Exodo 3:2 - Ti Baro a Naimbag a Damag Biblia

² Sadiay, nagparang kenkuana ti anghel ni Yahweh a kas gumilgil-ayab nga apuy nga aggapu iti tengnga ti bassit a kayo. Nakita ni Moises a sumsumged ti kayo ngem saan a marunot.

Ti Biblia (1973)

² Ket ti angel ni Jehova nagparang kencuana iti maysa a gilayab ti apuy iti tengnga ti maysa a cayo a bassit; ket minatmatanna, ket, adtoy a ti cayo a bassit dumardarang iti apuy, ket ti cayo a bassit saan idi a mauram.

Exodo 3:2 Iomraidhean Croise

Genesis 21:17

Nangngeg ti Dios ti sangit ti ubing. Manipud langit, kinuna ti anghel ti Dios ken ni Agar, “Ania ti pakariribukam, Agar? Dika agbuteng. Nangngeg ti Dios ti sangit ti ubing.

Genesis 22:11

ngem nagpukkaw ti anghel ni Yahweh manipud langit, “Abraham! Abraham!” “Adtoyak, Apo,” insungbat ni Abraham.

Genesis 48:16

Sapay koma ta bendisionan ida ti anghel a nangispal kaniak iti amin a dakes! Sapay koma ta agbiag kadakuada ti naganko ken ti nagan da ammak nga Abraham ken Isaac. Adunto koma ti annak ken kaputotanda.”

Dagiti Salmo 66:12

Binay-am dagiti kabusor a mangibaddek kadakami; apuy ken layus ti naglasatanmi, ngem impannakami iti awan pakaan-anoanmi.

Exodo 19:18

Nakumotan ti Bantay Sinai iti asuk gapu ta bimmaba sadiay ni Yahweh babaen iti apuy. Nagpangato ti asuk a kas iti asuk ti urno ket kasta unay ti panagkintayeg ti bantay.

Exodo 23:20

“Ibaonko ti maysa nga anghel nga umun-una ngem dakayo tapno salaknibannakayo iti panagdaliasatyo ken ipannakayo iti lugar nga insaganak.

Exodo 3:16

Inka ummongen dagiti pangulo ti Israel ket ibagam kadakuada a nagparang kenka ni Yahweh a Dios dagiti kapuonanyo, ti Dios da Abraham, Isaac ken Jacob. Ibagam a naimatanganna ti kasasaadyo ken ti ar-aramiden dagiti Egipcio kadakayo.

Isaias 43:2

No aglasatka kadagiti adalem a karayan, addaakto kenka; dinakanto parmeken dagiti pakariribukam. No magnaka iti apuy, dikanto mauram; dikanto maan-ano kadagiti nakaro a pakasuotam.

Isaias 63:9

iti amin a sagsagabaenda. Saan nga anghel ti nangisalakan kadakuada no di ket ti Apo. Wen, ti Apo ti nangispal kadakuada gapu iti ayat ken asina. Kanayon nga inay-aywananna ida iti napalabas.

Daniel 3:27

Naguummong dagiti turayen, dagiti gobernador, dagiti diputado ken dagiti dadduma nga ofisiales ti ari tapno kitaenda dagiti tallo a lallaki a di inan-ano ti apuy. Saan a nasiraman ti buokda, saan a naan-ano dagiti pagan-anayda ket saanda nga agat-asuk.

Zacarias 13:7

Kuna ni Yahweh a Mannakabalin-amin: “Tumakderka, kampilan, ket darupem ti agpaspastor a katulongak. Papatayem tapno mawarawara dagiti karnero. Darupek dagiti tattaok

Malakias 3:1

Kastoy ti sungbat ti Apo a Mannakabalin-amin, “Ibaonkonto ti babaonek a mangisagana iti dalanko. Ket kellaatto nga umay ni Yahweh a sapsapulenyo iti Templona. Umayto ti babaonen a segseggaanyo ket ipakaammonanto ti tulagko.”

San Marcos 12:26

No maipapan iti pannakapagungar dagiti natay, diyo aya nabasa iti Libro ni Moises ti maipapan iti sumsumged a kayo? Naisurat a kinuna ti Dios ken ni Moises, ‘Siak ti Dios ni Abraham, ti Dios ni Isaac, ken ti Dios ni Jacob.’

San Lucas 20:37

“Paneknekan ni Moises a mapagungarto dagiti natay. Iti paset ti Nasantoan a Surat a pakasaritaan ti sumsumged a kayo, kunana a ti Apo isu ti ‘Dios ni Abraham, Dios ni Isaac, ken Dios ni Jacob.’

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

Taga-Roma 8:3

Inaramid ti Dios ti saan a kabaelan nga aramiden ti Linteg gapu iti kinarasi ti tao. Inukomna ti basol ti kinatao. Imbaonna ti mismo nga Anakna nga addaan iti naintaoan a kasasaad tapno pukawenna ti basol.

Deuteronomio 33:16

Maaplagan koma ti dagada iti amin nga agkakaimbag a bambanag kas parabur ti kinaimbag ti Apo a nagsao manipud iti sumsumged a kayo. Agpaay koma dagitoy a bendision iti tribu ni Jose, ta isu ti napili a pangulo kadagiti kakabsatna.

Deuteronomio 4:20

Ngem inruarnakay idiay Egipto, dayta umap-apuy nga urno, tapno agbalinkay a tattaona a kas iti agdama.

2 Taga-Tesalonica 1:7

Pagin-awaennakayto nga agsagsagaba, ket kastanto met kadakami. Aramidennanto daytoy inton agparang ni Apo Jesus nga aggapu sadi langit, a kaduana dagiti mannakabalin nga anghelesna.

Uk-ukom 13:13

Kinuna ti anghel, “Masapul nga aramiden ni asawam ti amin nga imbagak kenkuana.