17

Inkeddengko nga iruarko ida idiay Egipto ket ipanko ida iti daga dagiti Cananeo, Heteo, Amorreo, Perezeo, Heveo ken Jebuseo. Nadam-eg ken nabunga dayta a daga.

Exodo 34:11

Tungpalenyo dagiti bilin nga itedko ita nga aldaw. Iti isusungadyo, papanawekto dagiti Amorreo, Cananeo, Heteo, Perezeo, Heveo ken Jebuseo.

Exodo 5:23

Manipud napanak iti ari tapno ibagak kenkuana ti saom, indadanesna dagiti tattaom ket pulos nga awan pay inaramidyo tapno matulonganda.”

Isaias 36:17

Urayenyo ti panangipan kadakayo ti emperador iti sabali a daga nga umasping iti dagayo nga addaan iti kaubasan a pagtaudan ti arak ken trigo a maaramid a tinapay.

Isaias 64:1

Apay a dimo ray-aben ti langit ket bumabaka? No aramidem ti kasta, makitadaka dagiti bantay ket agkintayegda iti buteng!

Jeremias 11:5

Iti kasta, tungpalek ti karik kadagiti kapuonanda iti pannangtedko kadakuada iti nabaknang ken nadam-eg a daga a kukuada itan.” “Wen, O Apo,” kinunak.

Jeremias 2:7

Impanko ida iti nadam-eg a daga, tapno lak-amenda dagiti bungana ken amin a naimbag a masarakan kenkuana. Ngem idi dimtengda sadiay, tinulawanda dayta a daga. Pinagbalinda a makarimon ti daga nga intedko kadakuada.

Jeremias 32:22

Intedmo kadakuada daytoy nabaknang ken nadam-eg a daga kas inkarim kadagiti kapuonanda.

Ezekiel 20:6

Insapatak iti daydi met la nga aldaw nga iruarko ida idiay Egipto ket ipanko ida iti insaganak a daga, daga a nabaknang ken nadam-eg ken daga a kasayaatan.

Levitico 20:24

Ngem inkarik a tagikuaenyo daytoy nabaknang ken nadam-eg a daga, ket siak ti mangted iti daytoy a daga kadakayo. Siak ni Yahweh a Diosyo, ket pinilikayo kadagiti sabali a pagilian.

Amos 2:10

Siak ti nangiruar kadakay idiay Egipto. Indalankay idiay let-ang iti 40 a tawen ket intedko a tagikuaenyo ti daga dagiti Amorreo.

Numero 13:18

Kitaenyo no ania a kita ti daga dayta, no mano dagiti tattao nga agnaed sadiay ken no kasano ti kapigsada.

Numero 13:19

Kitaenyo no nasayaat wenno saan ti daga ken no nabakudan wenno saan dagiti siudad a pagnaedanda.

Numero 13:27

Kinunada ken ni Moises, “Sinukimatmi ti daga, ket nasarakanmi a nabaknang ken nadam-eg. Adtoy ti sumagmamano kadagiti bunga.

San Juan 3:13

Ket awan ti immuli sadi langit malaksid ti Anak ti Tao a bimmaba manipud langit.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

Deuteronomio 1:25

Idi agsublida, adda sumagmamano a bunga nga inyawidda a naggapu sadiay. Impadamagda a nakadamdam-eg ti daga nga ited kadatayo ti Apo a Diostayo.

Deuteronomio 1:7

Agrubbuatkayon ket pumanawkayo iti daytoy a lugar. Inkayo iti katurturodan a daga dagiti Amorreo ken kadagiti amin a kabangibang a lugar—iti Araba, iti kabambantayan ken kadagiti tanap, iti Negeb ken iti igid ti Taaw Mediterranean. Inkayo iti daga ti Canaan ken iti labes ti Bantay Libano agingga iti dakkel a Karayan Eufrates.

Deuteronomio 27:3

Isuratyo kadagitoy dagiti amin a linteg ken pannursuro. Inton nakastrekkayon iti nabaknang ken nadam-eg a daga nga ited kadakayo ti Apo a Diosyo kas inkarina kadagidi kapuonanyo,

Deuteronomio 28:11

Paraburannakayto ti Apo iti adu nga annak, adu nga animal ken nawadwad nga apit iti daga nga inkarina kadagidi kapuonanyo nga ited kadakayo.

Deuteronomio 6:3

Dumngegkayo, dakayo nga Israelita, ket ikagumaanyo a tungpalen dagitoy tapno nasayaatto ti kasasaadyo. Agbalinkayto a nabileg a nasion ken agnaedkayto iti nadam-eg ken nabaknang a daga, kas inkari ti Apo a Dios dagiti kapuonantayo.

Deuteronomio 7:1

“Ipannakayto ti Apo a Diosyo iti daga a tagikuaenyo. Pagtalawennanto dagiti adu a tattao nga agnaed sadiay. Iti isusungadyo, paksiatennanto ti pito a nasion a dakdakkel ken nabilbileg ngem dakayo: dagiti Heteo, Gergeseo, Amorreo, Cananeo, Perezeo, Heveo ken dagiti Jebuseo.

Josue 9:1

Nagwaras ti damag maipapan kadagiti panagballigi dagiti Israelita. Naammoan daytoy dagiti amin nga ari iti laud ti Jordan, dagiti adda kadagiti katurturodan, kadagiti tanap, ken dagiti amin nga adda iti igid ti Taaw Mediterranean agingga iti Libano iti amianan. Isuda dagiti ari dagiti Heteo, Amorreo, Cananeo, Perezeo, Heveo ken dagiti Jebuseo.

Josue 9:7

Ngem kinuna dagiti Israelita kadagiti Heveo, “Apay a makitulagkami kadakayo? Amangan no asideg ti pagtaenganyo.”