Exodo 27:21 - Ti Baro a Naimbag a Damag Biblia

²¹ Ikabil ni Aaron ken dagiti annakna daytoy a pagsilawan iti Tolda ti Dios, iti ruar ti kurtina nga adda iti sango ti Lakasa ti Tulag. Sadiay, iti imatang ni Yahweh, agpatpatnag a sigagangat. Aramiden dagiti Israelita ken dagiti kaputotanda daytoy iti agnanayon.

Ti Biblia (1973)

²¹ Iti uneg ti tolda ti gimong, iti ruar ti abbong nga adda iti sango ti pamanecnec, da Aaron ken dagiti annacna aywanandanto a sioornos manipud iti malem agingga iti bigat iti sango ni Jehova: isu ti maalagadto nga agnanayon cadagiti putputotda a maipaay cadagiti annac ti Israel.

Exodo 27:21 Iomraidhean Croise

Genesis 1:5

Pinanagananna ti lawag iti “Aldaw,” ket ti sipnget, “Rabii.” Limmabas ti rabii, ket dimteng ti bigat. Daytoy ti umuna nga aldaw.

Genesis 1:8

Pinanagananna ti tangatang iti “Langit.” Limmabas ti rabii, ket dimteng ti bigat. Daytoy ti maikadua nga aldaw.

2 Cronicas 13:11

Binigat ken rinabii nga agidatagda kenkuana iti insenso ken animal a mapuoran a sibubukel. Idatagda dagiti datonda a tinapay iti maysa a lamisaan a nadalus iti imatang ti linteg ket rinabii a pasgedanda dagiti pagsilawan kadagiti balitok a kandelero. Aramidenmi dagiti imbilin ti Apo ngem binaybay-anyo ti Apo.

Dagiti Salmo 134:1

Umaykay agdaydayaw iti Apo, dakay amin nga adipenna. Wen, dakayo a rinabii nga agserserbi iti Templona.

Exodo 12:14

Rambakanyo iti agnanayon dayta nga aldaw kas maysa a nasagradoan a fiesta a mangipalagip kadakayo iti inaramidko.”

Exodo 16:34

Kas imbilin ni Yahweh ken ni Moises, inkabil ni Aaron ti putik iti sangoanan ti Lakasa ti Tulag tapno maidulin.

Exodo 25:16

Ikabilmo iti uneg ti Lakasa dagiti dua a tapi a bato a nakailanadan dagiti bilin nga itedkonto kenka.

Exodo 28:43

Masapul a kanayon nga usaren ni Aaron dagitoy ken dagiti annakna no sumrekda iti Toldak wenno umasidegda iti altar nga agserbi a kas padi iti Nasantoan a Disso tapno dida agbasol ket mapapatayda. Agnanayon daytoy nga alagaden ni Aaron ken dagiti kaputotanna.

Exodo 29:28

Agnanayon a bilinko a no mangidatag dagiti tattaok iti datonda a pakikappia, kukua dagiti papadi dagiti barukong ken luppo ti animal. Daytoy ti sagut dagiti tattao kaniak, ni Yahweh.

Exodo 29:42

Iti amin a tiempo iti masakbayan, maidatag daytoy daton a mapuoran iti imatangko iti ruangan ti Tolda ti Dios. Sadiay ti pangsarakak kadagiti tattaok ken pakiumanak kenka.

Exodo 29:44

Pagbalinekto a sagrado ti Tolda ti Dios agraman ti altar, ket ikonsagrarko ni Aaron ken dagiti annakna tapno agserbida kaniak a kas papadi.

Exodo 30:21

Masapul a buggoanda dagiti ima ken sakada tapno saanda a matay. Annurotenda daytoy nga alagaden iti agnanayon, isuda ken dagiti kaputotanda.”

Exodo 30:36

Mangmekmekka iti insenso samo ipan iti Tolda ti Dios iti imatangko ket iwarakiwakmo iti sangoanan ti Lakasa ti Tulag. Ibilangmo daytoy nga insenso a naan-anay ti kinasagradona.

Exodo 30:8

Kasta manen ti aramidenna iti sumipnget no gangtanna dagiti pagsilawan. Agtultuloyto nga agnanayon ti pannakapuor ti insenso.

Exodo 40:3

Ikabilmo iti unegna ti Lakasa ti Tulag a nakaikabilan dagiti Sangapulo a Bilin ket ibitinmo met ti kurtina iti sangona.

Levitico 10:9

“No sumrekka ken dagiti annakmo iti Tolda, kitaenyo a saankayo a nakainum iti arak wenno aniaman a makabartek amangan ta mataykayo. Linteg daytoy a masapul nga annuroten dagiti amin a kaputotanyo.

Levitico 16:34

Masapul a maannurot dagitoy nga alagaden iti amin a tiempo. Tinawen a maannurot daytoy a seremonia tapno madalusan dagiti Israelita iti amin a basolda. Natungpal ngarud amin dagitoy kas imbilin ni Yahweh ken ni Moises.

Levitico 17:7

Iti kasta, saanda nga idaton kadagiti demonio a pagdaydayawanda dagiti partienda nga animal iti away. Masapul a tungpalen dagiti Israelita dagitoy nga alagaden iti amin a tiempo.

