Exodo 27:3 - Ti Baro a Naimbag a Damag Biblia

³ Mangaramidka kadagiti bronse nga alikamen ti altar: dagiti palanggana a pagikkan kadagiti dapu ti napuoran a taba, dagiti pala, malukong, pagadaw ken pagikkan iti beggang.

Ti Biblia (1973)

³ Ket mangaramidcanto cadagiti rangrangana a pagiccan cadagiti dapdapo, ken sopsopladna, ken bacbacana, ken cadagiti pagadaw iti lasag, ken cadagiti pagiccan cadagiti beggang: amin nga al-alicamenna aramidemto iti suer.

Exodo 27:3 Iomraidhean Croise

1 Ar-ari 7:40

Nangaramid pay ni Hiram kadagiti banga, pala, ken malukong. Nalpasna amin a trabahona nga agpaay iti Templo ni Yahweh, kas imbaga ni Ari Solomon. Dagitoy ti inaramidna: Dagiti dua nga adigi Dagiti dua a sinan-malukong a paratok iti tuktok dagiti adigi Dagiti aglilinnaga a kawar iti tunggal paratok Dagiti 400 a sinan-granada a naipalikmut kadagiti aglilinnaga a kawar iti tunggal paratok; dua nga intar a sagsasangagasut ti adda iti tunggal paratok Dagiti sangapulo a kariton Dagiti sangapulo a palanggana Ti tangke Dagiti 12 a sinan-baka a nakaisaadan ti tangke Dagiti banga, pala ken malmalukong Pasig a napasileng a bronse amin dagitoy nga alikamen ti Templo nga inaramid ni Hiram para ken ni Ari Solomon.

1 Ar-ari 7:50

dagiti balitok a kopa, pagarsang, malukong, insensario ken dagiti pagikkan iti beggang; ken dagiti bisagra dagiti ridaw ti akin-uneg ken masungad a santuario.

2 Ar-ari 25:14

Impanawda met dagiti pala, dagiti pagikabilan iti dapu a mausar iti pannakadalus ti altar, dagiti maus-usar iti pannakataripato dagiti pagsilawan, dagiti malukong a mausar a pagtaya kadagiti dara dagiti maidatag a daton, dagiti malukong a pagpuoran iti insenso ken amin a bronse nga alikamen.

2 Ar-ari 25:15

Impanawda amin nga alikamen a balitok wenno pirak, agraman dagiti babassit a malukong ken dagiti palanggana a pagkargaan iti beggang.

1 Cronicas 28:17

Imbilinna no kasano ti kaadu ti puro a balitok a maaramid a tenedor, malukong ken burnay; no kasano ti kaadu ti pirak ken balitok a maaramat dagiti lunglongan, ken

2 Cronicas 4:11

Nangaramid pay ni Huramabi kadagiti banga, pala ken malukong. Lineppasna amin nga alikamen nga inkarina ken ni Ari Solomon nga agpaay iti Templo: Dua nga adigi Dua a sinan-malukong a paratok dagiti adigi Dagiti arkos a nalagalaga a kawar kadagiti paratok Uppat a gasut a bronse a sinan-granada a naurnos iti dua nga intar iti likmut ti arkos ti tunggal paratok Dagiti sangapulo a kariton, Dagiti sangapulo a palanggana Ti tangke a sinan-taaw Dagiti 12 a sinan-toro a baka a nagbatayan ti tangke Dagiti banga, pala ken tenedor Inaramid ni Huramabi amin dagitoy nga alikamen. Inaramidna dagitoy iti napasileng a bronse kas imbilin ni Ari Solomon a maaramat iti Templo ni Yahweh.

Exodo 24:6

Inkabil ni Moises kadagiti palanggana ti kagudua ti dara dagiti napapatay nga animal ket insuyatna iti altar ti nabati.

Exodo 27:19

Pasig a bronse dagiti alikamen ti Tolda agraman dagiti pasok ti Tolda ken ti bengbeng.

Exodo 27:2

Ikkam kadagiti sinan-sara nga agdawadaw kadagiti uppat a sulina ket sangsangkanayonda iti altar a makalupkopan met iti bronse.

Exodo 27:4

Agaramidka met iti bronse a barandilias ket kabitam ti tunggal sulina iti argolia a pagbaklayan.

Exodo 38:3

Bronse dagiti amin nga inaramidna nga alikamen ti altar: dagiti palanggana, pala, kawit, malukong ken palanggana a pagikkan iti beggang.

Levitico 16:12

Mangala iti insensario sana kargaan iti beggang nga adda iti altar. Mangala met iti dua a rakem iti nafino nga insenso. Ipanna dagitoy iti Kasantoan a Lugar.

Numero 4:14

Iparabawda ti amin nga alikamen a maar-aramat iti altar; kas iti pagikkan iti beggang, pagadaw, pala ken palanggana. Kalpasanna, arpawanda iti nalamuyot a lalat ket yusokda dagiti assiw.