Exodo 3:10 - Ti Baro a Naimbag a Damag Biblia

¹⁰ Ita, ibaonka iti ari tapno iruarmo dagiti tattaok nga Israelita manipud Egipto.”

Ti Biblia (1973)

¹⁰ Umayca ngarud ita, ket ibaoncanto ken Faraon tapno ipanawmo ti ilic nga annac ti Israel iti Egipto.

Exodo 3:10 Iomraidhean Croise

Genesis 15:13

Kinuna ni Yahweh, “Ganggannaetto dagiti kaputotam iti sabali a daga. Agbalindanto a tagabu sadiay ket 400 a tawen a maparparigatdanto.

Genesis 15:14

Ngem dusaekto ti nasion a mangtagabu kadakuada ket inton pumanawda iti dayta a daga, adunto a kinabaknang ti alaenda.

Dagiti Salmo 105:26

Imbaonna ni Moises nga adipenna, agraman ken ni Aaron a pinilina.

Dagiti Salmo 77:20

Arigmo iti pastor a nangidalan kadagiti tattaom, babaen iti panangidaulo da Moises ken Aaron.

Exodo 12:40

Uppat a gasut ken tallopulo a tawen a nagnaed idiay Egipto.

Exodo 12:41

Iti aldaw a naggibus ti 430 a tawen, pimmanaw dagiti amin a tattao ni Yahweh iti dayta a pagilian.

Exodo 33:12

Kinuna ni Moises ken ni Yahweh, “Pudno nga imbagam nga idalanko dagitoy a tattao a mapan iti daga ngem dimo imbaga no siasino ti ibaonmo a tumulong kaniak. Kinunam pay nga am-ammonak unay ket maragsakanka kaniak.

Exodo 33:13

No pudno daytoy, ibagam kaniak dagiti panggepmo tapno makapagserbiak kenka ket agtultuloy a maragsakanka kaniak. Laglagipem met a pinilim a tagikuaen daytoy a nasion.”

Exodo 6:26

Da Aaron ken Moises ti nagkunaan ni Yahweh, “Iruaryo dagiti tribu ti Israel iti Egipto.”

Oseas 12:13

Imbaon ti Apo ti maysa a profeta a nangisalakan kadagiti tattao iti Israel iti pannakatagabuda idiay Egipto. Inaywananna ida.

Mikias 6:4

Inruarkay idiay Egipto. Winayawayaankayo iti pannakatagabuyo. Imbaonko da Moises, Aaron ken Miriam a mangipangulo kadakayo.

Dagiti Aramid 7:34

Nakitak ti pannakaparparigat dagiti tattaok idiay Egipto. Nangngegko ti asugda ket bimmabaak a mangisalakan kadakuada. Umayka ta ibaonka idiay Egipto.’

Dagiti Aramid 7:36

“Inruarna dagiti tattao manipud Egipto, kalpasan ti panagaramidna kadagiti milagro ken pagsidsiddaawan, kasta met idiay Nalabaga a Baybay ken idiay let-ang iti las-ud ti 40 a tawen.

Dagiti Aramid 7:6

“Kinuna ti Dios kenkuana, ‘Agnaedto dagiti kaputotam a kas ganggannaet iti sabali a pagilian. Sadiay, matagabudanto ket maparparigatdanto iti uneg ti 400 a tawen.

Dagiti Aramid 7:7

Ngem dusaekto dagiti tattao a mangtagabu kadakuada. Pumanawto dagiti kaputotam iti dayta a daga ket agdaydayawdanto kaniak iti daytoy a lugar.’

Uk-ukom 6:14

Binilin ni Yahweh ni Gideon, “Agrubbuatka ket aramaten ti amin a pigsam a mangisalakan kadagiti Israelita iti pannakabalin dagiti Midianita. Siak a mismo ti mangibaon kenka.”

1 Samuel 12:6

Intuloy ni Samuel, “Ti Apo ti nangpili kada Moises ken Aaron, ken nangiruar kadagidi kapuonanyo idiay Egipto.

1 Samuel 12:8

Idi napan ni Jacob ken ti familiana idiay Egipto, ket indadanes ida dagiti Egipcio, immasug dagidi kapuonanyo iti Apo. Imbaonna da Moises ken Aaron a nangiruar kadakuada idiay Egipto ket pinagnaedna ida iti daytoy a daga.