Exodo 28:1 - Ti Baro a Naimbag a Damag Biblia

¹ “Ayabam ni Aaron a kabsatmo agraman da Nadab, Abiu, Eleazar ken Itamar nga annakna. Ilasinmo ida kadagiti Israelita tapno agserbida kaniak a kas papadi.

Ti Biblia (1973)

¹ Ket yasidegmo kenca ni Aaron a cabsatmo, ken dagiti annacna agraman kencuana, manipud iti tengnga dagiti annac ti Israel, tapno mangakem caniac iti annung ti padi, ni met Aaron, ni Nadab ken ni Abiu, ni Eleazar ken ni Ithamar, annac ni Aaron.

Exodo 28:1 Iomraidhean Croise

1 Cronicas 23:13

Ni Amram nga inauna nga anakna ti ama da Aaron ken Moises. (Ni Aaron ken dagiti kaputotanna ti natudingan a mangimaton iti agnanayon kadagiti nasagradoan nga alikamen. Isuda ti mangpuor iti insenso a pagdaydayaw ken ni Yahweh, agserbi kenkuana ken mangbendision kadagiti tattao iti naganna.

1 Cronicas 6:10

Azarias (ti nagserbi iti templo a binangon ni Ari Solomon idiay Jerusalem),

1 Cronicas 6:34

Elcana, Jeroham, Eliel, Toa,

2 Cronicas 11:14

Binaybay-an dagiti Levita dagiti pagpastoranda ken dagiti dadduma a dagdagada ket napanda nagnaed idiay Juda ken Jerusalem, gapu ta saan a pinalubosan ida ni Jeroboam nga ari ti Israel ken dagiti simmukat kenkuana nga agserbi a kas papadi ni Yahweh.

Dagiti Salmo 115:10

Agtalekkay iti Apo, dakayo amin a papadi ti Dios! Tulongan ken salaknibannakayo.

Dagiti Salmo 99:6

Da Moises ken Aaron dagiti papadina, ken ni Samuel ti nagkararag kenkuana; immawagda kenkuana ket impangagna ida.

Exodo 24:1

Kinuna ni Yahweh ken ni Moises, “Sumang-atka ditoy bantay. Itugotmo da Aaron, Nadab, Abiu ken ti pitopulo kadagiti panglakayen ti Israel. Inton adayokayo pay laeng iti ayanko, agkurnokayo iti panagdaydayaw.

Exodo 24:9

Simmang-at da Moises, Aaron, Nadab, Abiu ken ti 70 kadagiti panglakayen ti Israel iti bantay.

Exodo 28:41

Ikawesmo dagitoy ken ni kabsatmo nga Aaron ken kadagiti annakna. Kalpasanna, ordenam ida babaen iti pananglanam iti uloda tapno agserbida kaniak a kas papadi.

Exodo 29:1

“Kastoy ti panangordenmo ken ni Aaron ken kadagiti annakna nga agserbi kaniak a kas papadi. Mangalaka iti bumaro a baka ken dua a kalakian a karnero nga awan depektona.

Exodo 29:44

Pagbalinekto a sagrado ti Tolda ti Dios agraman ti altar, ket ikonsagrarko ni Aaron ken dagiti annakna tapno agserbida kaniak a kas papadi.

Exodo 29:9

Ikabilmo dagiti barikesda ken dagiti kallugongda. Kastoy ti panangordenmo ken ni Aaron ken dagiti annakna. Agserbidanto kaniak ken dagiti kaputotanda a kas papadi iti agnanayon.

Exodo 30:30

“Kalpasanna, ikonsagrarmo ni Aaron ken dagiti annakna ket ordenam ida a papadi nga agserbi kaniak.

Exodo 31:10

Isuda ti agaramid kadagiti arruaten ni Aaron ken dagiti annakna iti panagserbida a kas padi.

Exodo 35:19

dagiti nadayag a kawes dagiti papadi nga agserbi iti Nasantoan a Disso—dagiti nasagradoan a kawes ni Aaron a padi ken dagiti annakna.”

Exodo 6:23

Inasawa ni Aaron ni Eliseba nga anak ni Aminadab ken kabsat ni Naason; inyanakna da Nadab, Abiu, Eleazar ken Itamar.

Levitico 10:1

Nangala da Nadab ken Abiu nga annak ni Aaron iti saggaysada a pagpuoran iti insenso. Kinargaanda iti beggang, inikkanda iti insenso ket indatagda ken ni Yahweh. Ngem saan a nasantoan ti apuy nga inaramatda gapu ta saanda nga inaramid ti imbilin ni Yahweh kadakuada nga idatagda.

Levitico 10:12

Kinuna ni Moises ken ni Aaron ken kadagiti nabati nga annakna nga Eleazar ken Itamar, “Alaenyo ti natda iti daton a makan a naidatag iti Apo ket aramidenyo a tinapay nga awan lebadurana. Gapu ta nasantoan unay daytoy a daton, masapul a kanenyo iti abay ti altar.

Levitico 7:35

Daytoy ti paset ti daton a mapuoran a naidatag iti Apo a naited ken ni Aaron ken kadagiti annakna idi agserbida a kas padi.

Levitico 8:1

Kinuna ni Yahweh ken ni Moises,

Levitico 8:2

“Ipanmo ni Aaron ken dagiti annakna iti ruangan ti Tolda. Itugotmo dagiti kawes dagiti papadi, ti lana a pagkonsagrar, ti bumaro a baka a maidaton gapu iti basol, ti dua a kalakian a karnero ken ti sangabasket a tinapay nga awan lebadurana.

Numero 18:7

Ngem dakayo laeng kadagiti annakmo ti mangaramid kadagiti pagrebbengan ti padi iti altar ken kadagiti alikamen iti Kasasantoan a Lugar. Dagitoy dagiti annongenyo agsipud ta intedko kadakayo ti sagut a kinapadi. Mapapatay ti siasinoman nga awan karbenganna nga umasideg kadagiti nasagradoan nga alikamen.”

Numero 26:61

Natay da Nadab ken Abiu idi nangidatonda ken ni Yahweh iti saan a nasagradoan nga apuy.

San Lucas 1:8

Iti maysa nga aldaw, dimteng ti batang ti bunggoy ni Zacarias nga agserbi iti Templo, ket madama nga ar-aramidenna ti rebbengna a kas padi.

Deuteronomio 10:6

Nagrubbuat dagiti Israelita manipud kadagiti bubon a kukua dagiti tattao ti Jaakan ket napanda idiay Mosera. Natay ni Aaron ket sadiay ti nakaitanemanna. Ni Eleazar nga anakna ti simmukat kenkuana a kas padi.

Deuteronomio 18:5

Kadagiti amin a tribuyo, ti tribu ni Levi ti pinili ti Apo nga agserbi kenkuana a kas papadi iti agnanayon.

1 Samuel 2:28

Pinilik ida kadagiti amin a tribu ti Israel tapno agbalinda a papadi nga agserbi kaniak iti altar, agpuor iti insenso ken agaruat iti efod a makiuman kaniak. Inikkak ida iti kalintegan a makibingay kadagiti daton a mapuoran iti altar.