Exodo 26:33 - Ti Baro a Naimbag a Damag Biblia

³³ Ibitinmo ti kurtina kadagiti naintar a kawit nga adda iti baba ti Tolda ket ikabilmo ti Lakasa ti Tulag a nakaidulinan dagiti tapi a bato iti likudan ti kurtina. Adda ti kurtina iti nagbaetan ti Nasantoan a Disso ken ti Kasasantoan a Disso.

Ti Biblia (1973)

³³ Ket isab-itmonto ti abbong iti babaen dagiti corchetes, ket iserrecmonto idiay iti uneg ti abbong ti lacasa ti pamanecnec: ket ti abbong paglasinennanto cadacayo ti nasantoan a disso ken ti casasantoan.

Exodo 26:33 Iomraidhean Croise

1 Ar-ari 6:16

Adda akin-uneg a kuarto a naaramid iti kaunegan a paset ti Templo. Maawagan daytoy iti Kasasantoan a Disso. Tallopulo a kadapan ti katayagna ket nadibisionan kadagiti tabla a sedro manipud suelo agingga iti bobeda.

1 Ar-ari 8:10

Idi rummuar dagiti papadi iti Templo, pagammoan ta adda ulep a nangin-inut a nangpunno iti Templo.

1 Ar-ari 8:6

Kalpasanna, inserrek dagiti papadi ti Lakasa ti Tulag iti Templo, ket impanda iti Kasasantoan a Disso iti baba dagiti payak dagiti kerubim.

2 Cronicas 3:8

Tallopulo a kadapan ti kaakaba ti akin-uneg a kuarto a maawagan iti Kasantoan a Disso, ket 30 a kadapan met ti kaatiddogna. Duapulo ket lima a tonelada a balitok ti nausar a naikalupkop kadagiti diding ti Kasantoan a Disso:

Exodo 25:16

Ikabilmo iti uneg ti Lakasa dagiti dua a tapi a bato a nakailanadan dagiti bilin nga itedkonto kenka.

Exodo 26:32

Ibitinmo ti kurtina kadagiti uppat a poste a kayo nga akasia a nakalupkopan iti balitok; adda kawitda ken naisaad kadagiti uppat a pirak a pagbatayan.

Exodo 27:10

a maibitin kadagiti duapulo a bronse a poste a maipatakder kadagiti duapulo a bronse a pagbatayan. Pirak dagiti kawit dagiti poste ken dagiti pasikkilda.

Exodo 27:21

Ikabil ni Aaron ken dagiti annakna daytoy a pagsilawan iti Tolda ti Dios, iti ruar ti kurtina nga adda iti sango ti Lakasa ti Tulag. Sadiay, iti imatang ni Yahweh, agpatpatnag a sigagangat. Aramiden dagiti Israelita ken dagiti kaputotanda daytoy iti agnanayon.

Exodo 36:36

Nangaramidda iti uppat a poste iti kayo nga akasia a pakaibitinan ti kurtina ket kinalupkopanda iti balitok; balitok dagiti inkapetda a kawit. Nangaramidda met iti uppat a pirak a pagbatayan dagiti poste.

Exodo 40:21

Kalpasanna, inkabilna ti Lakasa iti uneg ti Tolda. Imbitinna ti kurtina ket kastoy ti pannakalinged ti Lakasa, kas imbilin ni Yahweh.

Exodo 40:3

Ikabilmo iti unegna ti Lakasa ti Tulag a nakaikabilan dagiti Sangapulo a Bilin ket ibitinmo met ti kurtina iti sangona.

Ezekiel 41:4

Rinukodna ti kuarto. Tallopulo ket uppat a kadapan a kuadrado ti rukodna. Kinunana kaniak, “Daytoy ti Kasantoan a Disso.”

Levitico 16:2

Kinunana, “Ibagam ken ni Aaron a mapanto laeng iti Kasasantoan a Lugar iti likudan ti kurtina iti naituding a tiempo agsipud ta sadiay ti pagparangak iti ulep iti ngatoen ti kalub ti Lakasa ti Tulag. Mapapatay ti kabsatmo no agsukir.