Levitico 23:14

Dikay mangan iti kaan-ani a trigo, naata man, iniruban wenno naaramid a tinapay no diyo pay naidaton iti Dios. Annuroten dagiti amin a kaputotanyo daytoy nga alagaden iti amin a tiempo iti masakbayan.

Levitico 23:21

Iti dayta nga aldaw, dikay agtrabaho no di ket aguummongkayo nga agdaydayaw. Masapul nga annuroten a kankanayon dagiti kaputotanyo daytoy nga alagaden iti sadinoman a lugar a pagnaedanda.

Levitico 24:2

a bilinenna dagiti Israelita a mangalada iti kasayaatan a lana ti olibo para kadagiti pagsilawan iti Tolda, tapno adda silaw a kanayon a sigagangat sadiay.

Levitico 24:3

Rinabii a gangtan ida ni Aaron ket pagpatpatnagenna a sigagangat iti imatang ti Apo iti ruar ti kurtina iti sangoanan ti Lakasa ti Tulag nga adda iti Kasasantoan a Lugar. Maannurot daytoy nga alagaden iti agnanayon.

Levitico 24:9

Kukua ni Aaron ken dagiti kaputotanna ti tinapay. Masapul a kanenda daytoy iti nasantoan a lugar agsipud ta nasantoan unay daytoy a paset ti daton a naidatag iti Apo nga agpaay kadagiti papadi.

Levitico 3:17

Awan ti Israelita a mapalubosan nga agsida iti taba wenno dara. Agnanayon daytoy nga alagaden a masapul a tungpalenda iti sadinoman a pagnaedanda.

Levitico 3:8

ipatayna ti imana iti ulo ti animal ket patayenna iti sangoanan ti Tolda ti Dios. Ibuyat dagiti papadi ti dara ti animal kadagiti uppat a sikigan ti altar.

Levitico 6:15

Mangrakem iti arina ken ikkanna iti lana ken insenso sana puoran iti altar a mangipakita a naidatag amin iti Apo. Nabanglo ken makaay-ayo daytoy a daton iti Apo.

Levitico 7:36

Iti dayta nga aldaw, imbilin ti Apo kadagiti Israelita nga itedda kadakuada daytoy a paset ti daton. Masapul nga annuroten dagiti Israelita daytoy nga alagaden iti agnanayon.

Malakias 2:7

Pagrebbengan dagiti papadi nga isuro ti pudno a pannakaammo iti Dios. Gapu ta isuda ti babaonen ni Yahweh a Mannakabalin-amin, rumbeng nga isuda ti papanan dagiti tattao tapno masursuroda ti pagayatak.

Numero 18:23

Manipud ita, dagiti Levita laeng ti mangaywan iti Tolda ket isuda ti makaammo iti aniaman a maaramid iti unegna. Agnanayon daytoy nga alagaden a masapul a tungpalen dagiti amin a kaputotam. Awan ti daga a tawiden dagiti Levita iti Israel.

Numero 18:5

Dakay laeng kadagiti annakmo ti mangannong kadagiti trabahoyo iti Nasantoan a Lugar ken iti altar tapno saan nga agdissuor ti pungtotko kadagiti Israelita.

Numero 19:21

Agtalinaed iti agnanayon daytoy nga alagaden. Masapul a labaan met ti tao a mangiwarsi iti danum ti pannakadalus ti pagan-anayna; agtalinaed a narugit agingga iti rabii ti siasinoman a mangsagid iti danum.

Numero 35:29

Agpaay daytoy nga alagaden kadakayo ken kadagiti kaputotanyo iti sadinoman a pagnaedanyo.

Numero 8:9

Ummongem ti entero a gimong ti Israel ket idatagmo dagiti Levita iti sangoanan ti Tolda.

San Mateo 4:16

Dagiti tattao nga agnaed iti kasipngetan Nakitada ti naraniag a lawag! Ket kadagiti agnaed iti nasipnget a daga ni patay Nagraniag ti lawag!”

San Lucas 12:35

“Masapul a sisasaganakayo latta iti uray ania a mapasamak ken sigagangat dagiti pagsilawanyo

San Juan 5:35

Sumsumged ken agranraniag a silaw ti kayarigan ni Juan, ket iti apagbiit, kinayatyo a linak-am ti lawagna.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

2 Pedro 1:19

Iti kasta, ad-adda manen ti panagtalekmi iti impakaammo dagiti profeta. Pagsayaatanyo no ipangagyo daytoy a kasla maysa a pagsilawan nga agranraniag iti nasipnget a lugar agingga iti agbannawag, ket agraniag kadagiti pusoyo ti lawag ti bituen ti agsapa.

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

1 Samuel 3:3

Matmaturog met ni Samuel iti santuario nga ayan ti Lakasa ti Tulag ti Dios. Sisesegged pay laeng ti silaw sadiay.

1 Samuel 30:25

Manipud idin, daytoy ti impaannurot ni David maipapan iti pannakabingay ti nasamsam ket tinungpal ti entero nga Israel.