Exodo 3:22 - Ti Baro a Naimbag a Damag Biblia

²² Mapanto ti tunggal babai nga Israelita iti babai nga agnaed iti balay ti kaarrubana nga Egipcio ket dumawat iti pagan-anay ken alahas a pirak ken balitok. Yarruatdanto dagitoy kadagiti annakyo. Kastoyto ti panangalada iti kinabaknang dagiti Egipcio.”

Ti Biblia (1973)

²² Ngem tunggal babai agkiddawto iti carrubana ken iti sangailina iti balayna, cadagiti araruaten a pirac ken araruaten a balitoc, ken pagpagan-anay: ket iyaroatyonto ida cadagiti annacyo a lallaki ken babai; ket samsamenyonto ti cucua dagiti Egipcios.

Exodo 3:22 Iomraidhean Croise

Genesis 15:14

Ngem dusaekto ti nasion a mangtagabu kadakuada ket inton pumanawda iti dayta a daga, adunto a kinabaknang ti alaenda.

Genesis 24:53

Kalpasanna, nangiruar kadagiti alahas a pirak ken balitok ken pagan-anay ket itedna ken ni Rebecca. Inikkanna met ti kabsat ken ina ni Rebecca kadagiti nangingina a sagut.

Dagiti Salmo 105:37

Kalpasanna, inruarna dagiti Israelita, nagawitda kadagiti pirak ken balitok; napigsa ken nasalun-atda amin a sangapada.

Exodo 11:2

Ita, ibagam kadagiti Israelita a dumawatda iti pirak ken balitok nga alahas iti kaarrubada.”

Dagiti Proverbio 13:22

Addanto kinabaknang ti naimbag a tao nga ipatawidna kadagiti appokona, ngem mapan kadagiti nalinteg ti kinabaknang dagiti managbasol.

Isaias 33:1

Asi pay dagiti kabusortayo! Nagagaw ken nangliputda idinto ta awan ti nangag-agaw iti sanikuada ken nangliput kadakuada. Ngem agpatingganto ti panagagaw ken panagliputda, ket mismo nga isudanto dagiti biktima ti panagtakaw ken panagliput.

Ezekiel 39:10

Saanton a masapul a mangayoda kadagiti away wenno kadagiti bakir ta adda dagiti nabaybay-an nga igam a pagsungrodda. Samsamandanto dagiti nagsamsam kadakuada, ket agawandanto dagiti nagagaw kadakuada.” Daytoy ti sao ti Apo a Dios.